[quote='Jugurtha' pid='391654' dateline='1244732964']
[وال ما اعرف ايه

اقول لك اليوم المراة العربية اللي بتشتغل وعندها مدخول بيكفيها تحمد الله
بس محتاجة زواج تخلف منه عيل او اتنين وبعدين تربيهم وليذهب الرجل الى الجحيم

انا معجب جدا بالوزيرة الفرنسية من اصل مشترك مغربي جزائري اللي حملت وانجبت بنوتة تونسهاquote]

بص صديقي انت عارف بقي المرأة العربية الي انت بتتكلم عنها دي في منها كتير الايام دول وشغالين في نفس مجالي ، البنت الي اشاغلت وراحت وجت وقابلت ناس كتير و( وسنها كبر )
مع الوقت فهمت ان الراجل من واحد هاتجيب منه عيل ، لا ، دي فهمت ان الحياة اكتر من مجرد عيال صحيح والبنت سنها صغير عاوزة الحركات بتاعت العيال والخروج والدلع ، بس صدقني بعد مرور الزمن بتعرف معني التنازل عن حاجات كتير وبتفهم يعني اية الجواز عشان يعيش محتاج تفاهم و تكافئ و اعتدال الزمن بيبقي بيعدي قدامها وبتعرف ان الفلوس مش كل حاجة و حجم الشقة مش كل حاجة .. وعلي فكرة دي تجربة خاصة بيا انا ومش هاخجل اني اتكلم عنها ومع اني مش نادمة علي اي قرار اخدته الا اني بقولك ان كل يوم بيعدي بعرف شوية حاجات تخليني افهم ان الانسان عمرة ما بيشبع ولو خد من الدنيا كل ما فيها من سعادة ، عمر ما الانسان هايبطل يطلب ويقول انا مظلوم انا محتاج

البنت الي دلوقتي بتشتغل بتعرف يعني اية الراجل برضو بيتعب وهي لو متحملة مسئولية نفسها فالراجل بيتحمل مسئولية اسرة بحالها

واي بنت ( غبية ) تفكر ان الزوح عشان العيال وبس ، يبقي تستاهل انه يبص لحد تاني عشان نظرتها هاتكون ضيقة الجواز علاقة متبادلة للاهتمامات والمصالح والمشاعر والامان ، لو هي محتاجة يبقي هو محتاج لو هو بيدي هي لازم تدي وفي يوم من الايان هاتحتاج الزوج عشان تعرف تربي العيل الي هي فرحانه بية دة و هاتندم لو اهملته

الزواج حياة ومش مجرد واد بيصرف علي واحدة ولا واحدة بتشبع رغبات واحد

الكلام دة انا مكنتش اعرف من فترة ، بس الزمن كان كفيل اني اتعلم ولسة هاتعلم

انا اتمني بس الحاجة الي انت قلتهالي قبل كدة ( راحة البال ) ياااااااااااااااة يا جوجو ياااااة ياريت ليها طريق او تمن

كنت عملت جمعية اقبضها انا الاول واشتريها

اية بقي موضوع الست الي خلفت دي الفرنساوية ، دي خلفت من واحد مش معروف ، يعني دة طفل مجهول الاب ؟؟؟
والا دة من اطفال الانابيب ، يا ابني ميصحش كدة بقي عاوزين شوية اصالة واصل شوية انتماء والابعد كدة هاناكل بعض اكتر واكتر وتلاقي شلة عيال عمالين يقولولك بابا بابا بابا

انا قلت انت عاوز ميغة وتبرطع فيها ، ومحدش صدقني اديني بقيت زيك بضرب راسي في المكتب اهوة


ودمت لي