شوف هقولك رأيي ، منتخب مصر يملك عناصر مميزة ومعظمهم من فريق الأهلى المصرى كانوا يحققوا بطولات أفريقيا يعنى أن منتخب مصر ليس بالفريق الهين ولكن شحاته هو سبب كل هذه المصائب ورأيي أنه كان يجب الإطاحة به بعد الخروج من كأس العالم ولكن جبن سمير زاهر خلاه يسيب شحاته.
حكاية السجود وان اى لاعب يعبر عن مشاعره الدينية هو مسألة مقبولة بشرط أن لا تقترن بنظرة أن الكورة والمباريات هى بتخطيط إلهى والهبل اللى بسمعه ، النغمة السائدة أن منتخب مصر عشان بيسجدوا بعد كل هدف الله بيوفقهم لدرجة أنى كنت بتفرج على المباراة الفاصلة وكانت معظم التعليقات بين الشوطين أن لاعيبة الجزاير مسجدوش بعد الجون عشان كده ربنا هيوفق مصر وهنكسب رغم ان منتخب الجزاير لاعبيه مسلمين.
دى النغمة السايدة وهى نغمة غبية ولكن هى نظرة الشعب الغلبان المطحون فسيب الناس تفرح بدل ماتطق والانتصار اما يكون مصحوب بانتصار دينى او قومى مغلف بيكون ليه لذة أكبر.
مسألة ان منتخب الجزاير هو فريق شمحطجية هو كلام عار تماما من الصحة فلاعبى الجزاير معظمهم مولودون ومتربيين وعايشين فى فرنسا واوروبا وناس هاى اوى ده انا اول مرة اشوف لعيبة الجزاير مبتقعش على الارض والكلام ده فى المبارتين وهو امر يحسب لمنتخب الجزاير انهم بيلعبوا الكورة للكورة بس.