يا عم خالد الخطيب.. مش عايز تقلب الموضوع لحوار دينى وتروح هابد أجدع كرسى فى الكلوب :D

وهيه دى مصر يا عبلة :lol:

شوف يا سيدى، أنا أحب البساطة وعدم التكلف.. يعنى خد راحتك وإقلب زى ما انت عايز بس من غير خناق ومطاوى الله يكرمك.. أخوك خلاص عجّز ومش حمل بهدلة وبيات فى الأقسام :D

ما عنيته بالعداء بين الشيوعية والمسيحية (إن كنت لازلت تذكر :) )، هو العداء التاريخى.. وأنصحك بقراءة كتاب "العذاب الأحمر" بهذا الصدد..
شيوعية بدون إلحاد، تصبح أشبة بالإشتراكية منها بالشيوعية الحمراء..
وهذه الأخيرة الخالصة، لم تدخل مصر.. كما قلت لك فمصر قادرة على صهر أشد التيارات وإذابته فى بوتقتها.. حتى إسلامها ومسيحيتها مختلفة..

ماتعملش زى "سنايبر"، ده مسلم ماتبقاش زيه :D
قشطات؟
بيس يا مان (f)


الغالية جارة الوادي؟! مش معقول.. (f)
أنت بنفسك هنا رغم مشغولياتك؟ يا لى من محظوظ..
بصفتى شخص قنوع ومتواضع، فلن أطلب هدية كبيرة.. يكفينى وجبة ساخنة أو تورتة بالجوافة من مطعم النادي :P
(يكون الأفضل لو أعطيتنى نقوداً وسأشترى تورتة الجوافة بمعرفتى :D )


ليون يا بن الحاج تروتسكى.. (f)
أولاً: وإنت بالصحة والسلامة..
ثانياً: بخصوص الإضراب المفتوح.. شفت فيلم "فيلم ثقافى"؟
أهو إنت بقى، ناقص تقول للزملاء نمرة تليفون "برايز" :lol:
يا جماعة إحترموا ذكاء القارئ.. نصهم فهم واتفضحنا واللى كان كان :D


آريبيا فليكس!؟ أوه ماى جودنس.. (f)
تخيلى، لم أتوقع أبداً أن تنسينى أساساً :D
كثير من الأعضاء، تعامل معى فى لحظات الإتفاق والإختلاف.. اما أنت يا عزيزتى، فلست أدرى لما حظى هكذا معك :D
عموماً، إختلاف الآراء لا يفسد للـ"ود" قضية (f)
على فكرة، عايز عمولتى فى شغلانة "غرامشى" الجديدة.. الإتفاق تم فى موضوعى وأنا عايز "أرضية" :lol:


نأتى للعديق والصدو خالد وشتائمه السنسكريتية :D
يابنى أنا وإنت مالناش غير فى ساحة عقائد واديان، شو جابنا بالإجتماعى بتاع الناس المحترمة :D
خد حته من بتوع عقائد وأديان..

عاب علينا الزميل، إتياننا بالجوافة بدلاً من المانجا العويسى..
ولعله ظن أننا من الفكهانية!
أو لعله ظن نفسه فى سوق النادي!
أو ربما ظن نفسه جالساً على موائد الرحمن!!
يقول أبا أيوب:
والله لئن تفرغت لكم يا من أريد، لأجعلنكم أحاديث دونها أحاديث إرم وعاد وثمود. ولأجعلن هم كل رجل منكم قمل رأسه وجرب جسمه بعيدا عن الدخان. "ويلكم"، أما كفاكم أنكم خرمتم الأوزون، أوما كفاكم أنكم لعنتم فاطس الجو وسببتم ظاهرة الدفيئة، ألا فارعدي يا رعود العالم في قبر سارتر وفي رئتي كل مدخن!

والله لو كررتموها معنا، لنصطلمنّ أذانكم، ونبقرنّ بطونكم، ونسملنّ عيونكم، ونشدخنّ رؤوسكم، و و و و .. ماشى :what:


هكذا يكون حوار مصارعى العقائد والأديان وإلا فلا :lol:

لك عندى حبة جوافة حينما تأتى القاهرة (f)



أما أيبلا، فقد خسّر الميزان..
يعطينى أنا وغرامشى كل واحد وردة ونصف..
شو مفكرنا أنت، بتوع واحدة ونص إحنا :D
لا أجرؤ على تنصيص وردة وقطع بتلاتها.. سأترك نصف وردتى لغرامشى..



إسحق العزيز..
لا أسكت الله لك حساً..
داخل تعلق مرة تانية.. قول أى كلمة للتغطية قال يعنى بتهنينى..
يا جدع ماتكسفناش دا إنت المسيحى الوحيد الله يفضحك دنيا وأخرة.. :D


طارق القداح ابن سوريا الشقيقة والمقيم بضواحى قرية فرنسا البلد (f)
شاكر لمرورك يا عزيزى، وأنت بألف خير وسلام (وراحة بال :P )
شو موضوع الغنمات هيك؟ لتكون بتقرأ مواضيع تانية فى الساحة الإجتماعية :D
لا لا لا يا طارق، مش أنا.. مش انا اللى قلت سيطرة رأس المال ولا حاجة.. صدقنى صدقنى..
(إحذف الموضوع إياه بتاغ الغنمات يا مراقب القسم ولك عندى كيس جوافة :D )


العزيز سنايبر.. (f)
لست أدرى.. لكنى أشعر أننا تقابلنا يوماً بدون هذه الأقنعة.. ربما فى منتدى آخر..
هل يراودك نفس الشعور؟
يروادني ايضاً ولكني استبعده ;)
إسمها "ولكنى أستعبط" مش "ولكنى أستبعده" :lol:
أرسل تحيتى لصاحب المنتدى ;)

شاكر لهدوءك ووقارك حتى وأنت تتشاجر :D
على فكرة، الملفات الصوتية فى التوقيع (بغضّ النظر عن كونها قرآن أو أغانى).. هى شيئ مزعج
تخيل لو كل الأعضاء وضعوا ملفاتهم الصوتية فى توقيعاتهم.. سيصبح المكان مثل وسط البلد وقت خروج الموظفين :)

ماتعملش زى "المقاتل الأحمر"، ده شيوعى ماتبقاش زيه :D

(f)



روزا لكسمبرج.. تن ترا لاااااا.. بوم بوم (موسيقى تصويرية) :D
تصدقى.. إنتى اللى فيهم والباقى أى كلام..
كله بيقول كلام محفوظ فى المناسبات، ويدوس على كام أيقونة من بتوع الورد أبو بلاش.. (وفى ناس بتقول إقسم مع غيرك حتى فى الورد أبو بلاش :D )
شاكر لمرورك، بالفعل كان تواجدك مفاجأة لى..
(f)



أما غرامشى موسيقار الكلمة..
فكلماته دائماً تعجّزنى عن الرد، فألوذ بالصمت لأخفى حمرة الخجل..
بالراحة علينا.. أنا باصدق بسرعة :D
أهاا.. لا تنس عمولتى فى مشروع آريبيا :angry:



الحق يحرركم.. يااااااااه
خلاص.. جه واحد مسيحى تانى.. ولا الحوجة لإسحق :D
تصدق، إنت فيك "روح قدس".. أنا أبحث عن سيارة هذه الأيام فعلاً..
أخيراً نجحت فى تحويش مبلغ ممتاز يكفى لشراء سيارة مستعملة موديل السبعينات (قال مرسيدس قال، ولا يمت للروح القدس بصلة) :D
أى محل حلويات هذا الذى إحترق؟ لا أرى أى آثار حريق فى الصورة.. كل ما لفت نظرى هو التعجب.. ما الذى تفعله هذه القدرة فوق العامود على اليسار :?: (أعلى السيارة بداخل السور)




للجميع تحياتى (f)