مساء الفلّ

في إيه يا عم إبراهيم ، خطير إيه وبتاع إيه بس :lol: ، أنا مجرد واحد غلبان وقع في إيده كتاب من بتوع النّاس الكبار ، وبعدين كتابة إيه بس ، أنا يدوب بمشي جنب الحيط :saint:
وبعدين فكرة الشيزوفرينيا المانويّة دي هي اللي مسيطرة على ساحة عقائد وأديان هنا ، امبارح لسّه واحد بيقول لي من الأفضل أن تترك الدين عن عدم اقتناع وليس عن عدم إعجاب. فلمّا قلت له تركت الدين عن عدم اقتناع وعدم إعجاب معاً ، حسيت كإنّي جاي من المريخ. ازاي واحد يجمع الصفتين سويّا بين جنبيه ؟ فكنت وكأنّي ألقي بمصيبة جديدة في أرض المصائب الدّينيّة:D .
ولكن المصيبة الحقيقيّة هي أنّ كتاب داويّة الفيزياء صدر قبل السبعينيّات من القرن الماضي ، وكتاب the turning point صدر عام 1986 تقريباً ، وكتاب في البدء كان الهيدروجين صدر في الغرب عام 1971 ، يعني كتب تعتبر "قديمة" ومكحكحة في سباق المعلومات في الغرب. واحنا لسّه يدوب مترجمينها عام 2003 ، وبنفكّر في عام 2005 ازاي ننقله على النّت . يعني أيّ واحد من منتدى أوروبّي متابع سير الأبحاث العلميّة بطنه حتفرقع من كتر الضّحك لو حد نقلّه إنّ العرب لسّه مكتشفين الكتب دي جديد. واحتمال حاجات تانية تتفقع مع بطنه :emb:

وبعدين عيب لمّا واحد زيّي اختصاصه أدبي ، وأغلب ثقافته تاريخيّة وأدبيّة ومكتبيّة ، يجي يحشر مناخيره في فيزياء وبيولوجي ، يبقى مش ناقص إلاّ دي كمان عشان التخلّف العربي يكمل :) ، انا يدوب بكلّمك عن محتويات الكتاب وأنا مكسوف من نفسي وأنا بلخّص .المشكلة ان العربي دايماً لبلب في كلّ المجالات ، ويعرف يلعب بالبيضة والحجر ، حتّى لو ما كانش يعرف يفرّق بينهم ولا يعرف الألف من كوز الذرة. بس برضه يا أخي سبحان أفروديت ..تلاقيه يعرف يلعب بيهم، ويزغلل عينين الخواجات المهابيل ، اللي الواحد فيهم بيضيّع عمره بحاله عشان يدرس نوع بكتيريا واحد بيعيش على طيز القرد. ولمّا يجي يموت ويطلّع في الروح، تلاقي آخر حاجة حيقولها : يا ترى البكتيريا كانت في عيني؟ ولا في عدسة الميكروسكوب ؟ ولا فعلاً كان ظنّي صحيحاً وكانت البكتيريا على طيز القرد ؟؟ مش معقول ! وبعدين يشهق المسكين ويطلّع النّفس وسط نظرات أهله المتحسّرة . لكن العربي تلاقيه عارف ليه القرد طيزه حمرا، وفاهم كل أنواع البكتيريا ، وعارفها واحدة واحدة بالإسم ، وكمان مرافق منهم ، ويقدر يطلّعلك أي واحدة فيهم في ثانية بعنوانها وتليفونها في طيز القرد ..:lol:

الزّميل جوبيتر : سوف أحاول أن أكتب ملخّصاً ، فكرة لا بأس بها، وإن كنت لست مختصّاً يعني كما وضّحت أعلاه. ولهذا أفضّل كتابة مقدّمة من كلّ فصل كما هو مكتوب في الكتاب. وسوف أفعل هذا قريباً.

وياريت يا زميل زياد لو تدوّر لي على الكتب اللي كتبتلك عناوينهم ، حتبقى خدمتني خدمة كبيرة جداً وسوف أعطيك وردة (تخيل ؟ :o ) وإليك هذه تحت الحساب (f)

أشكركم على المشاركة.
أراكم بعد حين :bye: