ظهيرة مباركة ، على وزن سعيدة مباركة

لمن تتبرع ؟
تتبرع لمن تشعر من داخلك أنه يستحق سواء "جائع - عطش - عريان - مريض" المهم أن يكون مستحقًّا .
_____________
مش عارف ليه افتكرت لما قريت الموضوع افتكرت كلام "ليلين" في موضوع كان مكتوب في "فكر حر" قال فيه رضي الله عنه "الحل للفقراء أن يعدموا" يعني نستبدلهم بقوم غيرهم صالحين للمجتمع ، كان كلامه في إطار ازاي اليابان بقت متحضرة بالشكل ده .
طبعا يمكن يظهر في صورة الكلام شيء من القسوة أو العنف ، لكن أنا معاه بشكل معين اوضحه :
مصر ما شاء الله أصبحت تخرج دفعات كبيرة جدا كل يوم وليس كل عام من المتسولين والشحاتين والنصابين بكل أشكالهم بدءًا من الطفل الصغير ومرورًا بالست اللي تقولك " اس .. بس .. يا استاذ " والشابة اللي تقف في بداية كوبري ، ومحتاجه وتخرجلك كلمة محتاجة بفونتكس يحمل قراءات عدّة مع تعريجة للشفاة بشكل لولبي ... وانتهاء بالعجوز اللي يقولك أنا عاوز "كنز= صفيحة ممتلئة بالمياه الغازية" أو العجوز التي تطلب منك علبة سجاير شرط أن تكون فلتها حمراء.
ماشاء الله كوكبة مختلفة التوجهات ، ويعلمون الصبية والصغار ، فهذا يعمل الواجب تحت عمود النور وأمامه 4 بواكي مناديل وطفلة عاوزه تاكل ، وجعان والله مكلتش من الصبح مع نفخه من الحنك وشنّه من الأنف ..
مثل هؤلاء طبعا هنشتغل نفسنا لو قلنا لازم يكون في توعية ، ونفهمهم ، أو أو مثل هؤلاء لا بد أن يُعدموا أو يحرقوا أو تقطع ألسنتهم أو يجيهم داء الميه تدّأر من تحتهم -كما قال طيب الذكر عادل إمام . لأن بصراحه بقى شيء يقرف بجد .
لكن للتبرعات شأن آخر
فيه مكان تابعت بعض الزملاء وهم مهتمين بيه حتى رحت مع الأطفال رحلة لجنينة الحيوانات كمان
عايشين قريب من المعادي "تخلل" في حتة اسمها "بطن البقر" لا مجاري هناك ولا نيلة ولا حتى "طرنش" العيال الصغيره معفنه معفنه بجد ، وأهاليهم ممكن توصل المتاجرة إن الشخص يأجر مراتو "حد يلعب لها في ودانها بفلوس" فتلاقي هناك قرف في قرف ، وزنا محارم ولواط وشيء يقرف بجد ، كله بسبب الفقر ، والجهل .. بكلم بجد والله
حتى دايما ربنا يوقف ولاد الوسخه في وش اي مشروع خيري ، هناك واحد بيسموه شيخ ، اي فلوس تروح للمكان عاوز ياخدها ويوقف اي شيء مش جاي على مزاجه صديقنا راجل دكتور وواعي شوية وشايف اننا لازم نربي الأطفال صح ، وياكلوا كويس ويلعبوا ويعيشوا شيء من طفولتهم ، مولانا الشيخ لأ مش ينفع أمال هيتنفح ازاي ..
القصد فيه حاجات زي كده بالعبيط تستحق أن نهتم بها ، وربنا يخلي الحرمية مخلوش لغالبه كتير الحق في الحصول على ضروريات الحياة ..
تصدق وتؤمن بأفروديت
كذا مرة في كذا مكان بشوف ناس بتلم أكل من الزباله ، وحتى لا يعترض معترض أنا أعرف نوعين من الـلميمه : نوع بيدور في الزباله على حاجات تنفعه كمصدر دخل ، ودول باشاوات طبعا وتلاقي الواحد فيهم ممكن يجوز مدرسة انجليزي زي قصة محمود ياسين والطاهره ناهد شريف وأستاذ الفلسفة حسين فهمي .
ونوع تاني بالفعل بياخد فضلات الطعام ياكلها وحدث هذا أكثر من مرة قدامي ..
أنا بعمل إيه لما بشوف كده لو لقيتو شابه ، بلفحه الأول سيجاره يصلب بها طوله ، واقوم خابطه حق سندوتش واحد على اساس يتعلم يبقى زي الأجانب يخش المطعم هو سندوتش اللي يشتريه مش يقعد يعلف ساعه ، واهو منه يبقى عامل ريجيم أو ديت كما يقول أهل المدنيّه.

كفايه كده ونكمل في وقت تاني لحسن حد قلبه يتقطع .