طبعاً كلام مايرضيش حد ، بس اللي لازم ننتقده هو النظام الصحي ككل مش المستشفي دي ، لان انا مثلا صاحب مستشفي ، جايب اربع حضانات صيني كل واحدة باربعين الف وعلي اقساط ، والحضانات دي اساسا لاسباب كتير بتبوظ بسرعه ولازم الادارة الكويسة للمستشفي تقدر تشغلها كل يوم بزبون بيدفع، طبعا حتهيجوا علي ، لكن حط نفسك مكان صاحب المستشفي ، قدامه اتنين بيبيهات محتاجين حضانه واحد معاه يدفع والتاني لا حتحط مين؟
مشكلة مفيش نظام في مصر ، مثلاً في الدول العالم الاول تامين الاطفال بيبقي علي الدولة بدون سؤال واحد اضافي ، الدولة تدفع له مادام احتاج خدمات صحية، احنا عندنا الوضع تجاري تماماً ، لكن انه يكون تجاري احسن من ان يكون مفيش خالص! فلو مثلا تدخلت الدولة بقرار ان مفيش مستشفي تقدر تشيل واد من حضانه ، سيسحب راس المال من الاستثمار في الحضانات والمحتاجين الحقيقيين مش حيلاقوا حضانات.