اقتباس:نفسى معلوماتى الكروية تبقى بنفس عمق وسعة معلوماتك ياأخ مراهق أنت ووضاح...... مش معقول أبقى مهووس كروى ومشروع هوليجانز محترم ومبقاش عارف حاجة خالص كده !

انا مستعد اديك درسي خصوصي واخليك احسن من علاء صادق ،بس هتدفع كام

ياعم المسالة مش مسالة مذاكرة اهم حاجة تكون بتحب الكورة بجد ومن كل قلبك مش مجرد مشاهدة وخلاص، انا عن نفسي وعلى اري امي اتولدت برضع كورة من وانا لسة في اللفة ،وخاصة انني ولدت في بيت ملوش شغلانة الا الفرجة على ماتشات الكورة من اخويا الكبير للوالد الله يرحمه وبدات علاقة الحب تتوسع اكثر واكثر في الشارع والمدرسة ، انا اتذكر ان اليوم اللى كان يعدي من غير مالعب كورة كنت بحس ان في حاجة ناقصة ومكنش في مباراة واحدة للاهلي والزمالك بتفوتني في التلفزيون (ايام القناة الاولى والتانية) لكن من ثقل معرفتي اكثر واكثر بعالم كرة القدم هي الذهاب الى الاستادات وخاصة بعد معرفتي بشلة اصدقاء في المدرسة الاعدادية كانوا مبيفوتوش ماتش في الاستاد ولاتحلو لهم الفرجة على المبارايات الا من قلب الحدث ، ووقتها اكتشفت ان الاستاد دة اجمل حاجة في الوجود لانه مكان الى جانب انه تختفي به الفردية وتظهر به الجماعية في تشجيع فريق ضد فريق الى جانب انه فرصة ثمينة لتضييع الوقت وخاصة مع واحد كان بيكره الجلوس بالمنزل مثلي الى جانب طبعا الحرية في الشتايم انا ياما اخد منى لاعبي الاهلي شتايم من اللى قلبك يحبها ، يعني هادي خشبة الذي يوضحه اعلام الاهلي من انه لاعب خلوق ومؤدب عملي مرة بايده حركة بعبصة بعد ان اخذ مني وابل من الشتايم بالاب والام والزوجة بين الشوطين تقريبا سنة 97

وعلى فكرة انت لو استمريت في حالة الهوس الكروي تلك سيكون لك شان كبير في ملحمة امم افريقيا 2012 ومش بعيد تحلل لنا الماتشات وفق رؤية فنية بحتة وتكون معلوماتك توسعت بشكل كبير ، بس تابع مبارايات فريقك في مصر باستمرار ، تابع الاخبار الكروية اول باول ، اختار لك فريق او اثنين لتشجيعهم في دوريات محترمة، يعني انا مشجع لنادي ريال مدريد ومفيش ماتش واحد بيعديني حتى لو متفرجتش عليه لازم انزل الملخصات من على النت واتفرج عليه الى جانب ليفربول في انجلترا والانتر في ايطاليا ،ساعتها هتبقى احسن مننا بس انوي انت بس واتبع تلك النصائح .