من غير سلام عليكم لأن الساحة هنا خوت والرجال هربوا :: أما آن للهاربين من عودة ، ونحن نهديهم كل أغاني الست أم كلثوم ..
القصد
سلام عليكم ومساء الخير والفل وصباح سعيد
أمس شحتنا scanner من أحد الإخوة وقلت حبذا لو نجرب أي تجربة ونشتغل على الاختراع ده ، وكان داعي ذلك : أني أردت أن أعرف كيف يقوم هذا الاختراع بتصوير الكتب لنا ؟ ولأعرف ما هي المشقة التي يتكبدها الشخص الذي يقوم بهذا العمل ؟ أنا كان آخري أبعت الكتاب لأخونا المعتزلي ، وهو يقوم بالباقي ، مش هطول عليكم
قمت بعمل الآتي :
أخرجت الـ scanner من الشوال اللي كان فيه
سطبته
اشتغل
حطيت شوية ورق وقلت اشوف
طلعت الصور حبة اسمر وحبه احمر وحبه بتنجاني
قمت منظفها بشكل مناسب بالنسبة لي
ووقع الاختيار على كتاب كان بجواري اسمه :

إعجاز القرآن / الصرفة - والانباء بالغيب
ea'jaz alkra'n / alsrfah - walanba'a balghib
صورت تقريبًا خمسة وعشرين ورقة منه
خدوا مني تقريبا ساعتين ده غيري إني رجعت تلميذ في الكُتاب أحني ظهري ويا عالم هعمل ايه عشان اكمل الكتاب .
القصد قلت أحط هنا الصور اللي عملتها حتى أتلقى إرشادات من الإخوة المتمرسين في الموضوع .. أي نعم انا مش فاهم كويس في البتاع ده ، والاسكنر مشحوت ، بس ع الاقل معانا للعشر الأواخر من رمضان ، واحنا عاوزين نكسب ثواب
فتّكم بعافية
وده رابط العك اللي انا عملته
http://www.4shared.com/file/132100938/3b.../_2__.html
بالمناسبة الكتاب ده تقريبًا كتاب تأريخي لفكرة "إعجاز القران" ممتاز جدًا ، لا غاية له سوى التأريخ ، ولا يمجّد ولا يقدح ، يعني عمل شبه أكاديمي ، رغم أن مؤلفه لدع جائزة الملك فيصل قبل سنوات .. نقول إيه أهي أرزاق .