لا بأس يا ’نظام‘: أصلا لو كان في الأدبية لما تسنى لعوليس أن يتلقفه.
وبلى: هو فارس الحريق ، ونجد ، وعموم الجزيرة : ("غصباً على خشوم السبعان والعتبان والحواطى") :lol:




متى يجي في نجد بعض التدابير؟ _ حتى يجي للطيبين انفراجي :icon_cry:

حدنّ بن هادي محمد ورى النير _ والقرم محسن عقّبنّه سواجي

ربعن رسوا بين الحذيفين يامنير _ ماسلّموا لمدوّر الباج باجي

واليوم ناطا نجد مثل المداوير _ نقضي اللزوم ومسرعين الهجاجي

رحنا ندوّج ونتسمّى المناصير _ نمشي على البيدا بليا مزاجي

يومن نجد إلنا منوّل مسايير _ واليوم نجد شيوخ روق الدجاجي :25:

يالله ثبتني على الارض لا اطير _ لين اشرب الشاهي واكل علاجي

علاج راسي حبتينن بقصدير _ اللي عليهن رسمهن بزدواجي

يامنير دوك الفرت وإخذ الفواتير _ إفحص علاه ودخله بالقراجي

اللي يبى بنزين ركّب مواصير _ واللي تباه النار ركّب بواجي

وإليا إستعد وسخر البعد تسخير _ تسخير شيهانن لفرخ الزراجي

عدّه على اللي مايعد المخاسير _ ركّاز عمدان الخشب للنعاجي

ثم قل لأبو بندر ترى وقتنا غير _ تبدلت سحب المطر بالعجاجي

قومه عتيبه شيوخهم مابهم خير _ لايدِّعي بشيوخ شوخ الخراجي

يبكي سيوفن سمّرت نجد تسمير _ تسمير عود الصاج في عود عاجي :closedeyes:

شيوخ نجد اللي تهد الطوابير _ ينثر لها حبن .. سوات الدجاجي :lol22: