لا يا ألبير أنا لازالت عند رأى بترك باب التسجيل , فعلى الاقل هناك زميلان من منتدى ألحاد تقريبا طرحوا موضوعات وبيكتبوا , وعاد بيوتفيل مايند بعد قطعية طويلة , وأكيد فى ناس تانية محترمة دخلت او انتسبت للنادى ولم تشارك بعد او تكتفى بالقراءة وحجز الاسم حتى لو حصلت حاجة ..

لكن كما تحدث فى كبرى الديمقراطيات فى العالم, واكبر المساحات للرأى فتجد دائما الصحف الصفراء والحقيقة - المفكرين والمدعيين , العيال الفاضية اللى بدور على قضية تتدافع عنها تملى بيها فراغ , والناس المهتمة بجد ! وبالتالى اغلاق باب التسجيل لن يعود بالضرار الا علينا احنا , ونرجع للخلافات الصغيرة تانى ونتسلى على بعض .

أنا من رأى , ان يترك التسجيل كما هو وأعتبر ما يحدث ظاهرة صحية لا يمكن السيطرة عليها , واعتماد منهج الانتخاب الطبيعى فى التعامل مع الاعضاء المسيئة بحيث يتولى العضو بنفسه عملية الاشراف الذاتى على العضو المسيئ , فشخصية المحاور نفسها هى اللى يمكن ان توقف العضو اللى بيشتم او تستفزه اكثر . وهذا ما يحدث مع المسلمين والمسيحين , كلاهما عاملين زى القط والفأر - واحد يجرى يقوم الثانى جارى وراءه , ولو واحد فيهم ماشى يروح يعاكسه عشان يطلع يجرى وراءه , وهكذا دواليك .

ده هيحرك النادى شوية , ومصير الناس اللى بتكتب هنا هتزهق وتقرف من قسم الاديان وتنتقل الى فكر حر او الاجتماعية او حتى الساخرة او الجنسية او التاريخ او الكمبيوتر او الادب او الفلسفة , فدعهم يلعبون بما يريدون -ولا تشغل بالك بالمسلمين والمسيحين , فكلاهما يلاعب الأخر لكن نغلق التسجيل عشان خاطرهم .. ليه يعنى ؟