{myadvertisements[zone_1]}
 
تقييم الموضوع:
  • 10 صوت - 3.2 بمعدل
  • 1
  • 2
  • 3
  • 4
  • 5
خبر وصورة يحصدان غضب المصريين في دقائق
-ليلى- غير متصل
عضو رائد
*****

المشاركات: 3,167
الانضمام: Feb 2005
مشاركة: #111
RE: خبر وصورة يحصدان غضب المصريين في دقائق
للاسف ما شفتهاش Sad ربنا يقويهم و يثبتهم
هدور عليها دلوقتى فى النت اكيد هلاقيها
يا رب المصريين هما كمان يتجمعوا

حصل تعديل لوقفة يوم الجمعة شفتها دلوقتى




[صورة: 35540_106921026024437_104224996294040_51...1308_a.jpg]

دعوة من جروب: "انا اسمي خالد محمد سعيد" وجروب: "كلنا خالد سعيد"
وقفة صامتة بالملابس سوداء حدادا على ضحايا التعذيب وأولهم خالد سعيد
قوتنا في صمتنا .. صمتنا أقوى رسالة
المكان: كل أنحاء مصر
الزمان: من ٦ ونصف لـ ٧ ونصف يوم الجمعة
عدد الحضور: مش مهم .. المهم إني نازل ولابس إسود وزعلان وحزين

مهم جدا: اطبع الصفحة دي واقراها كذا مرة وانشرها لكل الناس اللي تعرفها. ويا ريت تخش على جروبات خالد سعيد عشان تعرف آخر الأخبار وأي تطورات


المرة اللي فاتت كنا بنقول يا شباب ويا بنات مصر .. دلوقتي بنقول يا مصر كلها .. يا أم شافت صورة خالد ومش عايزة تشوف ابنها أو بنتها يحصله كده .. يا أب خايف على ولادهم وعايزهم يعيشوا في مصر عيشة كويسة .. يا شباب حسوا إنهم خالد لما شافوا صورته. الدعوة دي ليكم كلكم. اللي بنعمله ده أقوى حاجة ممكن تتعمل ونفس أي مصري يعملها من سنين .. إحنا بنتوحد كلنا على قلب واحد عشان نحارب أي حاجة وحشة في مصر. وده أسلوبنا .. والله العظيم رسالتنا قوية جدا ورهيبة .. صمتنا له معاني كتير. والمرة دي الإعلام مش هيسيب الوقفة دي من غير تغطية كبيرة جدا.

الجمعة اللي فاتت نجحنا نجاح باهر في إسكندرية والقاهرة لأن فيه شباب مصريين بيحبوا بلدهم وبيخافوا على بعض نزلوا بغض النظر عن أعدادهم .. وقوتنا في إننا مش منظمين قوتنا في إننا مش جماعة ولا حزب ولا جهات منظمة لمظاهرات .. إحنا مصريين.
شوفوا الصور هنا: http://bit.ly/dvj6Th
شوفوا الفيديو هنا: http://bit.ly/c1xdUd

الجمعة دي بجد لازم كلنا نلتزم بالقوانين لأن كان فيه حالات عدم التزام .. الأمن هيبقى أصعب المرة دي ولازم كلنا نوصل رسالتنا بشكل حضاري وبدون ما أي واحد فينا يتخانق مع أي أمن:

- الوقفة الصامتة هتكون في كل أنحاء مصر من إسكندرية لأسوان. أي شباب في أي محافظة يتفقوا مع بعض .. وهتكون في أي مكان فيه بحر أو نيل. والمحافظة اللي مفيهاش بحر أو نيل يبقى في الحدائق العامة وتجمعات الناس. ومش مهم الأعداد المهم إننا نثبت إننا شباب إيجابي رافض للظلم.

- ممنوع منعا باتا إنك تجيب معاك أي منشورات أو أوراق أو يفط. مش عايزين نعرض أي حد للخطر أو تطبيق قانون الطوارئ عليه. واللبس يكون إسود وبلاش أي حد يلبس تي شيرت عليه صورة خالد أو شعارات ضد الحكومة.

- اتفق مع شوية من إصحابك كمجموعة إنكم تروحوا مع بعض بس قبل ما توصلوا للمكان اللي هتقفوا فيه اتفرقوا واقفوا كل واحد على بعد خمسة متر من التاني.

- كل واحد يكلم أهله .. والده ووالدته يروحوا معاه .. عايزين نشوف الأطفال والأمهات والآباء كلهم .. محدش هيعرف يوقفنا لو كلنا كنا ايد واحدة. وصور الأمهات كانت مالية فيديوهات وصور الوقفة.

- مهم جدا يا شباب .. يكون بيننا وبين بعض مسافة تلاتة إلى خمسة متر .. عشان منبقاش شكلنا متجمع وعشان ننتشر على البحر والكورنيش المنظر أقوى بكتير من منظرنا واحنا جنب بعض بالإضافة إلى إنه أقل مخاطرة.

- ضهرنا للشارع ووشنا للبحر .. إنا زعلانين متضايقين مش بنكلم حد مش بنضحك مش راضيين عن اللي بيحصل في مصر من إهانة لشباب مصر.

- برضه هنجيب معانا القرآن أو الإنجيل أو جهاز الإم بي ثري ونسمع حاجة مفيدة.

- إذا تعرضلك الأمن وقال لك مينفعش تقف هنا .. اتكلم معاهم بكل أدب وبلاش أي عصبية وقول لهم إنك مش بتعمل أي حاجة غلط وإنك واقف في يوم اجازتك بتحضر منظر الغروب وإنك إنسان محترم ومش بتضايق أي حد. ولو زادت حدة الكلام بتاعهم اتحرك وامشي في حتة تانية. ولو منعوا الوقفة على الكورنيش اتمشي في وسط الشوارع وصور أي حد لابس اسود زيك.

- متسمعش كلام أي حد بيقول لك إنه من اللي بينظموا الوقفة .. مفيش أي منظمين للوقفة دي .. ومتتكلمش مع أي حد حتى لو لابس إسود زيك.

- مهم جدا .. لو إنت واقف في حتة وابتدى مجموعة شباب لابسين إسود يخالفوا أي من القوانين اللي فوق دي يا ريت تسيب المكان بسرعة وتختار مكان تاني.

- يا ريت تاخد معاك كاميرا كويسة عشان تصور نفسك وتصور بقيت الناس .. الصور اللي احنا صورناها المرة اللي فاتت بتدب الأمل في نفوس كل الناس .. يا ريت يبقى عندنا صور جميلة المرة دي كمان.

- لو رحت مكان ولقيته فاضي أقعد برضه .. أقوى صور المرة اللي فاتت كانت شباب راح وقعد على البحر زعلان وصور نفسه .. المهم مش اللي شايفينك وانت قاعد .. احنا رسالتنا هتوصل قوية جدا المرة دي للإعلام خاصة إنهم شافوا الوقفة اللي فاتت.
[صورة: 33988_106597236056816_104224996294040_50...6327_n.jpg]

[صورة: 33988_106597242723482_104224996294040_50...2871_n.jpg]


لما البنوته دى تنزل الشارع نقول ايه على اللى بشنابات و قعدين فى البيت؟
لازم الكل ينزل و يشارك
مفيش اى اعذار لأى حد
الدور هيجى اكيد على الكل حتى لو فضلنا فى بيوتنا
الفساد هيطول الكل

الاسكندريه اجدع ناس
[صورة: 35540_106914726025067_104224996294040_51...7389_n.jpg]
(تم إجراء آخر تعديل على هذه المشاركة: 06-20-2010, 04:57 PM بواسطة -ليلى-.)
06-20-2010, 04:50 PM
عرض جميع مشاركات هذا العضو إقتباس هذه الرسالة في الرد
{myadvertisements[zone_3]}


الردود في هذا الموضوع
RE: خبر وصورة يحصدان غضب المصريين في دقائق - بواسطة -ليلى- - 06-20-2010, 04:50 PM

المواضيع المحتمل أن تكون متشابهة…
الموضوع الكاتب الردود المشاهدات آخر رد
  حدّوتة مصرية ... قصص المصريين و شهاداتهم حول ما جرى fancyhoney 4 1,298 09-07-2013, 07:21 PM
آخر رد: fancyhoney
  اتهام حماس بقتل جنود رفح المصريين عمى قلب رضا البطاوى 0 479 03-14-2013, 05:22 PM
آخر رد: رضا البطاوى
  ايها المصريين تعلموا من اقرب اقاربكم -الإخوان نسخة عن طالبان فضل 2 833 06-09-2012, 01:07 PM
آخر رد: لواء الدعوة
  ايها المصريين تعلموا من اقرب اقاربكم -الإخوان نسخة عن طالبان فضل 0 580 06-08-2012, 09:22 PM
آخر رد: فضل
  الحولة نتائج نهائية ومؤكدة وموثقة صوت وصورة من شهادات حية Rfik_kamel 8 1,546 06-02-2012, 01:02 AM
آخر رد: Rfik_kamel

الانتقال السريع للمنتدى:


يتصفح هذا الموضوع من الأعضاء الان: بالاضافة الى ( 1 ) زائر
{myadvertisements[zone_2]}
إتصل بنا | نادي الفكر العربي | العودة للأعلى | | الوضع البسيط (الأرشيف) | خلاصات التغذية RSS