معاك حق في كتير من اللي قلته يا كامو

لكن الإنترنت لم ينتشر علي نطاق واسع في مصر إلا بعد عام ٢٠٠٢

طبعا عقلية الموظف لها دخل كبير في التنبله والنوم في العسل

لكن لو رصدت انشطة وزارة الثقافه في الإسماعيليه ؟

مهرجان الربيع
وده كان بيقام (علي فترات متقطعه بحسب حماس المحافظ ) وفيه كانت بتزين شوارع المدينه وتجوبها عربات مزينه بالزهور وتقام عروض فنيه ومسرحيه في منطقة حدائق الملاحه وخاصة عروض الفلكلور الشعبي وأغاني السمسميه المشهور بها إقليم القناه
مهرجان الإسماعيليه الدولي للفنون الشعبيه
وبرضه عروضه كانت بتقام في حدائق الملاحه وعلي شواطئ القناه والعروض كلها مجانيه وكانت بتحضر فرق عالميه من روسيا وتركيا واليونان وايطاليا وفرنسا واسبانيا وشرق آسيا والهند ودول عربيه مثل المغرب والجزائر ودول أفريقيه ولاتينيه

وكان فيه مركز الفنون وكان دايما بيعمل عروض مسرحيه وموسيقيه احيانا في الشارع أمام المركز من أجل جذب الجمهور

وكان فيه نشاط واضح لوزارة الثقافه في مراكز الشباب ( السلام والإسماعليه والشيخ زايد ) وكنا بنروح نعمل ندوات في مراكز المحافظه المختلفه , لكن انا لاحظت فعلا إن النشاط ده بيجذب ناس مثقفين أصلا , يعني التفاعل بيبقي في نطاق ضيق

عيوب النداوت دي انها بتبقي نداوت نخبويه , ومعظم ما يلقي فيها بيكون حداثه وما بعد الحداثه , لدرجة انا نفسي كنت بتخنق ( انا جاي اسمع قصيده او روايه او زجل موش جاي اشتغل محلل نفسي لما في بطن الشاعر )

انا معرفش النشاط الثقافي في باقي المحافظات ايه بس انا اتكلمت عن اللي شوفته في الإسماعيليه

إذا كان فاروق حسني سيئ فهو مننا وبتتمثل فيه أمراضنا