كلمات خالدة

لجمال عبد الناصر

ترد على الجهلة

أنا عارف مدى الغضب ، ومدى المفاجأة اللى أصابتنا جميعا بعد النكسة ، وبعد اللى حصل ، وعارف ان الشعب العربى فى مصر غاضب ، وحزين لأن جيشه نال هزيمة غير مستحقة ، ولأن سيناء تم إحتلالها ، بس أنا بدى أقول لكم حاجة الرئيس تيتو ، بعت لى رسالة جت له من ليفى أشكول رئيس وزراء إسرائيل ، بيطلب فيها أنه يقابلني فى أى مكان فى العالم ، لنتحدث ، ولكى نصل لحل ، وبيقول انه مش هيتعامل معى معاملة منتصر مع مهزوم ،وان إسرائيل مستعدة ترد لنا سيناء من غير شروط مذلة ، إلا شرط واحد بس ، إن مصر تبقى دولة محايدة يعنى لا قومية عربية ، ولا عروبة ، ولا وحدة عربية نبقى فى حالنا ، ومالناش دعوة بإسرائيل ولا نحاربها ، إسرائيل قتلت الفلسطينيين ، واحنا مالنا ، إسرائيل ضربت سوريا ، احنا محايدين ، ضربت الأردن ، ولبنان ، مصر مالهاش دعوة ، ما تفتحش بقها ، ولا تتكلم

يعنى خدوا سيناء ، وطلقوا العروبة والقومية والوحدة ، ونبيع نفسنا للشيطان


أنا طبعا قولت للرئيس تيتو الكلام ده مرفوض

، القدس ، والضفة ، والجولان ، وسيناء ، يرجعوا مع بعض

إحنا مسئولين عن إستعادة كل الأراضى العربية ،

احنا مسئولين عن حل مأساة شعبنا العربى فى فلسطين

مش هنقبل شروط ،

ومش هنخرج من عروبتنا ،

ومش هنساوم على دم ، وأرض العرب


لن تقبل الجمهورية العربية أبدا حل جزئى


معركتنا واحدة ، وعدونا واحد، وهدفنا واحد، تحرير أرضنا كلها بالقوة ،

لن نقبل مشاريع منفصلة للسلام

بدون توقيع معاهدة سلام مع إسرائيل ، فهى لن تنتصر علينا أبدا،


حبيت أنقل لكم الموضوع ده علشان تعرفوا ان المشكلة مش سيناء بس


الأمريكان واليهود ضربونا فى 67 عشان يساومونا بسيناء على عروبتنا ، وعلى شرفنا ، وعلى قوميتنا

من حديث الرئيس جمال عبد الناصر لأساتذة وطلبة الجامعات المصرية فى فبراير 1968

من كتاب ( وثائق عبد الناصر )
طبعة مؤسسة الأهرام - عام 1973