(06-24-2009, 01:12 PM)جريئة كتب:  وعلي فكرة كنت احب اسال ، هي البنت الشرقية كان بمازاجها انها تبقي تقليدية والا ثقافة الذكورة الي عايشين فيها هي الي خلتها كدة

البنت اتعلمت وراحت وجت واشتغلت وطلع ميتين اهلها وبرضو لسة بتتحاسب علي مشاعرها لو عبرت عنها لو حبت يقولوا دي " شر... " لو عرفت حد و مروا سوا بتجربه جنسية هايرميها ولو انتظرت الحلال و عبرت عن مشاعرها وابتكرت اساليب عشان تسعد جوزها هايقول عنها دي كان ليها تجارب قبل الجواز

منكرش انها المفروض تفرض رغبتها وان من حقها تعيش بالشكل الي يرضيها ودة من مجرد انا انسان عوز يعيش ويقول انا هنا

انا طبعا مش قصدي المساواة العمياء ، لالالالالالالالا انا قصدي ان يحترم رغبتها علي اساس انها عضو مشارك في الاسرة

طيب ما انتى قولتى بنفسك فى اول المدخلة ان كل ده بسبب السلطة الذكورية فى المجتمع , مع ان الام هى رقم الواحد فى التضييق على البنات وخنق رقبتهم ورايحة فين يا بت ؟ وجاية منين يا بت ؟ ولا هو الذكر اللى قاعد طول النهار على القهوة كان هو اللى بيمارس ثقافته الذكورية ؟

اصلا الموضوع لا علاقة له بالذكر ولا حتى بالانثى , الموضوع له علاقة اكبر بمجتمع شبه متخلف فى مجال التعبير عن المشاعر , وشئ طبيعى جدا اننا نلاقى الذكر الشرقى فى مصر والانثى الشرقية " متخلفين عقليا " عندما تأتى للتعايش السلمى ومنع انتشار الأسلحة بينهم . فيكون الطبيعى ان الرجل هو سيد البيت لحد ما يخلف , فتنتقل السيادة لمراته وتفضل طول النهار تزعق وتصوت وتشتم زوجها , لحد ما يجد فى نفسه الرجولة الكافية انه يروح ينتحر . لكن لاسف الناس كلها بتفضل الموت البطئ , فيسيب البيت ويروح يتعفن على القهوة .

لاسف المجتمع نفسه بقى متغلبط وكله بقى قدام بعضه , وانا شخصيا معنديش اى تشخيص للمشكلتك غير انك تروحى تحدفى نفسك فى البحر , يمكن تنامى وتقومى تلاقى نفسك فى دولة " تسمح للنساء بالتعبير عن مشاعرها " او تلاقى نفسك فى بلاد الامازون اميرة متوجه على شعب من النساء