(01-12-2010, 04:02 PM)AhmedTarek كتب:  

اقتباس:" فئران الصحراء "

الصراحة يا عاشق هذا اللقب خلع على الفريق المصري إبتداءاً بواسطة مدرب أيرلندا في كأس العالم 90 بعد أن مارسنا معهم أفضل ما أنتجت الرياضة المصرية من سخافة وتناحة و دفاع للدفاع و قتل للماتش و إيقاعه حتى حرقنا دم المدرب واللعيبة والجمهور وقلعولنا ملط وسبولنا الدين وأسمونا فئران الصحراء القابعة في جحورها...
تعادلنا سلبياً تعادل بطعم الفوز و تسبب الجوهري الله يمسيه بالخير في جلطة دماغية لسكان جزيرة Éire ..

ايوه يا ابوحميد طبعا فاكر الماتش الرخم ده , ورغم اننا كان يمكننا ان نقدم افضل من ذلك بمجموعه من اللاعبين الموهوبين فى ذلك الوقت الا اننا كنا لسه بنتعلم كوره حقيقيه , وكان هذا هو اول احتكاك لنا على المستوى الدولى , والجوهرى الله يفضحه كان خايف من الفضايح , وبصراحه انا وقتها مكنتش عارف الجوهرى كان عاوز ايه من المباراه بالظبط؟؟ يعنى خرجنا متعادلين مع هولندا بدعاء الوالدين , ويريد التعادل مع ايرلندا والتى هى نظريا اضعف الفرق الثلاث التى معنا بالمجموعه , فهل كان ينتظر الفوز على انجلترا فى المباراه الثالثه؟ ام كان يريد ان تنتهى المجموعه كلها تعادلات ويصعد بالقرعه واذا لم يصعد يبقى الراجل عمل اللى عليه والقرعه هى من اخرجته ؟

عموما ,, ده كان زمان , والفريق المصرى اليوم يقدم مستويات تضاهى ما تقدمه الفرق العالميه , وبطوله القارات خير دليل الى جانب ما قدمناه فى بطولات الامم الاخيره امام المنتخبات الكبيره كالكاميرون وكوت ديفوار .

(01-12-2010, 04:02 PM)AhmedTarek كتب:  على العموم الصبر يا جدعان قبل الشماتة ...عشان متجيبوش لنفسكم، الله لا يقدر، الكلام من اللي يسوى واللي ميسواش وما هي إلا سويعاتٍ قليلة...

ههههههههههههه

والله عادى لو اتغلبنا من نيجيريا عادى جدا .

احنا عندنا حاله تشبع بالبطولات , وفوز المنتخب بالبطوله فى هذه المره لن تكون له فرحه المرات السابقه , وخروجه منها يعنى ان تلك هى سنه الحياه , مفيش فريق بيفوز على طول الخط , الدنيا على دا وده ,

فالخساره اليوم من فريق كبير كنيجيريا لا يمكن مقارنتها بالخساره من مالاوى .