(06-23-2010, 01:36 PM)أندروبوف كتب:  

اقتباس:و معلومة للبعض، و هي ان الرؤساء السوريين الذين كانوا يتقلبون على الحكم بسوريا بعد ان يكونوا قد و صلوا اليه على ظهر دبابة كانوا عادةُ ما يستقلون السيارات بعد كل انقلاب ذاهبين الى بيروت لاكتساب الشرعية من الرئيس اللبناني و اخذ بركته.

مرحبا أبزورفر ..

ممكن نعرف شو مصدر هيك معلومة لو سمحت .. لأنو حسب علمي أنو اللي كانوا يتقلبو على الحكم بسوريا ما كانوا معترفين بلبنان كدولة مستقلة من أصلو ,و الدليل ما كان في سفارة لبنانية بسوريا و لا العكس .

بعدين أغلبن كان يجي بانقلاب عسكري يعني وراهن عسكر و ضباط و مدرعات و دبابات يعني جايين بالقوة.. فشو الحاجة لأخد البركة و الشرعية من رئيس بلد ما بيعترفوا باستقلالو أصلاً !..
إلا اذا بتقصد مشان المساعدة بالعلاقات مع أوروبا و أمريكا ,بصير حكي تاني .

تحياتي.

و الله يا اندروبوف هادا اشي بشابه الكزب، يعني مع انو عمرو سوريا ما اعترفت بلبنان كدولة مستقلة و حابة من زمان تبلعها الا انو الرؤسا السوريين ما كان يحلالهم التصيف الا بلبنان و ما يحلا كاس العرق الا مع الرئيس اللبناني و خصوصا بعد كل انقلاب، يعني متل ما تحكي هادا الاشي بشبه حالة الحرب اللي معلنتها سوريا على اسرائيل و اللي مشانها تم تحويل اكتر من ٦٠ بالمية من الاقتصاد السوري لشراء الاسلحة بس مع هيك بتلائي جبهة الجولان اهدا بكتير من الحدود السويسرية مع امارة لشتن شتاين، سبحانك ربي. هلأ من وين هالمعلومة، هاي انا قرأتها مش متزكر وين، بس ممكن التأكد منها بالرجوع الى ارشيف الصحف اليومية بعدكل انقلاب في سوريا و كل سنة و انتو سالمين.

ملاحظة على الهامش
المقصود باكتساب الشرعية و البركة هو المعنى المحازي و ليس الحرفي، فماذا مثلا نتوقع من رئيس تكون مدة حكومه لا تتجاوز الاسبوعين بعد ان يكون قد وصل للحكم بانقلاب، تستطيع ان تتصور انه يسعى خلف بدو الصحراء ليكتسب شرعية و قد تكون علاقة لبنان بالغرب احدى تلك الالغاز التي تجعل الرؤساء القوميين التقدميين السوريين يزورون الرؤساء الرجعيين الانعزاليين اللبنانيين.