اقتباس:أهل المدن يتظروا بإحتقار لأهل الريف أو للناس اللى لم يحصلوا على قدر كبير من التعليم النظرى

ازاي بقى يا سي قطقط؟
ياما الناس و المفكرين و الفنانين غنوا و كتبوا عن الأرض و الزراعة و الفلاحين ... خذ دي

"الحلوة دي قامت تعجن من الفجرية ..."

و ما افتكرش ان الحلوة تلك خريجة عين شمس أو السربون.

اقتباس:وهؤلاء الناس يعملوا فى المادة أى الطين أو الخشب أو الحديد إلخ لكن أولاد المدن والمدارس بيعملوا بالمعلومات فقط

الفرق بين العمل اليدوي و العمل الفكري قضية تاريخية. حتى افلاطون كتب فيها و انتصر للعمل الفكري. يعني الحكاية قبل الثورة بكتيييييييييييييييير جدا. ثم انه احنا في عصر التكنولوجيا و ثورة المعلومات و سبحان من يغير و لا يتغير زي ما بيؤولوا.

اقتباس:على شرط ألا يذكروا المصدر الذى يتعلموا منه أو يستوردوا منه

ليه أنيميا الضمير دي؟ انت ما بتشفش كل دكتور مثلا كاتب عاليافطة بتاعته شهادته ايه و خريج فين. ثم ان شبابنا اللي درسوا في الخارج دايما يذكروا تلك الأيام بالخير و جادك الغيث اذا الغيث همى يا زمان الوصل في اليو اس .. أو مانشستر يونايتد .. ما تفرقش .. أهو كله وست.

اقتباس:فالغرب يرى شعوبنا تستورد منه كل شىء سراً ، فى حالة مشابهة لحالة غزة التى تستورد إحتياجاتها عن طريق الأنفاق

معلش ما هو المثل بيقول و اذا استوردتم فاستتروا.

اقتباس:وهم يرونا لاننتج شيئاً لأن الإنتاج يحتاج للعمل والحرية والفكر لكن هذه الأمور ممنوعة.

ما هي كانت الثورة بتشيد حركة تصنيع و انتاج و انت ضدها و لما أعطتك عمرها في ظل السلام و هيمن السماسرة و الوكلاء و الطفيليون فضلت تقول في السلام ما لم يقله مالك في الفودكا.. حقيقي حيرت ألبي معاك مع اني لا بداري و لا بخبي.

اقتباس:ورغم إستيرادنا كل شىء من الغرب نعاديه دينياً وسياسياً ولانتحالف معه ولانريد له نفوذاً أو حتى ذكراً فى المجتمع

لا بقى!! في دي ما معكش حق. مين اللي بيعادي مين؟ احنا قاعدين في بلادنا و بيوتنا و جيوشهم و اسلحتهم هي اللي بتطب علينا زي القدر اللي مالوش رد. العراق هي اللي غزت أمريكا أم ان مصر و سوريا و العراق هم اللي شنوا العدوان الثلاثي؟ أم أن الفلسطينيين هم اللي أطلقوا وعد بلفور و الحركة الصهيونية؟

اقتباس:والأوربى يعامل كالفلاح أى يقدم كل شىء ولايتكلم وليس له نفوذ سياسى أو فكرى أو إجتماعى أو ثقافى

يا ريت الغرب بيتكلم كلام بدل الحروب و الاسلحة المحرمة دوليا و البلاوي الزرق اللي كلنا عارفينها.

اقتباس:فالأوربيون يرونا نأخذ شكلهم ونعرف معارفهم ولكننا لاننتج شيئاً فنظهر فى شكل الأوربيين المزيفين المدعين لإفتقادنا لمضمون الحضارةالغربية وهوالعمل والحرية

هو في الحقيقة احنا عاوزين ننتج و ناكل لقمتنا بعرق جبينا و محدش يقدر يسألنا ثلث التسعة كام لكن تقول ايه في الجماعة اللي فوق؟ دي عالم زي ما بيقول المسيح عنهم انه دخول الجمل من ثقب ابرة أسهل من دخول أحدهم الجنة يوم الحساب. يعني مش معقول يكون المسيح غلطان! هم السبب و ربنا يgازي اللي كان الريزون.