(06-10-2009, 09:39 PM)Jugurtha كتب:  ده التراث العربي بيقول كده
الراجل اللي بنقول عليه ما شي على حل شعره ما بينقالش عليه يخون
احنا في دي الكلمة
والفاتحة وعقد الزواج ما فيهش نص ملزم للرجل انه ما يروحش لوحدة تانية
في الفاتحة
بيقولو من استطاع منكم الباءة الباءة فليتزوج ودي تعني اللي عنده القدرة الجنسية
لكن ماذونين الايام دي حرفوها وقالوا الباءة يعني القدرة المادية على فتح بيت بس وحياتك انا فاتح كتاب في الطب القديم فيه كذا خلطة لتقوية الباءة هكذا يقول يعني مقويات جنسية
الزواج في الاسلام نكاح وليس زواج يعني فعل جنسي
ومش ح انخدع بتاويلات شيوخ اللغة العربية اللي بيقولو النكاح هو الزواج

الزواج ده مستوى حضاري اخر مش معروف في الجزيرة المتصحرة
وحتى الادب العربي غير المتادب يقول عن الزوجة وكان عليها فلان اي زوجها
جريئة احنا ما اختلفنا ولن نختلف

جوجو بيه

صح ان صح مش هانختلف بس برضو ، بص هو مش مستحيل اننا نتعامل بشكل مختلف عن مجتمعنا بس الي صعب اننا ننفصل عنه والاهم اننا نحاول نعقل الامور او انفصلنا هانبقي منبوذين ومش هانقدر نكمل عشان المجتمع دة عبارة عن اهلنا واصحابنا وتاريخ طويل ولو بصينا لنفسنا هانلاقي ان في حاجات احنا بتعملها لمجرد انها عادة

انا مش ضد التغيير والتقدم واننا نلتزم بالدين او بالعرف والتقاليد او حتي اننا نستحدث تقاليد جديدة بس الاهم اننا ( لا ضرر ولا ضرار ) وهنا بقي الحل هايبقي صعب

عشان تمسك العصاية من النص ، دة مش سهل

اي علاقة بين اتنين مش مهم فيها الورق والعقد المكتوب اي شي مادي سهل تتحكم فية والاهم هو الجانب المعنوي يعني ما انا ممكن اعمل عقد زواج ميخورش الماية واضمن بية اني اتحكم بجوزي بس هل ياتري هابقي سعيدة هل هاحس بجد الامان والراحة وانا ماشية علي بنود مكتوبة علي ورق

في حاجة اسمها راحة البال ودي لو كتبتها في العقد ومحستهاش يبقي ملهاش لازمة

اما موضوع المصطلحات دة بقي مش مشكلة زي ما تكون المهم اية النتيجة اتجوزا ، ناموا في اي وضعية دي مش مشكلتنا المهم ان الناس مرتاحة وفي نوع من الامان ، الثقة حاجة مهمة اوي بين اي اتنين

الجواز بقي يا سيدي ، مجربتوشمعرفش اية ممكن يكون شعوري وانا متجوزة واحد هاعيش عمري معاة او هابقي مطلقة بعد شهور بسيطة ( اصل دي الموضة )

بس الجواز علاقة اقرها وحس عليها ربنا سبحانه وتعالي و عشان كدة اكيد هي علاقة مفيدة من كل النواحي

بس الناس عشان ولاد .... انت عارف بقي فضلوا يخترعوا لحد ما بقي الجواز موضة قديمة وضاع في الرجلين رجالة وبنات كان نفسهم يعيشوا حياة كريمة حلال

يالا بقي اتجوز عشان نعملك زفة في المنتدي يالا عشان نزفتك يا جوجو

اوع تكون متجوز وانا بعك في الكلام

ودمتم