المسالة مختلفة شوية يا نيوترال
عندنا في مصر الناس بتكره المتميزيين ، متميزيين في اي حاجه ، حتى يا عيني المعوقين الناس بتكرهم ، خد عندك مثلا و ليس حصرا ، المكروهين في بلدنا (المسيحيين ، شيوخ المسلمين ، الشواذ ، الشحاتين مع انهم كتير ، الكتاب ، الممثلين ، الرقاصات مع اني عندي شك في دي ، مأمور الضرايب ، حسام أبو الفتوح ، حسام الدين طه ده واحد كان معايا في الكلية ، ابو رجل مسلوخة ، الجمبري ، الوزرا ، اهالي بورسعيد ، ممدوح موسى الغني عن التخريف ، و الكثير الكثير )
كل دول مميزين عن باقي الشعب المصري الغلبان ، و لو عايز تعرف ازاي اسألني و انا اكتبلك كتاب عن سبب تميز كل احد منهم و بالتالي سبب كراهية المصريين لكل واحد منهم .
اه صح و نسيت طبعا اقول الملحدين ، ده هو الموضوع بتاعنا ازاي انسى ؟؟؟
و عشان هو مميز فالمواطن المصري بيحاول يخليه غير مميز ، يعني من الاخر يبقي زيه ، فيقعد ياكل في ودانه و يفهمه انه اللى بيعمله ده موش كويس على صحته و احد اسباب سرطان الكرافته ، و كالعادة موش هايعرف يقنعه بحاجه لانه هو نفسه موش مقتنع بيها ، و في الاخر هيقوله شوفت يا عم اهو سرطان الكرافته هايجيلك و هايشلوا كرافتتك ، و وريني بقى يا عم هاتعيش ازاي من غير كرافته ، جاتك نيلة ولا انت فاهم حاجه.
السر في التميز يا حاج.