صباح الخير يا شباب

رأيي بأختصار كل واحد يقول اللي عاوزه بالطريقه اللي تعجبه , واللي مش عاجبه أي حد يعمله أجنور ويريح دماغه منه او يتجاهل مداخلتها ويمررها بدون قرائتها , وطالما ان العضو لا يسب او يستهزء او يجرح في احد فنشالله يقول ريان يا فجل واللي صعبان عليه مستوي النادي يتفضل هو ويكتب مواضيع هادفه وجاده .
ومش لأن نارينا بنت وتستحق معامله خاصه ولكن لأن كل واحد حر يكتب بالطريقه اللي تعجبه

نارينا تختلف عن نضال

نضال كانت داخله حاميه وكل ما حد يقول رأي او فكره متعجبهاش كانت تلعن و تتوف (تبصق) وتعصب حتي علي الطير في السماء , لكن الحمد لله ربنا هداها وبطلت تتخانق مع اللي رايح واللي جاي وبطلت تفتح مواضيع وتحط فيها سمايلز

وانا واحد من الناس مثل ما مليت من نشرة الاخبار والاتجاه المعاكس والعاشرة مساء والحياة اليوم و90 دقيقه كذلك المواضيع الجاده تبعث احيانا علي الملل والنادي الحواري لا يحتمل الجد علي طول واللي مش مصدق يسأل الاستاذ بهجت

بالنسبه للشباب اللي معصبين علي نارينا , احب اذكرهم انهم اتخذوا من كلمه كتبت خطأ في عنوان موضوع للزميل آوارفي (نبشرطكم ) وقاموا بعمل حفله عليها بعد ان تم تحويرها الي نبشطركم و البشطركه وفتح لها اكثر من موضوع طويل عريض والشباب مبسوطين ومفرفشين علي الآخر وكان يتم حشرها في مواضيع جاده والاعضاء اللي محضروش حفلة البشطركه في الاجتماعيه كانوا بيبقوا عاملين زي الأطرش في الزفه .

حتي كبيرنا اللي علمنا السحر نيوترال باشا كانت فيه ناس بتعترض علي اسلوبه في الكلام واستخدامه الفاظ جنسيه .

حرية الفكر , حرية التعبير , حرية التهريج , حرية التجاهل