دى من افتتاحية الجروب , رأيت فيها ان اوضح سوء التفاهم الذى ألتبس على الزميل أدم :


الى المصريين والجزائريين

الى المصريين :

هذه الجروب تتدعو جميع المصريين مقاطعة الذهاب الى مباراة " مصر والجزائر " القادمة فى الأستاد , اللى بيحاول الحزب الوطنى من ورائها ألهاء الشعب المصرى فى ألهاء الناس عن مشاكلها الحقيقة بمباراة كرة قدم ساذجة لا قيمة لها , يعنى ايه كسبنا ولا حتى خسرنا مبارة كرة قدم والناس عمالة تموت على الطرقات ؟ هنستفيد بأيه لما يروح كل الناس استاد ونقف نرقص على دماء الضحايا اللى لسة منشفتش من حادثة القطار الاخيرة , حد يقولى البلد دى بقى فيها ايه عشان نفرحله ..

ولو زعلان وفكرت أنك تروح , افتكر انى قولتلك :
كل مرة تشوف العلم المصرى وتهتف بأسمه
فالأحمر اللى فيه مش لون , ده دمى اللى نزف على الطريق , والأبيض ده عقلى اللى خلالهم يستعبوطنى وأهتف بأسمائهم , والأسود ده اللى أمك هتلبسه عليك لما تكون ضحية فى عبارة غرقانة ولا حادثة قطار مولع ولا سيارة طائشة .

الى الجزائريين :

وفر فلوسك لنفسك ومتجيش مصر عشان مبارة تافهة لن تقدم لشعبك شئ , وفر فلوسك او أعطيها لفقير ضاع بين الرجلين بسبب حكومتك اللى بتستعبط بمتش كورة , او يتيم مش لاقى يأكل , او أنسان محتاج يتعلم او مدرسة بحاجة الى تبرع .

خلى فلوسك لأهلك بدل ما يستفيد بيها شركة طيران او سياحة او منظمى كرة القدم


خليك رجل وأوعى تروح الأستاد