(05-28-2009, 10:06 PM)warda كتب:  

اااااااااااااه

انت كذبت العلماء كلهم و بتصدق صوت نفسك و بس

يعني لو فضلت اجيب في روابط ووصلات و عناوين كتب من هنا للصبح مش هتقتنع برضوا

انت بتقتنع بس بالرأي المخالف للحقيقة عشان تبرر بيه كفرك بالله

نفسي افهم بتجيب معلوماتك منين ....مصدرها مين ؟

مين المصدر الموثوق فيه للدرجة دي ، و اللي بتصدقه من دون حتى ما تبحث عن الحقيقة

العقل بيقول ان رأي الاغلبية هو الاصح غالبا

ياريت تشوف رأي الاغلبية من العلماء الافاضل سواء عرب ام اجانب في كيفية موت رمسيس التاني

يا وردة أنا كنت واعدة نفسي ما أدخلش في مناقشات بتخص أي موضوع اعتقادي و إن مشاركاتي تكون بس "هنتات" مش أكتر من كده لأني عارفة المؤمن بفكر إزاي و الملحد بفكر إزاي و أنا متأكدة إن ده من باب الإخلاص للفكرة على الجهتين و أنا بحترم ده (سدقيني مؤمن مخلص لفكرته بحترمه أضعاف من مؤمن بياخد المبدأ بتاعه سكر خفيف و بطوع النصوص علشان تتناسب مع الحاجات اللي جواه ) لكن يا وردة اللي خلاني أكتب مشاركتي دي إن من مشاركاتك في التشات بوكس لمست إنك "كاريزماتيك" و "ويتي" و في نفس الوقت زغننة زي ما إنت قلتي .. فأعطي لنفسك وقت لأن سدقيني كتير مرات الواحد بيبقى ذكي و بنفس الوقت مجتهد و الحاجة دي بتخليه يثق بنفسه كتير أوي لدرجة إنه يبطل يشوف حاجات واضحة قدامه لكن الخبرة بتلعب دور برضه ده من جهة و من جهة تانية العلم اللي بناخده في المعاهد و الجامعات (خصوصاً هنا) علم سكر خفيف خالص بالزات تخصصات العلوم الطبيعية و التقنية (و أنا بتكلم عن تجربة مش كلام في الهوا و بس) و علشان كده يا وردة بقلك خدي وقتك و دوري هنا و هنا وما تقوليش لأ ده علم قالوا عنه الجماعة الفلانيين إن هو مش نافع .. أعطي نفسك فرصة تبصي للأمور و إنتي بتسمعي نفسك و بس مش أي حد تاني .. خلي نفسك هي اللي تحطلك الخطوط الحمرا مش أي حد تاني يعني إنتي بنفسك عيدي تعريف حدودك اللي هتوقفي عندها
أنا مش بتكلم هنا بطريقة وعظية أو حاجة يا وردة.. لأن كلنا "جرون أبس" هنا و ما فيش حد مسؤول عن حد ولأني أولاَ و أخيراً مش هستفيد أي حاجة لو فضلت أقول من هنا لبكرة الصبح بس أنا حبيت أكتب الكلمتين دول لأني لمست عندك حاجة حلوة أقدر أسميها الإخلاص
بصي يا وردة لو كنتي هتسمعي من أختك الكبيرة نارينا فهي بتقلك ركزي دي الوقتي على العلم سواء علوم طبيعية أو تقنية أو تخصصات الأنثروبولوجي الجميلة و خدي منه قد ما تقدري و ما تكونيش قنوعة أبداً في المسألة دي بالعكس كل ما قدرتي خدي أكتر و أكتر و ما تكونيش "قارئة مبسوطة باللي بتتعلمه و خلاص" ..لأ..ما تسلميش بكل حاجة بتقرأيها في أي مجال و ما تغركيش متعة المعلومة الجديدة و إنما افضلي اسألي نفسك طب الحاجة دي كده ليه و ما تكونش كده ليه و برجع أقول خدي وقتك يعني ما تقيسيش العلم بالكيلو و خلي إيمانك في المرحلة دي إيمان بسيط و ما تلتفتيش للهيصة اللي دي الوقتي حاصلة من فتاوى هنا و هنا و حفظ متون و الحاجات دي يعني ما تستهلكيش نفسك في الحاجات دي بعد كده جايز تيجي على بالك حاجة تفكرك بالكلمتين دول

أنا عارفة إن ده برات المادة المطروحة بس ليها علاقة كبيرة أوي بيها

أنا عارفة إن الهندسة عايزة دراسة ووقت بس يا ريت يا وردة لما تحسي نفسك فاضية تقرأي هنا في القسم ده المواضيع اللي بتحسيها بتاخد الطابع العلمي (يعني اللي بتحسي إن المتحاورين فيها بيعطوا من قلبهم علشان يعطوا و بس و مش لأي سبب تاني )
ابعدي عن المواضيع المتوترة و الموترة (يعني اللي بتحسي إن الأخد و الرد فيها زي قلته) و اللي هتاخد من وقتك و جهدك في النقاش على الفاضي و اشتغلي على نفسك بالمواضيع المفيدة .. قلبي الأرشيف فيه مواضيع حلوة كتير
و مش شرط هنا و بس يعني في مواقع حلوة و غنية كتير

هاف أ نايس دي سويتي