(06-27-2010, 02:10 AM)-ليلى- كتب:  كلام سليم يا قطقط
بس كل الناس كدا؟
و لو كل الناس كدا ايه وصل الكل للحاله دى؟
فى عدل؟
فى مرتبات توازى المعيشة و الغلا؟
فى تعليم سليم؟
فى علاج سليم؟
فى سكن معقول لكل الناس؟
فى صناعه عدله؟
فى زراعه عدله؟
فى ايه فى بلادنا عدل
حتى الامن هيبتدى ينعدم هو كمان؟
مين وصلنا لدا؟
انا هرد
وصلنا لدا بسلبيتنا فقط لا غير
لأنه مفيش لا رقيب ولا حسيب
لأننا شفنا الناس بتسرق و وقفنا ساكتين
فضاعت حقوقنا
شفنا الناس بتموت من الجوع و سكتنا
فجيه الدور علينا
شفتنا كرامتنا بتتحط فى الوحل و سكتنا
فضاعت كرامتنا جو و بره بلدنا
شفنا غيرنا بيتعذب و يموت قدام عينينا و لسه واقفين نتفرج و مش بنتحرك كلنا
احنا اللى عملنا دا فى نفسنا
آن الآوان بقا نتعدل
على الاقل نعدل نفسنا
لو كل واحد ركز بس على نفسه الدنيا هتتظبط و هنغير كتير و هناخد حقوقنا
يا قطقط المصرى بيرضى بقليله لو اخد حقه و حس انه عايش بكرامة

---

>

القصة إن مصر الحديثة بناها الأجانب بمال الفلاحين ، والجيش ( أى الثورة ) إستولى على البلد وحولوها ثكنة عسكرية ، والجيش فاشل فى إدارة الحياة المدنية .. فالحياة المدنية فشلت ، وفشلوا كمان فى الحروب ، فالمفروض يجيبوا الأجانب يديروا البلد ، وفى نفس الوقت الحاكم وهو من العسكر يريد السيطرة على كل شىء وبالتالى لايسمح للأجنبى أو حتى المدنى إنه يكون له نفوذ فى البلد ، ومتمسكين بالسيطرة على كل حاجة ، وبالتالى تعذر الحل

بتقولى شوفتى ناس بتسرق وناس بتجوع وناس بتتهان وتتعذب .. طيب شوفتى إبن المدرسة بيتعب وبينتج ؟
والناس اللى بتسرق من الأجانب والإستعمار ؟ والناس اللى بتقوم بالتعذيب هم من الأجانب ؟