فيريل أنا بشوف هلق أحلى من زمان بكتيييييييييييير
يعني الأنثى هلق صار إلها مجالات أكبر و أحلى وصارت أقوى .. بس الفكرة إنه هيي ما عم تعرف تستفيد مزبوط من هالحق..الأنثى الشرقية غالباً ما بتآمن بحقها بإنها تختار هيي بالزبط متلها متل الرجل و بتحصر هالحق بس بإنه لو الرجل بادر ب (الفيرست موف) هيي يا بتوافق يا إما لأ.. ليش ما هيي إزا عاجبها واحد تفاتحه.. تلتكش فيه.. تقله بالعربي الفصيح إنت داخل مخي .. بلكي هيي كانت داخلة مخه كمان .. يعني أنا ما بشوفها كسفة بالمرة و لا امتهان لكرامتها .. يعني إزا كان في كمستري بيناتهم هيهم اتفقوا و إزا قلها إنتي مو تايبي شو فيها عادي هادا ما بيعني إنها أنثى مو مرغوبة أبداً .. بجوز هيي هايبر شوية و هوي بفضل الهاديين..بجوز هيي حلوة و شقرا بس هوي بفضل الحلوة السمرا
طبعاً أنا ما عم أحكي عن أسلوب "اللزقات" سواء صبايا أو شباب .. لأني مو مع إنه الواحد أو الوحدة يدلقوا حالهم دلق عالتاني بس يعني إشي و منه .. الصبايا هلق عالغالب مثقفين معتمدين على نفسهم معتنيين بحالهم مستقلين بقراراتهم فشو اللي بينقصهم عن الشب لحتى ما يبادروا و يفاتحوه بهيك موضوع ؟ أنا بشوفها عادي كتير و بالعكس من كامل الأنوثة إنها تكون الصبية قوية و جريئة و إزا ما صار نصيب ما بتخرب الدنيي في فرص تانية كتيرة بس بجوز نحنا ما بنشوفها أو ما بنسمح لحالنا نشوفها

ببساطة يا فيريل أنا ما برجع لزمان حتى لو نفس سكوت سبيدمان بفيلم "ماي لايف وذاوت مي" كان رح يكون نصي التاني هناك :D
أنا بموت بهلق و ببكرة على علاتهم و ما بتمنى أرجع أعيش حياة ناناتنا أو حتى ماماتنا

و بأيامنا هاي متل ما في صبايا لزيزين في شباب كراميش و السيئين طول عمرهم موجودين و ما بقبل يظللوني بظلهم لمجرد إني بدي ظلة .. و نصي التاني كتير سهل ألاقيه بالذات هالأيام متل ما هوي سهل يلاقيني بس بشرط أنا أكون عارفة شو بدي بالزبط و شو أولوياتي لأنه ما حدا فينا كامل

:redrose: