(06-08-2009, 04:02 PM)فيريل كتب:  جريئة عزيزتي :
أنت محقة ، فطبعاً التحديات أصبحت كثيرة ومتعددة وأخطرها الإعلام المرئي ، ولا ننسى سيطرة الكهنوت ودور رجال الدين الأفاضل في وعظاتهم ليل نهار عن العودة للكتب المقدسة وآثامنا الخطيرة التي لن يغفرها لنا الرب وعن حيل الشيطان ، وووووو.................
ولكن لا بد من محاربة هذه المظاهر والتمسك بشخصيتنا الحقيقية ومانقتنع به .

مخاطبتك أسعدتني

انا اسعد ، يا اختي في جنس الانثي

بصي اقولك حاجة ، انا احمد ربنا علي اني مسلمة ، وبصراحة انا مبحبش اتكلم عن الديانات ولا ادخل الدين في كل تصرف اعمله وحدودي في المعرفة المرتبطة بالكتب والمقالات والكتاب ... الخ .. تعتبر بسيطة

خلينا نتكلم من ناحية الطبيعة البشرية الي بتقول محدش يضر حد وكل انسان علي طبيعته والي عاوز يتبع دين او مله معينة فله ان يتبع ما يحلو له

المعضلة في ان معظم ومش هاقول كل الرجالة الي هنا او حوالينا شاطرين اوي في الكلام وفي تبني مصطلحات كبيرة ، زي انا مسلم ، انا لا ديني ، انا ملحد ...............

بس ناسيين انهم نتاج مجتمع و اسرة و الي شاطريين فية انهم يتكبروا علي الدين ويقولوا انا مش هاتبع الدين دة او مش هاتبع الدين دة ما علينا

تعالي بقي قوليلي ..............

فين الافعال والتصرفات الي بتعكس ان مخهم كبير ( هتلاقيهم في البلالة) .. توهان ، واول ما يتشطروا ويعملوا فيها ( دكر ) او غضنفر يتشطروا علي واحدة بنت ، علي اساس طبعا اننا عارفين ان طبيعة البنت المنطوية والي مرتبطة بأسرتها غير طبيعة الرجل المنفتح الي بيسافر ويروح ويجي

فطبعا هايفرد عضلاته علي مين ؟؟؟ وينقل افكارة و يتفاخر بيها مع معين ؟؟ مع بنت هايعتبرها غبية ومش بتفهم و كبيرها تقف في المطبخ تسلق بيض او تكون ............... في اخر الليل ....................... يعني بقي ما علينا تكون زي ما تكون

الرجل بيفكر وبيحاول يعقل ويبقي لية مفهموم ومعتنق معين بس فين التطبيق .........امتي هايتصرف وامتي هايبقي راجل بجد

بصي والله العظيم انا مش متحامله علي الراجل ، ولو تعرفي انا قد ايه بحبه وبحب وجودة في حياتي و بصراحة اقولك ان ربنا خلق الراجل عشان حاجة مش اي بنت تحسها الراجل وجود وكيان من خلاله بتحس البنت وجودها وكيانها بتحس انوثتها وعلي كل المستويات

انا حزينة بس علي الراجل العربي ( والمصري ) خاصة عشان هو اتعلم وسافر ولف الدنيا ، ولما قال للبنت خليكي حرة ........................رجع ادها علي دماغها وعلي دماغ اهلها وقالها انتي ........انتي ............. ما علينا ........الله يسامحه بقي

التناقض عزيزتي

الرجل عاوز يلف مع بنت ........... بس يتجوز بنت تانية ( بنت ناس تصونه) الله طب وبنت الكلب الي لف معاها ......... تروح في داهية بقي ..........اصلها بقت يوسيد او سكند هاند ؟؟؟؟؟؟؟؟؟؟؟

ودمتي لي