اقتباس:الأخ العزيز discovery2: قرأت ردك وبصراحة أتعجب من تقلب حال البشر. بعد أن كنت تراني صديق عزيز وأراك صديق عزيز وأدين لك بالمساعدة في أشياء كثيرة وكثيراً ما ذكرتك بابتسامة وعرفان وحبور قلب وإذ بك تكتب عني كلام بهذه الصورة. صراحة لمست هذا في مشاركتك الأخيرة في ردك علي في الساحة الدينية وتألمت كثيراً. الأمر ذاته حدث مع بهاء. ماذا يحدث؟ يؤسفني أن أقول لك إن الشخصية العربية كثيرا ما تتحول إلى شخصية ABUSIVE بإسم الحوار وبإسم أشياء كثيرة. انقلاب الناس وغدرهم في الصداقة أمر ألمسه يتكرر معي مرة تلو المرة وأحياناً أسأل نفسي: ماذا جنيت من هذه المنتديات؟ ها هو صديق الأمس ينقلب اليوم إلى عدو ووحش كاسر وبالغد ينفث فيك سمومه- سموم الغضب والضغينة- ويريد الفتك بعواطفك ومشاعرك دون تردد. كان من الممكن يا "صديقي" أن تسجل اعتراضاتك عليّ واختلافك الشديد معي ولكن دون تجريحي بهذا الشكل.

شوف يا ابراهيم انا ولله الحمد خدت فيك مقلب عمرى ما خدته فى حد قبل كده , فتكاد انت الوحيد اللى قدر يخدعنى لاكثر من سنة ونصف وتحت دعاوى حرية العقل والرأى والشك فى كل ما هو حولك حتى انى فى لحظة بدأت أشك أزى كنت فعلا مؤمن بالكلام اللى انت بتقوله بجد , ولا المسألة هو انك تظهر نفسك ذلك المسيحى الذى يقبل جميع الأطياف فسهوا ينعكس ده على دماغ القارئ ان المسيحية هى اللى عملت فيك كده ...

وعشان نخلص بقى من الاسطوانة المشروخة دى ونرتاح احب اقولك : انى لما كنت بتكلم معاك على الماسنجر وفى حوار دائم كنت أبحث عن الحقيقة , والصداقة بينا كانت نوع من انواع " أحب اتعرف , وعايز أفهم ؟ " فأنا لا أعبد البشر ولا البنى أدميين ولا أقدس أحد . كنت بسمع منك لحد ما زهقت , فأكتشتف أنك كائن جيلاتنى لا يهمه الأراء ولا حتى التنقل من الموقف للاخر حسب المصلحة والشخص اللى أمامه بقدر ما يهمه صداقتهم وحبهم وانهم دائما يحسسوه انه " حبيبهم " . فى وقتها كنت بقرأ وأجادل بعنف لانى كنت عايز أفهم : هو انا قضيت طول عمرى حمار بردد وأدافع عن ما لقنت وانا صغير ؟ ولا هما اللى حماير .

وأقتضت المرحلة انى أصادق وأتكلم مع ناس بالهبل أغلبهم حاليا فى البلوك عندى او محدش فينا بيعبر التانى لانى زى ما قولتلك : خلص وجدت ما كنت أبحث عنه , ونزلت الستارة من على عينى وأصبحت أرى الناس فعلا زى ماهما . فأنا يا زميل كنت على الأتصال ومعرفة بالتيار الاصولى بداية من أصحاب منتدى الجامع الاسلامى مرورا بأبن مريم وانت طالع على التوحيد وكل ما تبعه من منتديات . فضلا عن ان اسمى فى البالتوك كان معروف لشوية أعضاء منهم صاحب شبكة الحقيقة trutheye , وطبعا منهم أنت وناس كتيرة . أغلبهم ناس كويسة , لكن ما يحملونه من افكار وصل بينى وبينهم الى مرحلة التصادم ..

هجومى على أفكارك لا يعنى انى بهجم عليك شخصيا , أو انى لى موقف شخصى من ساعدتك - انا بس عندى حساسية من نوعية المبشرين اللى انت بتمثلهم , نوعية لا تبشر بدينها بقدر ما تسعى الى خلق فتنة حقيقة فى البلد وأهلى المسلمين وأهالى المسيحين هما المتضررين رقم واحد من نوعيتكم .

وعشان انت زعلت لما قولت " ربنا يأخد المبشرين فى ستين داهية " يبقى انت تعتبر نفسك واحد منهم , تعالى بقى قولى : ماذا لو قرأ شاب مصرى مسلم التسخين اللى حاصل على النت ؟ وقرر بحماسة وحماقة ان يصفى حسابه مع المسيحين فى مصر . وراح شد سكينة او مسدس وقتل جاره المسيحى . جاره المسيحيى اللى هيكون أول واحد ينقذه وينقذ أهله لو ولعت حريقة او حرامى هجم على الشقة , او تعب حد من ولاده وشد العربية وطلع جرى على المستشفى .

لما أقول ان افكاركم هى زبالة الزبالة , فهى أقل ما يوصف فى تصنيف فئة المبشرين والاصوليين الاسلاميين على النت وفى مصر تحديداً . هؤلاء اصحاب الذاكرة القصيرة جدا نسوا ان المسيحين فى مصر كافحوا مع مسلمينها وجميع أطيافها فى ثورة سعد زغلول . نسيتم ان عبد الناصر لما سجن فى المعتقل مسألش الاستاذ دينه أيه ؟ حتى لما جاء الى الحكم رئيس غبى زى السادات , نسيتم برضو ان انتفاضة الخبز كانت مصريين مش مسلمين ولا مسيحين .

حتى الى هذه اللحظة اللى انا بتكلم فيها , خطابكم مرفوض من الاطياف المسيحية داخل مصر . لان بكل بساطة لا جارى المسيحى اللى بيجى يقولى " كل سنة وانت طيب " فى عيد الاضحى على الرغم انى مش مسلم , هو نفس الجار المسلم اللى بيجى يقولك " هابى كريسماس " . فبدل من تحويل القضية الى قضية وطنية تتدعو الى توحيد البلد ضد الفساد اللى مفرقش فيها بين مسلم ولا مسيحى , بدل ما نجد مساندتكم لقضايا التمييز الدينى فى مصر والتأكيد على علمانية الدولة " وحرية المواطنة والعبادة " . نلاقيكم بتتضربوا على ممارسات فردية من شيوخ أغبياء لابد من محاكمتهم دوليا على ما قالوه .

شوية ألوف زى " البهائيين " قادرو يفرضوا نفسيهم على النظام ويسحبوا اعتراف شبه ضمنى بيهم , بل والان كل مصرى يعرف ان فى بهائيين فى مصر وديانة اسمها البهائية . لأنهم لم ينكروا مصريتهم ولم يهاجموا احد , بل على العكس أستغلوا معركتهم وانتزعوا حقهم من بق الاسد . لكن انتم اللى 8 مليون على اقصى تقدير عملتم ايه ؟ قاعدين تنفخوا فى النار , وانشاء الله تأكلكم أول ناس .

قول امين

---

اقتباس:، ولا أريد لإبراهيم أن يعتقد أن هذا تقليل من شأنه ، فهو ربما يعلم أني أقتحم من لا يعجبني مباشرة بلا مناورات ، سواء كان إبراهيم يمارس نشاطا تبشيريا احترافيا أم عرضيا ، فهذا لا يعنيني ولا يقلل من تقديري إبراهيم و حبي له ،و لكنه كما يرى حبا مبصرا لا يقبل ولا يرفض كل شيء .

طيب بما اننا بقى بقينا بنتكلم أحب أن اعبر عن حبى وأحترامى وتقديرى لحضرتك يا أستاذ بهجت . حقيقى والله , فانت اصبحت فى الاونة الاخيرة تتاجر بالمواقف تجارة غريبة الشكل والمحتوى . بجد يعنى يا راجل فلقتنى ثقافة ! يلعن دين أم الكتب اللى قريتها يا أخى اللى يخليك عمال تتاجر بالمواقف بشكل ده , مذكرنى بشخص هلامى مش همه اى حاجة بقدر ما يكسب الناس فى القاعدة .

يعنى انت مش مشكلة عندك القيام بأى نشاط تبشيرى هينتج عنه رد فعل معاكسة وتجييش للجماهير الحمير فى معارك دينية عقيمة , مش مشكلة عندك ان مجتمعتنا الان بتعانى من أثار ردات الفعل المعاكسة من زمن حرب افغانستان والتيارات الوهبية المدعومة بالنقد السعودى . مش مشكلة عندك نهائيا ان بسبب هؤلاء الحمير انتقلت ثورة الاسلام على الانترنت , وأقسم بسلنتوحة المقدس انى قابلت ناس كتيرة وكنت انا شخصياً سبب دخولهم فى دومة التيار السلفى جملة " انا لقيت واحد اسمه زكريا بطرس بيشتم ... انا كنت بعمل بحث لقيت موقع اسمه اسرائيليات نازل شتيمة فى الأسلام ... انا لقيت واحد بيشتم فى الشعرواى " وللمفارقة المضحكة صاحب موقع ابن مريم الاستاذ عمرو بن العاص قالى فى مرة : ان سبب انشاءه للموقع كان بسبب قصة الشعرواى اللى نشرها الواد اللى اسمه أباظة .

ولا يهمك يا بهجت وزع المواقف وبيع الأراء عادى جدا وخليك كول يا مان وبيع بدنجان , ونسيب الدنيا تولع عادى جدا خالص مالص , وأبراهيم وزملاءه يولعوا فى الشباب على الانترنت واحنا نقعد نتفرج . بس ياريت يا استاذ يا كبير واللى معرفش على ايه , تسكت تماما عن العلمانية والمجتمع المدنى وياريت بقى تبطل تحاضرنا وتكتب مقالات ملهاش لازمة عن الكلام الفارغ ده كله . لان اصبح من الواضح ان متاجر بالمواقف وتتدعى كلام لا تؤمن بيه .

ياراجل ده انا كنت واخد فيك مقلب