المحلل السياسي أبو شنكل
انا أبو شنكل ، والله لا أعرف كيف صرت محللاً سياسياً.
أنا بالأساس أزعر.
وكنت معروف بالقرية بضربة الشنكل يللي مابتخيب
كنت أنا و أولاد عمي مسيطرين على القرية وما كان حدا يسترجي يتحلفص.
وبعدين سجلت بشبيبة الثورة ، وصرت بالإضافة لضربة الشنكل أكتب تقارير بالشباب . شي بعتو عالمعتقل وشي حرمتو من الوظيفة عند الدولة ، حتى مرة كتبت تقرير بإخي لأنو خبر والدي إني بدخن بالسر.
وبعدها زبطت حالي
( بالبكاروليا) راشيتات وعلامات مظلي دخلت كلية الحقوق
تخيلو المحامي أبو شنكل( شي بضحك)
طبعاً
بالجامعة على ضرب شناكل و طق براغي و سلخ تقارير بالطلاب والأساتذة ،
حتى صرت الصديق المقرب لضباط الأمن ، وصرت رئيس فرع إتحاد الطلاب بالجامعة
وصار الكل يخاف مني الطلاب والأساتذة.
فكرت أعمل إختصاص وكنت حاطط عيني على رئاسة قسم القانون الدولي ، وحصلت على شهادة الدكتوراة بمساعدة سفارتنا بموسكو وهون وبهالمناسبة بحب وجه تحية للسيد السفير ولضابط أمن السفارة. وبموسكو لا دراسة ولا هم يحزنون نسوان وفودكا و كتابة تقارير بالطلاب الموالين والمعارضين على حد سواء.
( انا بموضوع التقارير الأمنية ما بعرف أبوي)
المهم رجعت وباشرت بالحفر لرئيس قسم القانون الدولي ، كان الملعون ماكن بس على مين يا بابا، ما أنا أبو شنكل ولووووووووو
وبعد ماركزت حالي ، وتقديراً لفضل لأمن علي لبيت فوراً الطلب مني للعمل كمحلل سياسي ، وباهلخصوص تم إيفادي مع مجموعة من المتسلقين أساتذة جامعات ، أعضاء مجلس الشعب وبعض الإعلاميين ........ إلى بيروت للإلتحاق بدورة تأهيل في فن الكذب وتلفيق الحقائق ودورة أخرى في تطوير مهارات السب والشتم.
بعد مارجعت من بيروت بيومين استدعوني لمناظرة تلفزيونية على قناة مغرضة مع معارض.
ياجماعة
أنا لما شفت قرعة المعارض تزلزل بدني وفوراً ، وبدون ما أفهم شو الموضوع بلشت بالمسبات التي تعلمتها ببيروت ونزلت فيه ياعميل، ياحذاء ، ياحشرة، يامعتوه، يا أبن ال.............، تافه، حثالة (وهالمسبة سمعتها من مساعد في مخفر شرطة القرية بعد مشاجرة. عجبتني لأنوكانت إلي حفر وتنزيل) مسبات رشاً ودراكاً ، كان بهمني إنو يشوفوني ضباط الأمن ويرضو عني هاي فرصتك يأبو شنكل
ونسيت إنو أنا( بروفيسور) ومرشح صير عميد الكلية
المهم إنو المعارض ماسكت وقال عني إنو أنا بلمع حذاء السلطة
خطر ببالي إنو أسلخو شنكل وتذكرت إنو نحنا عالهوا ........................وهو بعيد
قلت لحالي أكيد تقرير للأمن بجيب خبرو ثم تداركت : أساساً هو بعيد عني بسبب التقارير الأمنية ، بعدين بكون تمسح
طيب والحل ؟
كوني رجل قانون (دولي) برفع عليه دعوة ( بالمناسبة أنا بشتغل بالقانون بوقت فراغي بس ) فكرت انو ارفع عليه دعوة . إذا ماقدرت أجيبه لهون وأسجنه ، هيك باسجنه في بلاد الإغتراب.
حتى لو انسجن شو بستفيد ؟ شو بدكم والله مافي أحسن من ضربة الشنكل.
أبو الشمقمق
http://www.facebook.com/notes/abu-al-sha...3206915864
بحث
قائمة الأعضاء
التقويم
وثائق المساعدة
/
بلطجية سوريا : أو كما ندعوهم بسوريا "الزعران"
![[صورة: 263812_213781681996447_185433821497900_5...8101_n.jpg]](http://a5.sphotos.ak.fbcdn.net/hphotos-ak-snc6/263812_213781681996447_185433821497900_577440_5768101_n.jpg)
![[صورة: 262142_232542890100001_211292862225004_8...8091_n.jpg]](http://a6.sphotos.ak.fbcdn.net/hphotos-ak-snc6/262142_232542890100001_211292862225004_801646_7988091_n.jpg)
![[صورة: 262102_232542903433333_211292862225004_8...9634_n.jpg]](http://a4.sphotos.ak.fbcdn.net/hphotos-ak-snc6/262102_232542903433333_211292862225004_801647_109634_n.jpg)
![[صورة: 268471_232542760100014_211292862225004_8...6304_n.jpg]](http://a1.sphotos.ak.fbcdn.net/hphotos-ak-snc6/268471_232542760100014_211292862225004_801635_8376304_n.jpg)
