أفا يا عوليس ، فارسي ويعرف أشعار العرب وقبايلهم ؟:D:
كبيرة بحق عربان النادي الي ماشفنا أحد منهم قرب على الماظوع
ونكاية بهذا الفارسي ، سأهدي ما تبقى من عربان هنا قصيدة الشاعر محمد بن لعبون " سقا غيث الحيا " برسمه :


سقا غيث الحيا مـزن تهامـا
على قبر بتلعـات الحجـازي

يعط ابها البختـري والخزامـا
وترتع فيه طفـلات الجـوازي

وغنـت راعبيـات الحمامـا
على ذيك المشاريف النـوازي

صـلاة الله ربـي والسلامـا
على من فيه بالغفران فـازي

عفيف الجيب ماداس الملامـا
ولا وقّف على طرق المخازي

عذولي بـه عنيـد مايرامـا
ثقيل مـن ثقيـلات المـرازي

ابو زرقا علـى خـده علامـا
تحلاها كمـا نقـش بغـازي

عليه قلـوب عشاقـة ترامـا
تكسر مثل تكسيـر القـزازي

ألا ياويل مـن جفنـه علامـا
مضى له عن لذيذ النوم قازي

ومن قلبه الى هـب الولامـا
يجرونه على مثـل الخـزازي

تكـدر ماصفـا يامـا ويامـا
صفا لي من تدانيه المجـازي

ليالي مشربي صفـو المدامـا
وثوب الغي منقوش الطـرازي

بفقدي له ووجـدي والغرامـا
تعلمـت النياحـه والتعـازي

مضى بوصلها خمسة عواما
وعشر كنهن حزاة حازي

وصرت بوحشة من ريم رامـا
ومن فرقاه مثل الخاز بـازي

عذولي في هواهـا بالملامـا
يعزيني وأنا ما نيـب عـازي

وكل البيض عقبه لـو تسامـا
فلا والله تسوى اليوم غـازي

سلينا لا حلال ولا حراما
عليهن الطلاق بلا جوازي

حياة الشوق فيهـا والهيامـا
وقـدٍ منـه يهتـز اهتـزازي

وخد تـم بـه بـدر التمامـا
وجعد فوق منبـوز العجـازي

فلا آبـي عقبهـا زاد ولا مـا
وجزت من الغوى والغي جازي

وخضت بحور ليعـات تطامـا
خلاف الخل ما أدري وين بازي

نكيف الهم فـي قلبـي ترامـا
وجيش البين بالغزوان غـازي

اريده وانكسر كسـر السلامـا
بسيف جرده ما هوب هـازي

على بخت الدهر ليتـه تعامـا
عفا عنها وليته مـا يـوازي

وليت اني حلمت بهـا ويامـا
بكيت لها وفي قلبـي حـزازي

وليتي ما حكيت بها وياما
بكيت لها وفي قلبي حزازي

اظـل مساقـم دوم الـدوامـا
همومي فيه تنحـاز انحيـازي

أباح الله يا من بالملاما
يسلم يوم ترزاه الروازي

اسلَّم له ولا يرد السلاما
عزيز من عزيزات عزازي

وصلاة الله مني والسلاما
على قبر بتلعات الحجازي




وبصوت الفنان الكويتي صالح الحريبي :
http://www.sh3be.com/song-5528.ram
ويمكن هذا الملف أفضل ، إن اشتغل :
http://www.sawari.tv/torath/songs/q8/saq...alhaya.mp3



وتحية للفارسي والنجدي معا
(f)