(05-24-2010, 07:55 PM)قطقط كتب:  فيه ناس بتقول إن البحر هيستعيد الدلتا كلها نتيجة توقف الطمى ، وإنه لازم هدم السد لحل هذه المشكلة

وقالوا إن السد هيغرقنا سمك وكهرباء ، ولا حد شايف حاجة ، ككل المشروعات والكلام والأحلام .. كلام رائع جداً وينتهى الأمر بالخيبة والفشل

ودلوقتى المدارس تغرقنا بخريجيها اللى عملهم الوحيد فرجة التليفزيون ، فى المدارس كلام وفى التليفزيون كلام وحياتهم كلها كلام فى كلام

ولا حد شايف حاجه؟

طيب عاوز تشوف ازاى يا قطقط يا أخويا اذا كنت أنت فى الاصل أعمى ؟

يعنى ملايين الافدنه المستصلحه , وأربعون عاما من الاستقرار المائى بحيث انه لافيضانات مغرقه ولا مجاعات مهلكه , وأكثر من 50 مليون بنى ادم زادوا فى تعداد شعب مصر منذ بناء السد ويوفر لهم السد احتياجاتهم من الغذاء , ومجاعات ضربت افريقيا كلها الا مصر بفضل السد , وكل ذلك لم تراه ,,, بزمتك مش تبقى أعمى ؟

عموما يا قطقط لكل مقام مقال , والموضوع هنا ترفيهى ولن تجد فيه كلام عن مشروعات فى حب مصر , وبلاش نبوظ الموضوع لأصحابه , لو عاوز ترد يبقى فى موضوع السد فى ساحه الفكر الحر .