أو يُهان..

يوم الامتحان يُكرم المرء أو يُهان

ذهب صاحبينا إلى الامتحان (أبو خمستاشر درجة) كما يُسميه شحرور بعد ليلة عصيبة حاولا فيها استخلاص أى كم من المعلومات الغزيرة التى تحتاج لأيام لمراجعتها فضلاً عن مذاكرتها!

وكان هذا الامتحان هو الشرارة التى أشعلت فتيل أيام الامتحانات العصيبة !

ومرت الأيام بحلوها ومُرها وشحرور يُجاهد كالأُسود الضوارى يحاول النجاة من شبح الفشل الدراسى المُرعب...وكُل امتحان يُمنى نفسه بأجمل الأمانى ولكنه يتلقى الصدمة تلو الأُخرى حتى كان أخر امتحان فى التيرم...



قبل انتهاء الوقت برُبع ساعة قام شحرور وسلم ورقة الاجابة وخرج وأغلق باب اللجنة خلفه فى عُنف ينُم عن غضب شديد.
.ونزل إلى ساحة الكُلية فوجدها خالية من قاطنيها (لأنهم فوق بيمتحنوا وهو الفلحوس الوحيد الى خرج بدرى طبعاً!)



أخذ صاحبنا يُحدث نفسه فى غل شديد..


هو كُل امتحان كدة؟؟ أدخل ناوى أحرق الورق بمعلوماتى أتحرق أنا واتشل من الغيظ؟! ليه بس كدة؟


بصراحة مكانش ينفع اذاكر أكتر من كدة ..أنا عملت الى عليا وخلاص ربنا يُستر بقى!


.........: لا طبعاً معملتش الى عليك (الصوت الذى يأتى من العدم الذى تعودنا عليه!)

شحرور


.........: فى ايه يا عم بالراحة!

شحرور: لا بجد زعلان منك أوى وقافش عليك ومش عاوز أعرفك تانى كمان

.........:


شحرور: بقى كدة تسيبنى فى عز ما انا محتاجلك...شهر كامل يا مُفترى؟؟؟ مصعبتش عليك وانا بتقطع فى المًذاكرة

.........:أيوة كُنت عاوزنى أعملك ايه يعنى انا قُلت الواد مشغول اسيبه مازعجوش مش أكتر

شحرور:لا يا عم متهرجش...مفيش كدة تعالى يا شحرور أوريك ابن الهيثم ولا ابن سينا ...طب يا عم دول لو بعيد فى الواد اقليدس الأول على الدفعة ...ودينى للعيال الى بتحرت.. ساعدنى اذاكر يا أخى..انما ترمينى كدة؟؟؟ لا لا بجد مش حلو اللى انت عملته ده!

.........:لا يا جميل متزعلش بس انت فاكر انك طول التيرم بتلعب وآخر كام يوم هتحطم النظرية النسبية؟

وانا لو كُنت سفرتك للعلماء دول وانت محتاس كدة كُنت بجد بجد هتتعقد وتتشل وتموت من النكد والاحساس بالعجز..وكمان المثل بيقولك..اتقل تتكيف

شحرور: اتقل تتكيف

!! احنا قاعدين فى غُرزة ولا ايه؟! خلاص خلاص..قُلت الى عندك..امشى بقى

.........:طيب بس افتكر..انما العلم بالتعلم وانما الصبر بايه يا ابو الشحارير؟؟...

شحرور: اااه كلامك بينغز فى قلبى مكنتش تقول الكلمتين دول من اسبوعين..دول بهدلونى فى الامتحانات يا عم

.........: بالتصبر يا قمر سلامو عليكمممممم

شحرور: وعليكم السلام ورحمة الله وبركاته..مكنتش تتحايل عليا شوية طيب

يلا مش مُهم...همممم العيال ابتدت تنزل اهو..أنا هاخُد الواد شعبورجينى واخلع من أُم الكُلية دى..مش طلبة حوارات مع حد..كمان ستوتة النهاردة حرانة أوى وانا مش ناقص فتنة!

وبحث شحرور عن صاحبه فوجده واقفاً مع الشلة يسب ويلعن فى الامتحان والدكاترة والكُلية والنظام التعليمى كُله!

شعبورجينى : لا يا جماعة السؤال التانى ده برة المنهج أصلاً..أنا هطلع للعميد واشتكيله الى بيحصل فينا ده..مش أسلوب ده أبداً!

سلم شحرور على الشلة وانتحى بشعبورجينى جانباً وقال له : منهج ايه الى بتتكلم عنه ده يلا ده احنا دافنينه سوا الى يسمعك يفتكرك ذاكرت المنهج أربعتاشر مرة ولا حاجة.

شعبورجينى : بس يا شحرور ماتاخدنيش من وسط العيال كدة يا أخى يعنى لا نحل ولا نفضفض حتى!!

شحرور: تفضفض فى ايه بقى اسكت...بقولك ايه تعالى نخرج من الجو الموبوء ده..عيال كتير طالعة من الامتحان مبسوطة وأنا دمى فاير أصلاً ومش عاوز أخنق على حد!

شعبورجينى(مُتسائلاً):نخرج نروح فين يبنى دلوقت؟

شحرور: أنا عطشان وجعان والجو حر وطالباها مكان مُكيف..تعالى نروح بيتا ماركت نظبط نفسنا

شعبورجينى : لا بلاش المحل ده ...ده غالى أوى وبيعقد

شحرور: عيب عليك ..دول كُلهم حبايبى هناك...أنا بروحه كُل شهرين أعرف آخر المنتجات فى كُل حاجة

شعبورجينى : يبنى بقولك غاالى موووووت

شحرور: ياد خليك عبقرى زى أخوك..كبيرنا هنجيب كام علبة عصير على كام بسكوتة على شوكالاتين وبطاريات للوكمن بتاعى وكمان هنلف نتفرج على خيرات ربنا وكدة

شعبورجينى : هو فى هناك حاجات أديداس الجديدة؟

شحرور: آه يبنى ده قسم السبورتيف كبير موت هناك..كُل الى نفسك فيه هتلاقيه ان شاء الله.. يلا بينا بس بسرعة قبل ما بقيت العيال ينزلوا

شعبورجينى : هوبا بينا يا كومندة




وذهب شحرور وشعبورجينى إلى بيتا ماركت وهما يناقشان علاقة الدكاترة المُعقدين فى نشر التخلف العلمى فى مصر!



ودخل شحرور وشعبورجينى بيتا ماركت وأخذا يُقلبان مُختلف البضائع ويقارنا الأسعار ويسألان عن كُل شئ كأن السكرتير داخل وراهم بشنطة الفلوس!


وفى قسم مستلزمات الحفلات لفت نظر شحرور زجاجة سبراى ثلج صناعى شكلها فخم جداً..فأخذ يُقلبها بين يديه يحاول فهم اللُغة المكتوبة على السبراى..ثُم دارت فى ذهنه خاطرة غريبة!

ذهب شحرور لشعبورجينى وقال له : بقولك ايه أمسك السبراى ده قولى اللُغة دى ايه؟

ترك شعبورجينى الجزمة التى كان يُجربها والتقط السبراى وأخذ يُقلبه بغير اكتراث..وفجأة..برُقت عيناه بشدة وأخذ يُقرب الزجاجة من عينيه ويُديرها بين أصابعه ثُم ينظر لشحرور فى رُعب ثُم الزجاجة مرة أُخرى وقال: يا نهار أسود


شحرور: ايه يبنى سيبت رُكبى!

شعبورجينى : انت لسة مفهمتش؟

شحرور

شعبورجينى
]http://forum.amrkhaled.net/images/smilies/...rsa84.gif[/IMG]
...القزازة أكيد مصنوعة فى اسرائيل...اليهود دخلوا مصر يا شحرور

و نكمل فى الحلقة اقادمة