Array

فى الاول عاوز اقول للجماعه العذاب اللى مدخلوش دنيا متشكرين اوى على ارائكم القيمه , لكن انتوا مجربتوش , واللى ايده فى الميه مش زى اللى ايده فى النار , انتوا بما انكم عذاب فاكرين ان الحياه بعد الجواز بتبقى بمبى , لكن زى ما صوابع اليد الواحده مش زى بعضها فالرجاله مش زى بعضها والستات ايضا كذلك .

[/quote]

1 -
على كده مثلا , مبارك قد يتحجج بان محدش جرب الرئاسة عشان يقول رأيه فيها او فى البلد ؟ او انك مش عايش حياتى عشان تحكم - لان للدقة محدش يقدر يعيش حياة التانى لانها مختلفة تماما من انسان لانسان , لكن فى خطوط تماس واساسيات فى حكاية الزواج دى , واكبر مشكلة فيها ان الطريقة اللى بيتم فيها الزواج فى مصر " فاشلة تماما " . لكن ما علينا , لدينا الان وضع قائم لصديقك فيه أنسانة - او وحش لكن انسانة له مشاعر واحاسيس , وأولاد قد يكونوا لازالوا فى مرحلة تكوين الوعى . وحط مائة خط تحت كلمة " تكوين الوعى " لأن أم اولاده هتستخدم جميع وسائل الحرب عليه , وهتطلع دين أمه يوميا امام ولاده ( وهتحول القصة من حب الأولى وان الحياة معاها اصبحت مستحيلة , الى ان الرجل صحكت عليه واحدة ست وانه بريلة , وجرى وراء الفلوس وساب العيال ) . وصدقنى هيحتاج انه يقعد مع ولاده , ويكون على علم تام بهذه الحجج - ويرد عليها فى كل مناسبة او غير مناسبة . لانه لو تركها صدقنى هتخرب وعى أطفاله , وخصوصا ان الاطفال بيسهل التأثير عليهم فى البيت اللى بيناموا فيه .


2 -
الزواج المصرى من اكبر مشاكله هو الملل , والزوجة المستأسدة ! مشكلة الانثى المصرية انها غبية - يعنى لما بتقرر تشيل المسئولية , بتحملها بطريقة تقطم ضهرها وتطلع كل ده على الناس اللى شايلهم . لكن مش معنى كده انه يقرر يهد البيت على دماغه وعلى دماغ الكل عشان مشكلة روتينة غالبة الظهور ! انا من رأى انه يأخدها ويروح بيها لاستشارى زواجى - وهو مش مكلف , عشان يقدر يحدد المشاكل اللى الطرفين بيعانوا منها . خاصة انها مشاكل عامة , وبتحصل فى كل زواج - والزوج والزوجة بيكونوا غلطانين فيها .


3 -
لاتعالج انفلونزا الطيور , بأنفلونزا الخنازير- فكلاهما قاتل , وانت فاهم بقه :D