مساء الفلّ.

مالكم تكالبتم على الشابّ تكالب الأكلة على قصعتها كده ليه؟!

كل ده عشان واحد قال كلمة منتشرة انتشار النار في الهشيم في المجتمعات العربيّة وقالها وهو مش واخد خوانة يعني ان فيه ناس حتطلع تقوله : عيييب عييب .. إيه القرف ده ؟ ، إخّييه !:no2: ، إزاي تمسك اللغة بإيدك بالشكل ده و"تغمّس" في الكلام ؟ وما تمسكش الكلام بالشوكة والسكينة ليه وتقول البت معندهاش بكارة ؟ يعععع .. اما بلدي بلدي خالص. :saint:

طيّب يعني عمليّة القلب المفتوح لمّا دكتور يقولها يبقى لازم ياخد على بقّه بضهر إيد أيّ عنتر فيكم. عشان عيب القلب يبقى زي الكازوزا

ولمّا وزير يقول انا مكتبي مفتوح للجميع لازم ينطرد من الوزارة عشان بيساويها بقزازة كولا.

ولمّا واحد يقول انا عقلي منفتح لازم نضحك عليه ونهزأه، ويمكن نحط على قلبه شويّة سكّر عشان دلع.

يعني العيب مش في الكلمة ، العيب في فهمنا للكلمة أنّها عار وشتيمة. فالعيب داخل من يفهم الكلمة بشكل سيء ومزري لا في الكلمة نفسها.

يعني البت مفتوحة مفهاش أيّ مشكلة نهائي لو فهمناها نحن على أنّها اختصار لمفاهيم مثل ( مارست الجنس من قبل وهذا حقّها تماما ، ولم يعد لديها غشاء البكارة .. الخ الخ الخ ) ، كده يبقى أي واحدة مفتوحة حنضربلها تعظيم سلام بدل ما نخبّي الكلمة ورا ظهرنا ونختشي ننطقها.

يعني مش عارف زي ما يكون فيه ناس راكنة أسلحتها لمدة طويلة لحد ما صدّت وما بتصدق تلاقي حد عشان تسنّ سكاكينها على رقبته .

عموماً أضيف على الأسباب الّتي ذكرتها الزميلة نسمة عطرة سبباً آخر هو العصاب : راجع كتاب نوال السعداوي " المرأة والصراع النّفسي" .


أراكم حين انفتاح حقيقي :23: