هل يتخيل احدكم ان قطقط ممكن يغير افكاره او ان يتأثر بأفكار الاخرين فترتقى افكاره للأحسن ؟؟

برأييى ان زميلنا قطقط هوكمبيوتر بشرى مبرمج , هو واخد داتا معينه , وكلما سئل سؤالا او تطرق موضوع الى الداتا المخزنه فى الهارد ديسك تبعه تكون النتيجه كما تقرأون وتشاهدون .

ياعزيزى قطقط كلنا فلاحين ولاد فلاحين , وانا واحد من الفلاحين اللى بيعتزوا بأصلهم وبالمبادىء النبيله التى تأصلت بداخلى كمردود طبيعى لهذا الاصل الفلاحى , ومش معنى اننا خلعنا الجلابيه والبلغه وتركنا ركوب الحمير ولبسنا البدله والجزمه وركبنا السيارات اننا تخلينا عن هذا الاصل , لكن الدنيا بتتغير وبتتطور يا حبيبى ودى سنه الحياه .

تصدق باللى خلقك انى عملت البدع كى احصل على قطعه ارض خمسه افدنه فى الصحراء لاستصلاحها وزراعتها واقامه عده مشروعات زراعيه عليها لكن غلب حمارى , ولم يتبقى امامى سوى بيع نص فدان هى نصيبى من ارض والدى وجدودى فى الدلتا بمبلغ ربع مليون جنيه لشراء خمسه افدنه فى الصحراء بملبغ 200 الف جنيه بعد ان ارتفعت قيمتها بشده .

فدعك من تلك النغمه النشاذ والتى اذت مسامعنا , انت يجب ان تصنف كعنصرى او طائفى , وكما ان القانون يجرم التمييز على اساس دينى او عرقى فيجب ايضا ان يجرم التمييز بين ابناء المدارس الغزاه والفلاحين اصحاب الارض والذى تدعو له