في ليله غبره من ليالي الصيف في الكويت , كان معايا واحد صاحبي في العمل أسمه حسام دعاني لحضور الصلاه في الكنيسه الأنجيليه بالكويت , وطبعا كانت العمليه ناشفه وحالة ملل عايش فيها , فقلت أروح اتفرج , في البدايه سواق التاكسي البنغالي
( ابن دين الكلب - ومتستغربش من سب الدين - بس أنت أركب مع سواق تاكسي بنغالي وانت هتبقي ماكينة سب دين )
نزلني عند الكنيسه الكاثوليكيه وقاله هي دي الكنيسه الإنجيليه , وبصراحه انا شفت فلبينيات كتير علي المدخل وداخل الكنيسه فأنشرح صدري لكن بعد كده اكتشفت انها الكنيسه الكاثوليكيه فأغتم قلبي وضاق صدري ونفسنت من المذاهب وبعد ذلك اتصلت بصديقي فدلني علي الكنيسه الأنجيليه وبدلا من أن أتوجه إلي المدخل الأمامي للكنيسه توجهت للمدخل الخلفي المغلق المطل علي شارع الخليج ولما لقيت البوابه مقفوله رحت ناطط من علي السور واجتزت ردهه مكشوفه تفصل بين رواقين , وتجاوزت سور آخر أكثر أرتفاعا ومبني بالحجر بعكس السور الخشبي القصير في المدخل وأصبحت داخل الكنيسه وأتصلت علي صديقي اللي كان منتظرني علي الباب الرئيسي ويقع بالجهه الأخري

بسبب تعدد الجاليات الأجنبيه بالكويت , فكانت هناك 4 قاعات للصلاه داخل الكنيسه الأنجيليه بالكويت , واحده للناطقين بالعربيه ومعظم مرتاديها من المصريين , وواحده ناطقه بالأنجليزيه ومعظم مرتاديها من الفلبين وشرق آسيا و وواحده ناطقه بأحد لغات الهند
وعرفت أزاي
مش عاوزه فكاكه فيه هنود داخلها
الرابعه كانت مغلقه ولا أدري فيما تستخدم

دخلت القاعه وزي ما يكون مكتوب علي وشي مسلم , أو هما عارفين بعض او صاحبي كان قايلهم انا هجيب واحد مسلم يصلي معانا النهارده أو لأني كنت لابس شورت وفانله خفيفه , المهم ان الكل بدأ يتفحصني ويرمقني بنظرة وداعه وابتسامه لطيفه وجلست بجوار صاحبي واصدقائه افسحوا لي مكان وبدأت أستمع للتراتيل ( أنسي الكلام الغير مفهوم بتاع الأرثوذكس وشنوده ) أغاني مكتوبه كويس ومتلحنه كويس كمثال
بإندهاش وأعجاب ..بإجلال وخشوع
نصرخ عجيب أنت .. أيها الرب يسوع

ده كان المرجع في أغنيه جميله وحماسيه

أما القاعه فكانت ممتلئه علي آخرها وفيه وسط الحضور مزز جامده , والمؤدي للأناشيد كان اسمه ماهر سين أو سين ماهر ( مش فاكر بصراحه ) بس كان صوته جميل وبيعزف علي آله زي العود بس معرفش اسمها أيه لكن كنت دايما اشوفها مع الفرق الفنيه بتاعة أوربا الشرقيه واليونان ( بدعوكم لحضور مهرجان الأسماعيليه للفنون الشعبيه - وكل واحد يروح علي حسابه لأني مش موجود في مصر أصلا )

خصلت الأنشوده الأولي راح لاضم في الأنشوده التانيه , والحماس بيزيد في القاعه وبدأت الناس تقف علي رجليها وتصفق علي ايقاع الأغنيه , وكان في الكورس 3 مزز جامدين بصراحه ( أهي دي الصلاه ولا بلاش) , وخلصت بعد كده الأنشوده التانيه راح داخل في التالته فقلت لصاحبي انا خارج أشرب لأني بدأت أنفسن , ولما شارفت الأغنيه علي الأنتهاء , أخد المايك واحد متين وقصير تقريبا هو القس المسؤل وطلب من لحضور انهم يرحبوا بشخص أسمه (....) وصل من مصر اليوم لحسن حظه وحظ الحضور عشان يشوف الجمع الجميل ده , ووعظ شويه عن حب المسيح لينا وأنه بينادينا وبيقول
تعالي تعالي تعالي .. يا حبيب العمر تعالي
المهم بعد كده اشاد بالتضامن والمحبه اللي بين الأخوه في الكنيسه وعن الدور اللي بتلعبه في نشر كلمة الله (الإنجيل)
وأن مساهمتك في نشر الأنجيل هي تعبير منك .....الخ
وفيه كمان أسره في أحدى قري مركز البياضيه بأسيوط منزلها اتحرق بسبب أنفجار انبوبة بوتجاز واللي عاوز يتبرع لطباعة الكتاب المقدس يحط تبرعه مع الأخ فلان واللي عاوز يتبرع لأسرة البياضيه يحط تبرعه مع فلان , وطبعا تبرعت لأسرة البياضيه ودي كانت واحده من الإيجابيات اللي شفتها داخل الكنيسه ( إذا كانت الفلوس هتروح لصالح الأسره المنكوبه فعلا )

وبعد كده رجعنا مع الأخ ماهر وقعد يغني ساعه كمان , كنت خلاص اتبضنت انا من الحبسه بس استحملت للنهايه , وفي النهايه قدمنا صديقي ورفاقه للواعظ (....) اللي حضر اليوم من مصر وأعطوه فكره سريعه عن أني لاديني واني انسان محترم وحبوب وأنه ممكن يرشدني لطريق المسيح .

بدأ يكلمني عن الله وحبه للبشر وتضحيته من أجلهم

فقلت له جمله واحده
ما يثبت بالجدل بالجدل ينقض
فدخل علي قصص المعجزات وازاي ناس كانت مش عارف ايه وبعد كده المسيح أو القديس فلان عمل معاهم مش عارف أيه
فقلت له , أذا كنت هصدق قصص المعجزات اللي بتحكي لي عليها فمن باب أولي أصدق المعجزات اللي في الكتاب المقدس , إلا إذا كنت أنت أصدق من الكتاب المقدس , وإذا كنت هصدق الكتاب المقدس فمن باب أولي أصدق القرآن , يعني أشمعني أصدق أن يوشع أمسك الشمس أن تغرب حتي ينتهي من القتال ولا أصدق أن محمد أسري به ليلا من المسجد الحرام بمكه إلي المسجد الأقصي بفلسطين ؟
كتبكم كلها خرافات ومعجزاتكم لم يشاهدها أحد وشهودكم ماتوا منذ ألاف السنين
قالي طيب أنت عاوز أيه حتي تؤمن بالله
قلت له اروح أسحب 100 دينار بالفيزا كارد فأجد رصيدي بقي 10 مليون دينار , هآمن فورا Zghrd

فضحك وقالي ان مملكة السيد المسيح له المجد لا تنتمي الي هذا العالم
فقلت له طيب هات بقي عربيتك (قولي انها لا تنتمي إلي هذا العالم )
فضحك وقالي للأسف معنديش عربيه , وصمت شويه وهو بيتأملني مليا وقال بلهجة الواثق وقد ضم قبضة يده وترك ألأصبع السبابه وهو مشهر في وجهي وهزه برفق وهدوء وقال لي المسيح هيجيبك تعرف ليه لأنه بيحبك , وأعطاني رقم تليفونه في مصر والكويت وطلب مني زيارته في أي وقت أشاء .

وبعد أن عدت إلي منزل صديقي , أجبروني من باب الميانه علي مشاهدة سي دي عنوانه (رأيت حلما) به عدد من قصص المتحولين مصورة بأحتراف
الأولي عن شخص اسمه خليل كان عضو في الجماعه الأسلاميه وسافر للجهاد في أفغانستان وعندما عاد من هناك طلب منه أمير الجماعه قراءة الأنجيل وأستخراج الأخطاء منه للرد علي النصاري الملاعين , وطبعا خليل رفض وبعد حاولات عديده من جانب أمير الجماعه قبل انه يقوم بالمهمه (يقرأ الأنجيل ويستخرج المتناقضات اللي فيه ويرد بها علي النصاري) وطبعا لقي الأنجيل ميه ميه ولا فراخ الجمعيه ومفيهوش ولا غلطه فبدأ يشك في القرآن ونبوة محمد لحد ما يسوع جه وقاله انا بحبك وانقذه من الضلال وبعد ما كان مطلع عين أمه وأخته وكسر لهم التليفزيون عشان حرام أصبح شخص مهذب وبيعامل أمه بمنتهي اللطف والحنان وتوته توته فرغت الحدوته

ولأني احيانا ببقي صبور أو لأني تورطت في النوم عند أصدقائي المسيحيين فسمعت قصه تانيه لواحد اسمه علي تركي (من تركيا - مش أبوه أسمه تركي) وكان بيؤدي فريضة الحج وفي الليل ايقظه هاتف وقلق نومه فترك الخيمه وراح نام في السياره , فراح وراه برضه وايقظه وقاله انت تخصني ولازم تمشي من هنا , طبعا دلوقتي كلكم بقيتم شطار وعرفتوا مين هو
صح يا قطقط هو يسوع شاطر يا حبيبي .

وهنا أدرك فارس الصباح فشخرت لهم وقلت لهم أحه هتشتغلوني ولا أيه .
فقاموا إلي النوم مسرعين

ملحوظه
طبعا في هذه الأثناء أنا منتظر واحد ييجي ويقولي بحبك هذا للعلم وشكرا .

تسجيل الدخول
اسم المستخدم:
كلمة المرور:	فقدت كلمة المرور؟
	تذكرني

المواضيع المحتمل أن تكون متشابهة…
الموضوع		الكاتب	الردود	المشاهدات	آخر رد
	المغترب السوري عبد الرحمن زيتون تحول الى بطل قومي في أمريكا	بسام الخوري	1	966	06-26-2010, 05:03 AM آخر رد: tornado
	يا فرحتي ..المسيحيون إزدادوا مجرما ...أنباء عن تحول التركي الذي حاول اغتيال البابا إلى المسيحية	بسام الخوري	10	2,289	06-11-2009, 06:28 PM آخر رد: Jugurtha
	من فيديو كليب للمحبوبة ,,, تحول الى كليب ابن لادن !!	نسمه عطرة	2	851	03-16-2008, 03:25 AM آخر رد: لايبنتز
	مسكوا من دانو و اضربو كف .. أقوى ..	bassel	3	859	02-06-2007, 07:02 PM آخر رد: bassel
	في تقديري ؛ المرأة أقوى من الرجل بدنيا ً ...	Georgioss	6	1,611	05-07-2006, 08:29 PM آخر رد: The Godfather