هههههههههههههه

لالالا

يا عم انا مرسمتش حد من الأعضاء في النادي ههههههه
حتدخلني في خناقات وحكاوي ليه
انا المرة دي جاي زيارة سريعة وماشي علطول.
ومش ناوي ادخل في حوارات مع حد خالص

دي صورة الولية الفلبينية اللي من المجر وعايشة في أستراليا.

الخروف ده سببه ان دراعها اتقطعت في استراليا بسبب الإضطهاد العرقي ضد الفلبينيين العلويين من أصل مجري.

وأنت تعلم أستراليا تشتهر بالخرفان ، فالدكتور استقرب خروف بدل ما يبعت يستورد دراع صناعي من بريطانيا وهو شاف انه حيليق على الفستان.

الفستان ألوانه خليط من أعلام الدول الثلاثة.
الفلبين والمجر واستراليا.

المسدس عملية جراحية في الفلبين ، علشان التأمين ضد جماعة أبو سياف ، كانوا بيخطفوا الخناشير في الشارع ويسيبوا المزز في حالهم.

اللي انت افتكرته قلم ، ده شعرها وبتستعمله في ضرب النمر على التلفون
ههههههههه
عارف انك حتقول في المشاركة اللي بعدي انها بتضرب بيه نمرة محددة .


والفيشة طبعا
بتشغل كل الإعجاز ده

ملخص التجربة بتاعة الحرب الأهلية دي بالنسبة لي :

الرسم الكاريكاتيري فعلاً ممتع ، وسريع ، ومتحرر من القيود.
ولا يحتاج إلى إمكانيات ولا نقود.
حتى لو كانت النتيجة تشبه المكرونة الاسباجيتي مثل رسوماتي.
ولكنه يمكن ان يختصر مشاركة طويلة عريضة. خصوصا لما تبقى قرفان جداً ومش طالبة معاك تتكلم خالص.
بس لسه عايز تقول حاجة. يأتي الرسم الكاريكاتيري كحل سحري لهذه الحالة النفسية.
وسيبقى صحن المكرونة الاسباجيتي قادراً على إيصال الرسالة.

ويستحق التجربة