الرد هنا دكتور بسام على سؤالك
http://www.facebook.com/notes/klna-khald...1166045712

أسباب تحديد الوقفة بالأسبوع اللي بعد اللي جاي

Yesterday at 5:39pm
أولا باشكر كل الناس اللي متحمسة جدا ورافضة حتة إننا نتوقف .. وده أكتر موقف بجد رائع ويورينا ازاي كلنا كمصريين ايد واحدة فعلا وخلاص بنفوق.

فيه أسباب كتير كانت ورا موضوع تأجيل الوقفة أسبوع وهي:

أولا: الوقفة دي لازم متبقاش حاجة متعودين عليها .. الوقفة قوتها في الموقف إنها جديدة ... مش عايزين بعد شوية الناس تقول: آه دول اللي بينزلوا كل جمعة ولابسين إسود

ثانيا: الأسبوع اللي فات كنا مضغوطين جدا ومش ملاحقين إزاي نغطي الوقفة الاولى والنجاح اللي حصل فيها وفي نفس الوقت التخطيط للوقفة التانية والناس بتبعت أفكار مش بتتقري

ثالثا: الإعلام عشان ينشر عننا بالشكل الي احنا عايزينه محتاجين نقول لهم قبليها بوقت كويس ومحتاجين ننسق معاهم .. ده محصلش في المرتين اللي فاتوا. عايزين نشحن همم الناس أكتر والناس كلها تكون خلصت امتحاناتها مش لسه خارجة من امتحانات الخميس وتنزل الوقفة الجمعة.

رابعا: وده سبب مهم جدا .. إحنا الجمعة دي مش هننام .. الجمعة دي هنشتغل كل واحد فينا على الأقل ساعتين إنه يكلم مجموعة من إصحابه ينزلوا معاه ومجموعة من الناس العاديين في الشارع اللي بيتعامل معاهم في حياته اليومية زي المكوجي أو صاحب السوبرماركت اللي تحت بيتهم أو مرات البواب .. احنا عايزين نوصل رسالة إننا كل طوائف الشعب المصري .. والموضوع ده هيشترح في رسالة مفصلة بكره أو بعده إن شاء الله

خامسا: لو الناس هتهدى وتنام عشان احنا هنقف أسبوع .. يبقى فعلا الناس دي مصحيتش .. ده قلقت من نومها وهترجع تنام تاني .. مهم جدا اننا منربطش الموضوع بالحماس وخلاص .. وعايزين نقف من أجل الوقوف .. الوقفة هي تعبير رمزي عن الغضب في المرحلة الحالية قوي ومؤثر بسبب إنه فكرة جديدة لكن مش هو ده أسلوبنا اللي هنكمل بيه الشغل في قضية خالد وقضية التعذيب وامتهان كرامة المصريين

وشكرا ليكم كلكم يا أجدع شباب في مصر


______________________
بس فى ناس هتعمل واقفة امام فندق رمادا يوم 2 يوليو
هدور لك على الصفحة

---

الأمن يمنع أسرة خالد سعيد من المشاركة في احتفالية اليوم العالمي لمناهضة التعذيب
الإثنين, 28-06-2010 - 11:24الأحد, 2010-06-27 19:32 | إبراهيم الطيب


نشطاء جبهة التغيير فى مظاهرة الإسكندرية

منعت قوات الأمن أسرة الشاب خالد سعيد المعروف إعلاميا بشهيد الطوارئ، من المشاركة في الاحتفالية التي نظمتها لجنة الحريات بنقابة الصحفيين بمناسبة اليوم العالمي لمناهضة التعذيب، وكانت أسرة خالد قد تحركت من الإسكندرية عصر أمس الأول للمشاركة في المؤتمر والحديث عن واقعة تعذيب ابنهم علي أيدي رجال شرطة سيدي جابر حتي الموت، ولكن تم إيقافهم في جميع الكمائن التي يمرون عليها وعندما وصلوا إلي مداخل القاهرة تم منعهم وعادوا بعدها الي الإسكندرية مرة أخري.

وقالت عايدة سيف الدولة -الناشطة الحقوقية بمركز النديم- إن المركز كان قد نسق مع أسرة شهيد التعذيب خالد سعيد لحضور الاحتفالية وكشف ممارسات الداخلية ، إلا أنهم أبلغونا أن الأمن استوقفهم عند كل كمين ثم منعهم في النهاية من الوصول للقاهرة والمشاركة في المؤتمر، واصفة هذا السلوك بالمعتاد من قبل الداخلية. وطالبت سيف الدولة بمثول جلادي التعذيب أمام العدالة ليصبحوا عبرة لغيرهم، مشيرة إلي أن عصر التعذيب وحبيب العادلي سوف ينتهي، وأكبر دليل علي ذلك الوقفات الاحتجاجية التي شهدتها 13 محافظة في أنحاء مصر احتجاجا علي تعذيب خالد سعيد، مؤكدة أنه سوف يأتي اليوم الذي يحتفل فيه المصريون جميعاً للقضاء علي التعذيب. وشهدت الاحتفالية حضورًا مكثفًا من نشطاء حقوق الإنسان وممثلي القوي السياسية و ممثل عن المجلس العالمي لتأهيل ضحايا التعذيب، وطالب المشاركون بحتمية تشديد العقوبة ضد مرتكبي التعذيب وعدم عودتهم للخدمة مرة أخري، لأنها تعد جريمة مخلة بالشرف تستوجب استبعاد مرتكبيها عن الخدمة، كما تم خلالها عرض صور لأبرز ضباط الشرطة الذين يمارسون التعذيب داخل أقسام الشرطة، وخريطة تتضمن أماكن الاحتجاز وأقسام الشرطة التي ارتكب فيها جرائم تعذيب في جميع أنحاء مصر.

وفي نهاية المؤتمر تم الإعلان عن تنظيم وقفة احتجاجية غدا -الثلاثاء- الساعه الخامسة عصرا أمام مؤسسة دار التحرير للطباعة والنشر، وذلك احتجاجا علي أسلوب التغطية الصحفية لرئيس تحرير جريدة الجمهورية وبعض المحررين فيها لواقعه مقتل الشاب السكندري خالد سعيد.

http://dostor.org/politics/egypt/10/june/27/20655