قعدت أفكر فى موضوع الخنازير ، وقلت لازم فيه منطق من الموضوع ده ، مش ممكن يكون خالى تماماً من المنطق ، فلقيت إن مدينة كالقاهرة ممكن فيها 75 % مسلمين ، و 25 % مسيحيين ، لو إفترضنا إن المسلمين لايرغبوا فى إعطاء الزبالة للزبالين المسيحيين ولايرغبوا فى تربية الخنازير على الزبالة .. فهذا حقهم ، والدولة لو هنقول إن حظائر الخنازير غير مرخصة وغير صحية فمن حقها إزالة الحظائر
لكن وضع موجود من 50 - 60 سنة كان ممكن يتعالج بالراحة فى 3 - 4 سنين
يعنى يجيبوا مصانع للزبالة ، وبعدين يمنعوا الزبالة عن الزبالين ، وبعدين يطالبوهم بإزالة الحظائر ، والزبالين طالما ليس لديهم زبالة فلن يستطيعوا تربية الخنازير ، وبكده الموضوع يبقى مرتب
لكن يعملوا اندفاع رهيب ، وكذب إنه فيه خطورة صحية عاجلة ، ويطلعوا بالعنف وبالقتل يقضوا على الخنازير فالموضوع عملية عنصرية وتعصب إنهم يهينوا المسيحيين والزبالين ويأذوهم فى ممتلكاتهم غير منعهم من الرزق مستقبلاً

بس مش واضح ماذا سيتم لو قضوا على كل الخنازير ، هل سيسمحوا بمزارع نموذجية على علف نظيف ؟ أم سيمنعوا الخنازير نهائياً ؟ لو هيمنعوا الخنازير نهائياً يبقى لن تكون هناك ثقة مستقبلية فى أى شىء طالما إن الشريعة الإسلامية سمحت بذلك ثم يتم تجاهل الشريعة الإسلامية وفرض قوانين جديدة لاتراعى حق المسيحى إنه يعيش بحريته فى أكله وشربه