(09-18-2010, 06:36 PM)بسام الخوري كتب:  ليس دفاعا عن مبارك ولكنه يمثل مصر الذي أصبح حائطها واطي يتسلقه الجميع

من تحت راسه ضاعت مصر و بقا الفساد فيها فى كل شىء
يستاهل انه يتهان زى ما اهان الوطن
دا شعر حضرتك دكتور بسام حطيته انهارده
دا اللى عمله مبارك فى مصر
اقل شىء يتعمل فيه انه يكون فى مكانه الصحيح
فى اخر الصفوف

اقتباس:شكرا ليلى للأسف الفضيحة ألمانية إنكليزية صينية تايوانية ...الإعلام بدو إثارة وأكشن ولفت نظر ...

دا احنا فضيحتنا بقيت بجلاااااااااااااجل

تلك الصوره لها دلاله أخرى من وجهه نظرى ....

احنا ( الشعب المصرى ) بالنسبه للحكومه ولسانها الناطق ( الاعلام الحكومى ) شويه بهايم , والبهايم مربوطه ومفيده ولا تتناول الا مايقدمه لها من يرعاها , لذلك هم يقدمون لنا ما يريدون تقديمه ولا يتخيلون أن البهايم ممكن تقطع الحبل وتتحرر وتتعرف على ( علائق ) أخرى أنظف كثيرا مما يقدمونه لنا .

اما ان الأمر استهزاء بعقولنا واما الناس دى عايشه فى غيبوبه .

يعرفون بأن مبارك مريض وعمره 80 سنة فذوقا وأدبا كان يتوجب تخفيف خطواتهم ليسيروا بخط أفقي واحد ....هكذا تعلمنا نحن العرب آداب معاملة الضيف ...لو كنت مكان مبارك لما سافرت 14000 كم للمؤتمر وهذه تضحية منه أجد بالصورة الأصلية قلة إحترام لمبارك ولهذا أتفهم تصرف الأهرام ولكنهم بالغوا وكان يكفي وضع الخمسة بصف واحد

دكتور بسام الكل عارف هو سافر ليه
لا قضية فلسطين ولا بتاع
راح علشان جيمى ننوس بابا يبقا رئيس بعده و ياخد الموافقة و يقايض بكلامه الغبى على التوريث
و رجع تانى يوم مصر و ما كملش زى ما كان مخطط له التواجد هناك 4 ايام
انسى البروتوكلات و الاخلاق دلوقتى دكتور بسام
مبارك اخر واحد يستحق انه يتعامل معامله آدمية
لو كنت فى مصر و عايش اللى احنا عايشينه كان كلامك اختلف
تعالى شوف البهدلة اللى المصريين فيها من تحت راس المخرف دا
و لسه يا ما هنشوف
لما مخطط الفتنه كمان يتظبط و البلد تولع

المفروض كان يحط قرنين كمان لرئيس اسرائيل(تعبيرا عن ان اسرائيل وحشة )....و يخلي حسني شايل رئيس فلسطين علي كتفة زي العيل (تعبيرا عن تبني مصر للقضية الفلسطينية ) ويخلي رئيس امريكا و الاردن بيلعبوا و بيجروا يتزحلقوا علي بلاط الطرقة (تعبيرا عن المراهقة السياسية و قله خبرتهم بالعمل السياسي بالنسبة لحسني طبعا دوول عيال )
هي دي الصور التعبيريه ولا بلاش

احد المعلقين علي مقال «أهرام» الدولة في المصري اليوم

http://www.almasryalyoum.com/news/«الكون...قابة-دولية

دى مصر فى عيون امريكا

قال الدكتور «سعد الدين إبراهيم» رئيس مركز ابن خلدون للدراسات الإنمائية، إن 11 عضواً بالكونجرس الأمريكي تقدموا بمشروع قرار يطالب مصر بضرورة إجراء الانتخابات بشكل شفاف ونزيه كما يطالب برقابة دولية عليها .

ليلى أعرف ذلك وأوضاعنا بسوريا ليست أفضل ....لكن أتكلم من ناحية إنسانية فقط ...حافظ أسد توفي بالبروستات وهر شعره ولبس برنيطة ولكن لا استطيع الشماتة بهم ....أغبياء لا يتنحون عن السلطة لآخر رمق ...تصوري هلموت كول لا زال بالحكم مع شلل نصفي وكرسي متحرك ...هلموت شميدت تنحى ...تصوري ريغان يحكم مع آلزهايمر ....أو يبقى جنشر وزير خارجية للآن ...كل سنة نكبر بها نشعر بتراجعنا ....والمشكلة لو تغيبوا أسبوعين عن الشاشة تنتشر الإشاعات ...لا أعتقد بحدوث أمور خطيرة في مصر وستمر كما مرت في سوريا ...استقرار سياسي مع زيادة نسبة الفقر والفقراء باضطراد

انا فاهمه دكتور بسام انك تقصدها من الناحية الانسانية
و يمكن ما تصدقنيش لو قلت لك ساعات لما بفكر فى نهاية مبارك دى بحزن
لكن غصب عنى لما اشوف صور الناس اللى نايمين فى الشوارع و الناس اللى مش لاقيه علاج و السرطان و الفشل الكلوى و الاراضى الزراعية اللى بارت فى عهده و السلب و النهب و فساد و الخراب دا كله
مابيصعبش عليا اى حاجه هو فيها ولا اى مهانه يتعرض لها
خاليه يدوق المر اللى الناس عايشه فيه و المهانه اللى وصل لها المصرى
جوا مصر و برا مصر من تحت راس حكمه
مش قادره اتعاطف معاه نهائى

شكراً للاهرام
فتحت باب التخيل للجميع

الطريق الى شرم الشيخ