تستور هي يا بو براهيم

هي يا بو براهيم

ندخل ولا في حريم مش مغطيات روسهن

عالعافية .... لعواف قوي .... شو خبارك عساك بخير

اسمع خلينا نتفاهم من البداية ما تجيبلي سيرة النرجيلة ولا المعسل لاني ما بحبها ولا بطيق ريحتا

بس قهوة بدون سكر وشاي خريم عيار ثقيل يعني بالعربي شاي صعيدي واذا في خدمة السجاير يفضل ( ليلى مراد )يعني بالعربي ( L&M ) .


هاظا يا جماعة الخير بدي احكيلكو هالشغلة ان واحد من الناس ما بصدق انو في حظ في الدنيا دايما بعتقد لكل مجتهد نصيب .
المهم ما علينا هاظا الشهر حسب ما قالولي تعون الابراج انو زحل داخل في برجي وحسب ما بقولوا انو زحل هو للحظ .
يعني يفترض هاظا الشهر اكون محظوظ
ويا ميلة بختي هاظا الشهر على الاقل من شهر مر علينا لحد الان والحظ النحس ملازمني في كل شغلة بعملها لدرجة اني فكرت ما اعمل ولا شغلة واظل قاعد في البيت ونايم

اقلكو حتى النوم بطل الو طعم

ونو هالحظ مش عارف

وعلى راي المثل " اللي ما الو حظ لا يتعب ولا يشقى " ومثل ما قالت ستي الف رحمة عليها " المتعوس متعوس لو دقولو 100 فانوس " وامي بتقول " اللي ما الو حظ بتطلعلو العظمة في الكرشة او الفشة ( الرئتين ) حسب رواية خالتي "

نورس بدون حظ