قطقط مشكلته انه بيدافع عن قيم فقط ومش بيهمه مضمون ، كان ممكن قطقط ده لو احنا في مجتمع ديموقراطي حقيقي ياسس لحركة سياسية مستقلة ، تقديس قيم الانتاج والعمل ومعاداة الحكومة الكبيرة والتاميم والبيروقراطية المتضخمة كل ده مش كلام جديد في العالم ده اتجاه سياسي موجود فعلا وكويس اوي ان عندنا نسخة مصرية منه
لكن عيب قطقط انه منفصم تماما عن الواقع ، ليه مثلا بيتكلم عن نقط محددة ، لما مثلا يتكلم عن المناهج يجيب فعلا المنهج ويستشهد بجمل معينة ويقلنا ليه هو شايفها غلط ، برضه مسـألة احتقار الفلاح دي محتاجة وقفة ، مين اللي بيحتقر الفلاح ؟ وفين ؟ انهي مقاطع من افلام ومسلسلات؟ انهي مقالات في الجرايد مثلا؟
قيم العمل ، عمره مثلا ما جبلنا احصائيات بعدد العمال في المصانع وعدد الفلاحين ، او ان الريف في حقيقته الان معتمد علي الاستيراد من بره في معظم السلع .
مسالة الاسلام برضه دي محتاجة وقفة ، لان التعميم بيدي فكرة عن المتكلم انه جاهل أوحاقد او الاتنين مع بعض.
غير انه متناقض مع نفسه لان اغلب الفلاحين..هئ هئ..مسلمين
يعني هو كمبدأ عنده كلام يتقال ويستحق انه يتسمع له ، لكن الظاهر نفسه قصير او هو زهقان لدرجة انه مش قادر يطور الحجج بتاعته، طفشان بعقله وخياله من الواقع اللي يجيب النقطة.