{myadvertisements[zone_1]}

النظام الخطي هل كل الناس هتخش النار ما عدا المسلمين

يجعله عامر عضو رائد المشاركات: 2,372 الانضمام: Jun 2007 مشاركة: #1 هل كل الناس هتخش النار ما عدا المسلمين صباح الأنوار على الكل ونهاركم معطّر والدنيا هي الشابة وانت الجدع .. على رأي إذاعة الشرق الأوسط الحكاية كالتالي : من كام يوم اتخنقت شويه بالليل فقلت اتمشى ع النيل ، من ناحية كورنيش شبرا - عظّم الله أجر من كابد العيش فيها - وأنزلني صديقي منزلاً مباركًا على البحر ، كانت هناك مجموعة من الأصدقاء القدامى - لم أرهم منذ 7 سنين- يجلسون يروحون عن القلوب ساعة - بس ساعة شكلها معلّقه وواقفه معاهم- لاحظت ان ص منهم كان يدخن الحشيش ومصهلل ع الآخر ، وكانت ملاحظتي مغلوطه ، فالكل بفضل الله ونعمته كان مصهللاً ، لكن لكلّ "موده" الذي يعيش فيه ، قعدوا يهيصوا شوية ، ثم جاءت الأطروحات والسؤالات الفكرية ، والحشيش يجعل الدماغ صاحي -مش السلاح- نسيت أقول أن كل من في الجلسة -قدّس الله سرّهم- خريجي جامعة الأزهر .. فجري الكلام على سورة الفاتحة وأن المغضوب عليهم والضالين هم النصارى واليهود قلت : شغال انا أسيب الناس تحكي وخلاص واستمتع بالهيصة اللي هُمّا فيها .. وقد حدث لحد ما واحد منهم وجّه لي سؤال ولازم اسمع رأيك إنت مش بتقول رأيك ليه : قلت طيب اسأل قال إنت مخك شكله لحس .. طيب ليه بتقول كده ، مفيش سبب وقام سائل سؤال جامد هو المسيخ الدجال هيجي ؟ قلت يا ابني أنا مليش رأي في هيك أمور وهيك وهيك لكن أعرف إن مشايخ الأزهر القدامى لغوا مثل هذه الأفكار واستبعدوها ولا مسيخ ولا دجال ولا مهدي ولا كلام من ده ودي قصص تحدث أو لا تحدث لا تفرق مع المؤمن ، آخر شخص قال كده على ما أذكر كان الشيخ المسيّر الله يرحمه قال : على كده عيسى مش هينزل يكسر الصليب قلت : الله أعلم بس محمد عبده الله يرحمه وطنطاوي جوهري وشلتوت وأكثر من شيخ قالوا إن المسيح مات واستوفى أجله فإيه اللي هيستدعي إنه تدّب فيه الحياة وينزل من تاني ، وع العموم نزل / مات / رُفع .. بالنسبة لي لستُ منشغلاً بذلك . قام قال مُحدثي : مش بقولك إنت مخك باظ قلتله يا ابني هو انا بقولك كلامي ولا كلام المشايخ ، وبعدين رأيي مش تشغل بالك بالكلام ده قام سأل واحد منهم طيب م الآخر هو فيه جنه ونار وحساب وكده ؟ واللا مفيش ؟ قلت طبعا يا ابني أمال الموضوع مولد يعني - مع خالص عزاءنا لمن لغلهم المولد ياللاه يبقوا يسرقوا السنة الجاية جثث المصريين لما تيجي أنفلونزا البشر وتاخدهم ولا تبقي ولا تذر- قال طب الحمد لله شوف بقى إحنا ربنا أنعم علينا بالإسلام وبسببه هنخش الجنة ، مش زي النصارى ولاد ال### تيـــــــــــــــــــــــت واللا الكفرة .. الحمد لله قلت طيب أنا بقى عندي سؤال : قلت ليه يا جماعه الجنة للمسلمين بس يعني العالم كله هيخش النار ما عدا المسلمين ؟ طيب لا اعتراض في حكمك يا رب ، بس هل ربنا قال كده بالفعل ، أنا اعرف إن فيه آيات في القران ذكرت يهود ونصارى ومجوس وصابئة وغير كده وقالت إنهم إذا عملوا أعمال صالحة فلا خوف عليهم ولا يحزنون واحد قام قايل لا يا بابا حاسب دول ربنا بيديهم جزاء الخير في الدنيا لكن هيشتوا في نار جهنم قلت طيب يا سيدي بلاش أقولك فلان أو علان أو مؤسسة كلها ناس غير مسلمين ينفقوا على الفقير ويكفلوا اليتامي ، ويخصصوا جزء من اموالهم لميزانية التعليم في البلاد ! و...... أنا هقولك على شخص انت تعرفه : ابوطالب شوفت عمل ايه مع النبي صلى الله عليه وسلم إنت متخيل إنك انت مثلا قدّمت زي مقدم أبوطالب للنبي ، هل إنت متخيل بالفعل إنه ينتعل نعلين يغلي رأسه منهم نارًا ، ويكون في ضحضاح في النار ، وكده كمان مخفف عنه العذاب بسبب الحاجات الكويسه اللي عملها مع سيدنا النبي .. قال آه طبعا مهو مقالشي الشهادة ولا آمن بالله قلت : آمنت بالله يا ابني انت مثلا عاوز تقولي ان المسلم مثلا فيه 99 في الميه من المسلمين كويسين مثلا ، لكن في واحد في الميه هنقول : بيسرق بيزني أخلاقه زي الزفت بيغش بينافق وي وي وي الواحد في الميه ده مثلا أحسن من هنقول الست "أوبرا اللي برنامجها بيجي ع الأم بي سي 4 مترجم" إنت مش بتشوف دي بتعمل ايه ودول بيعملوا ايه قال واحد ولو بردوه مسيرها النار واحد غريب مش اعرفه في القعده كان منتبه شويه قال لازم تؤمن بسيدنا محمد مع احترامي لكلام حضرتك قلتله يا أستاذ انا مش بتكلم على هي تؤمن بإيه الآن أنا أتكلم إن مثلا دي شخص بتفاصيل معينه أخلاقه كويسه ، وممتازة بالفعل ، ليه إنت بتخلي مصيرها النــــــــــــــــــــــــار .. قال طيب نمشي واحده وحده قلت ماشي قال إنت مؤمن وموحد بالله ومؤمن بسيدنا محمد قلت الحمد لله مؤمن وموحد وبصلي ع النبي ليل ونهار وادي سبحه اهي اطول من السلسله مش بتفارقني وخرجتهالو من جبيبي زي الحاوي قال الحمد لله قال سيدنا محمد مش خاتم الأنبياء قلت تمام قال طيب لازم يؤمنوا بيه طالما أخلاقهم كويسه قلت ممتاز شخص مثلا بتفاصيل كويسه زي دي ، هيضيفله الإسلام إيه بجد ؟ أخلاق مهو عنده أخلاق ، شريعة تنظم حياته مهو حياته منظمة ، إيمان بالله مهو مؤمن بالله بس حسب عقيدته ، إيمان بيوم آخر مهو مؤمن بالحساب وباليوم الآخر بتفاصيله هو ، ولولا دفع الله الناس بعضهم ببعض مش ربك بالأساس رايد الاختلاف ده وإلا كان خلقهم كلهم مسلمين ، ومكنش حسّن أخلاق حد ولا وفقه لفعل الخير وهو غير مسلم قال لا مهو بيعمل كده "فتنة" واختبار للمسلم قال طيب ايه رأيك في البهائيين ؟ قلت هو احنا خلصنا كده يعني ؟ قال بس قول رأيك قلتله البهائيين والقاديين والأشكال دي كلها نصابين خاصة اللي قابلتهم في مصر ، والبهائية يا ابني مش ديانة زي منتا متخيل دي حدوته كده هبقى اشرحهالك بعدين ، بس ان جيت للحق أنا بموت في شعر "قرة العين" اللي هي زمان أيام تأسيس الهرطقة البهائية كانت الداعية الأولى للباب ، حرقوها !! قال طيب شوفت قلت آه فعلا تصدق كل العالم هيخش النار ما عدا المسلمين وقفلت الحوار ورضي عني الراجل نفس السؤال قلت اسأله هنا يعني العالم كله هيخش النار ما عدا المسلمين ؟ ______________ اللي لفت نظري بالفعل من فترة طويلة أي قعدة بقعد فيها مع حد تلاقيه بيتكلم في الدين ناس بتحشش بتتكلم في الدين ناس بترقص والله بتتكلم في الدين نجارين مسلح وبايعين كبده بيكلموا في الدين مسرحيين وفنانين بيكلموا في الدين صحفيين بيكلموا في الدين إيناس الدغيدي بتتكلم في الدين أم احمد غاندي اللي بتبيع حشيش بتتكلم في الدين ، بوش بيتكلم في الدين ، نجاد بيتكلم في الدين ، حتى محمد سعيد رسلان بيتكلم في الدين الله يوفق عباده يمكن ارجع أكمل باقي الحوار بس نشوف هل حد ليه جواب على السؤال نهاركم معطر بالياسمين 07-19-2009, 11:11 AM {myadvertisements[zone_3]}

« السابق | التالي »

الردود في هذا الموضوع

هل كل الناس هتخش النار ما عدا المسلمين - بواسطة يجعله عامر - 07-19-2009, 11:11 AM RE: هل كل الناس هتخش النار ما عدا المسلمين - بواسطة Albert Camus - 07-19-2009, 11:22 AM, RE: هل كل الناس هتخش النار ما عدا المسلمين - بواسطة الحكيم الرائى - 07-19-2009, 11:41 AM, RE: هل كل الناس هتخش النار ما عدا المسلمين - بواسطة كمبيوترجي - 07-22-2009, 09:25 AM, RE: هل كل الناس هتخش النار ما عدا المسلمين - بواسطة Hameeduddin - 07-19-2009, 02:27 PM, RE: هل كل الناس هتخش النار ما عدا المسلمين - بواسطة بهاء - 07-19-2009, 03:50 PM, RE: هل كل الناس هتخش النار ما عدا المسلمين - بواسطة قطقط - 07-19-2009, 04:49 PM, RE: هل كل الناس هتخش النار ما عدا المسلمين - بواسطة سيسبان - 07-19-2009, 04:53 PM, RE: هل كل الناس هتخش النار ما عدا المسلمين - بواسطة إبراهيم - 07-19-2009, 05:09 PM, RE: هل كل الناس هتخش النار ما عدا المسلمين - بواسطة the special one - 07-19-2009, 05:14 PM, RE: هل كل الناس هتخش النار ما عدا المسلمين - بواسطة إبراهيم - 07-19-2009, 05:24 PM, RE: هل كل الناس هتخش النار ما عدا المسلمين - بواسطة the special one - 07-20-2009, 02:32 AM, RE: هل كل الناس هتخش النار ما عدا المسلمين - بواسطة Yusuf - 07-21-2009, 05:56 PM, RE: هل كل الناس هتخش النار ما عدا المسلمين - بواسطة Hameeduddin - 07-21-2009, 09:00 PM, RE: هل كل الناس هتخش النار ما عدا المسلمين - بواسطة vodka - 07-21-2009, 09:01 PM, RE: هل كل الناس هتخش النار ما عدا المسلمين - بواسطة Albert Camus - 07-22-2009, 07:56 AM, RE: هل كل الناس هتخش النار ما عدا المسلمين - بواسطة عاشق الكلمه - 07-22-2009, 05:13 PM, RE: هل كل الناس هتخش النار ما عدا المسلمين - بواسطة بهاء - 07-22-2009, 05:50 PM, RE: هل كل الناس هتخش النار ما عدا المسلمين - بواسطة عاشق الكلمه - 07-22-2009, 06:14 PM, RE: هل كل الناس هتخش النار ما عدا المسلمين - بواسطة the special one - 07-22-2009, 06:33 PM, RE: هل كل الناس هتخش النار ما عدا المسلمين - بواسطة عاشق الكلمه - 07-22-2009, 08:05 PM, RE: هل كل الناس هتخش النار ما عدا المسلمين - بواسطة the special one - 07-22-2009, 08:15 PM, RE: هل كل الناس هتخش النار ما عدا المسلمين - بواسطة يجعله عامر - 07-23-2009, 04:48 AM, RE: هل كل الناس هتخش النار ما عدا المسلمين - بواسطة سيسبان - 07-23-2009, 06:15 AM, RE: هل كل الناس هتخش النار ما عدا المسلمين - بواسطة يجعله عامر - 07-23-2009, 03:41 PM, RE: هل كل الناس هتخش النار ما عدا المسلمين - بواسطة سيسبان - 07-23-2009, 04:28 PM, RE: هل كل الناس هتخش النار ما عدا المسلمين - بواسطة إبراهيم - 07-23-2009, 04:00 PM, RE: هل كل الناس هتخش النار ما عدا المسلمين - بواسطة إبراهيم - 07-24-2009, 07:49 AM,

المواضيع المحتمل أن تكون متشابهة…
الموضوع		الكاتب	الردود	المشاهدات	آخر رد
	وين الناس؟ :(	Narina	82	16,750	07-06-2012, 02:30 PM آخر رد: Narina
	الناس أقدارومقامات	السيد مهدي الحسيني	0	534	05-22-2012, 08:24 PM آخر رد: السيد مهدي الحسيني
	طيبة ولا هبل (اتركو الناس بحالهم)..!؟	ليلاء	8	1,942	05-13-2012, 03:31 PM آخر رد: ليلاء
	متى توقف الناس عن الإحساس بغيرهم ...	NigHtMaRE	14	3,057	08-29-2011, 07:08 AM آخر رد: أسير الماضي
	رسالة الى الناس في هذا الزمان	علي هلال	10	3,860	05-01-2011, 02:28 PM آخر رد: (ذي يزن)

يتصفح هذا الموضوع من الأعضاء الان: بالاضافة الى ( 1 ) زائر
{myadvertisements[zone_2]}

Translation by Arabic support - Ver: stable 1.0
Powered by MyBB, © 2002-2025 MyBB Group.