اقتباس:الحقيقة أنا أشك أساسا فى قدرة الإسلام على دخول العصر ناهيك عن مواكبته .

كيف تشك أخي في ذلك ومثل عبد المعطي حجازي وسيد القمني بين ظهرانينا ؟ أليسوا مسلمين تنويرين ويواكبوا العصر ، ويريدون نهضة للمجتمع المسلم .

اقتباس:السؤال الحقيقى الذى يجب أن تسأله لنفسك أيهما أهم; الإسلام أم المسلمين?

أهم لمن ؟
بالنسبة لي أحب "عليكم أنفسكم وملكوش دعوه بغيركم" فالإسلام ومثله أي دين من الأديان ، أكثر الناس حديثًا عنه ودفاعًا وردًا هم أكثرهم بعدًا عنه ، أغلبهم كذبة أدعياء ، نفعيون مصلحجية ، فضلاً عن جهلهم به لن يتمكنوا من فهمه ، ولا حتى تطويره وتجديد روح شريعته لتواكب العصر .
والمسلمين بحسب محل الإقامة
فمسلم المسلم في شبرا يختلف عن مسلم مدينة الرحاب وأربيلا والتجمع ومصر الجديدة
فمسلم شبرا مثلاً لو قلتله ايه رأيك ما تيجي نروح السيده نفيسه أو السيده زينب ونصلي الفجر هناك مثلا ، هيقولك يا عمي سيب امي في حالي انت راجل فاضي وانا ورايا هم ميتلم وهو الجوامع هنا وحشه ، وهيجرى حاجه لو انا مثلا صليت هنا ، وهنستفيد ايه من وجع القلب وركوب المواصلات مكلها كام ساعه وهنتحشر في الاتوبيس ، وهيجرى ايه اساسا لو مصلتش الفجر وصليتو صبح ، اقولك روح الله يسهلك
ده على اساس انو مؤدب ومش هيسبلك بالدين وهو مسلم ، ولو تدين هم كلمتين بيحفظهم ويا شيخ العقيدة والعصيدة وديتها يطول شعره ودقنه ويقصر الجلابيه وسواك بجنيه ، ولو كلمته ع الاسلام هو حمار مش بيفهم غير : دين = فلوس ونسوان ولازم يبقى وضعنا كويس ، ويا حبذا لو اتلم على كام واحد من الصيع اللي زيه ، واتعملو ملف في امن الدولة ، ربنا هيكرمه من وسع ويخش المعتقل سنتين واللا حاجه ، يطلع الاخوه تساعده ويجوز الاخت ام عبد الوهاب ، وشكرًا على كده الاسلام عنده
لكن مسلم مصر الجديدة مثلا الامر معاه مختلف بتلاقيه بطبيعته هادي ، مهو مركبشي مواصلات ولا شاف حد بيقف ورا الحريم في الاتوبيس ولا حد بيتخانق في الميكروباص عشان بريزه ولا حد بيعلم صاحبه علامة عشان مدهوش نفس من الجوان ولا شاف عيال صغيره بتشخر وبتشم .. فطبيعي لما يتدين تقوله مثلا النبي بيقول كذا
يقول الله قد ايه النبي جميل
الدين بيقول كذا
الله قد ايه الدين ده حلو
طب متيجي نتعلم ازاي نفهم الناس دي ان دينا صح وحلو وجميل
واهو رمضان جاي فنعملهم في التراويح سندوتشات ونجيب وجبات
وهكذا حبه حبه تبدأ السخونه اللي عنده تخف ومن ثم لا اسلام ولا مسلمين متيجي نروح يوروب أو استيت أو تركيا

نادرا يا حج نيوترال لو لقيت حد من المسلمين في دماغه الاسلام او المسلمين
لا تغرنك اللحى ولا الصور تسعة أعشار من ترى بقر (العشر الأخير ده من باب إلا من رحم ربي).
فصلي ع النبي أو مجّد سيدك

---

اقتباس:لو صار القمنى رئيسا للجمهورية

الأخ علي نور
استغفر الله لن يصير خاصة وأن ولي العهد حفظه الله لا يزال يتمتع بصحة جيدة ، وقد حظي ببيعة من كثيرين من أبناء الشعب المصري الكريم .