(11-22-2009, 07:35 PM)قطقط كتب:  

(11-22-2009, 07:31 PM)مجدي نصر كتب:  قطقط :
أولاد المدارس هم أبناء عمرو بن العاص ثقافياً
وهم تنابلة السلطان عملياً
-------------------------------------------------------

طب بالله عليك، ولا بالمسيح عليك يا أخي إيه علاقة الكلام ده بالموضوع

راجع عنوان الموضوع

يا عمنا تفسيرك فضفاااااااااااااااااااااااااض جداااااااااااااااااااااااااااااااااً
والتفسيرات الفضفاضة دي لاهي من العلم ولا من الفكر في شئ
مانا ممكن افسرك كل حاجة بإني أقولك إرادة ربنا اذا كنت مؤمن، أو أقولك ظهر الفساد في البر والبحر بما كسبت أيدي الناس، او أقولك الشيطان شاطر، أو أقوك ناس بعيدة عن ملكوت الرب
او أقولك الطبيعة، بس كده واسكت إذا كنت ملحد
أو أقولك كبت جنسي إذا كنت فرويدي
أو أقولك صراعات طبقية إذا كنت ماركسي
أو أقولك أعداء الأمة صهيونية والإمبريالية إذا كنت قومي
أو او او............. إلى ما لانهاية
شوية إكليشيهات جاهزة ملهاش معنى بذاتها من كتر استخدامها، عناوين نحفظها ونرددها كالببغاوات، ولا فائدة
------
يا عمنا قول حاجة في الموضوع، يكون لها علاقة مباشرة بيه
أو حتى حاول بقى تعمق نظريتك عن أولاد المدارس والفلاحين والعمال، يمكن تلاقي حد يجندك
مش معقول 3800 مشاركة كلهم على نغمة واحدة، مُكونة من سبع كلمات لا غير
نفسي اعرف إنت عايش ازاي، ويا تري برده مبتقولش غير الكلمتين دول في كل حتة
أنا مش معترض انك تقول اللي انت عايزه، بس المفروض انت من ناحيتك تخلي الناس تنتظر منك جديد
هما بس مستحملينك عشان انت راجل سكرة مبتزعلش حد، وبيعتبروك راجل بركة
إنما الحقيقة الموضوع بقي ممل أوي
غير بقى يا أخي، قول حاجة