ان سرقت اسرق جمل و ان عشقت اعشق قمر
قال اطبخى يا جارية قال كلف يا سيدى
اللى بيته من ازاز ما يحدفش الناس بالطوب
قالوا للحرامى احلف قال جالى الفرج
قال يا فرعون متفرعن ليه قال ما لقيتش حد يلمنى
اللى مالوش كبير بيشتريلوا كبير
القرش الابيض ينفع فى اليوم الاسود
يا مربى فى غير ولدك يا بانى فى غير ملكك

الجعان يحلم بسوق العيش
حبيبك يبلعلك الزلط و عدوك يتمنالك الغلط
القدرد فى عين امه غزال
قيراط حظ و لا فدان شطارة
لاقينى و لا تغدينى
انا و اخويا على ابن عمى و انا و ابن عمى على الغريب
بصلة المحب خروف
من رادك ريده ومن طلب بعدك من الجفا زيده
لو كان فيه الخير ما كان رماه الطير
خيبة الأمل راكبة جمل
الغربال الجديد له شدة
حمارتك العارجة تغنيك عن سؤال اللئيم
ان كان حبيبك عسل ما تلحسوش كله
ادى العيش لخبازه
عشمتنى بالحلق خرمت انا ودانى
مالقوش فى الورد عيب قالوا احمر الخدين
المال السايب يعلم السرقة
اعمى و مكسح و عايز يتفسح
الميه تكدب الغطاس
اللى سبق اكل النبأ
نوايا تسد الزير
حجر داير و لا سبع نايم
البرميل الفاضى صوته اعلى من البرميل المليان
يا واخد القرد على ماله يروح المال و يبقى القرد على حاله
الحلو حلو ولو لسة صاحى من النوم و الوحش وحش و لو بيستحمى كل يوم

بسنت؛
موضوع ظريف
كان فى موضوع تانى شابيه له اتكتب من زمان للعزيز محمد القدّاح
http://www.nadyelfikr.net/index.php?showtopic=36380&hl=

اتمنى تزودوا عليه امثلة تانية، علشان تثرونا بتنويعة ظريفة .

(f)

جميل كمان موضوع محمد القداح اول مرة اقراه(f)

كتبت أمثال على الورق ، وهأكتبهم هنا شوية شوية

وشكراً لبسنت لأنهم بتفكرنا بكلام حكمة الآباء اللى راحوا فى السبنسة وغير مذكورين فى المدارس أو خارجها

فيه أمثلة كتبتها بس لقيت بسنت كاتباها

كل فولة ولها كيال
إن كبر إبنك خاويه
لو دامت لغيرك ما وصلتلك
من القلب للقلب رسول
إذا كان الكلام من فضة فالسكوت من ذهب
ياناس يافل الخير للكل
يموت الزمار وصوابعه بتلعب
يموت المعلم وهو بيتعلم
اللى يأكّل إبنى لقمة حلاوتها تنزل فى بطنى
اللى يقول لمراته ياعورة الناس يلعبوا بيها الكورة
من لقى أحبابه نسى أصحابه
الحسود لايسود

الأستاذة بسنت جابت لنا أمثال
أمثال قديمة من اجيال
تخبرنا عن الحقيقة والحال
وعن حقايق أغرب من الخيال
وعن الناس وعن المال
وتحية للأستاذة بسنت
تحية ملؤها الإجلال

---------------------

قليل البخت يلاقى العضم فى الكرشة
لولا الكاسورة ماكانت الفاخورة
اللى تفكر فيه عيشة فى النهار تحلم بيه بالليل
إذا عرف السبب بطل العجب
تعددت الأسباب والموت واحد
من لم يمت بالسيف مات بغيره
اللى يعيش ياآما يشوف واللى يلف يشوف أكتر
اللى يجى فى الريش بقشيش
الله جاب الله خد الله عليه العوض
الكحكة فى إيد اليتيم عجبة
لايسال الملك عما ملك
يامستعجل عطلك الله
كل تأخيرة وفيها خيرة
صباح الخير ياجارى إنت ف حالك وأنا ف حالى
كله عند العرب صابون
إذا كانت بتسب تبقى بتحب
إذا جاءت الملائكة إنصرفت الشياطين
إدبح قطك ليلة عرسك
إتق شر من أحسنت إليه
الطويل هبيل
إتق شر من إقترب إلى الأرض
لسانك حصانك إن صنته صانك وإن هنته هانك
هين قرشك ولاتهين نفسك
الكلمة الطيبة من القلب قريبة
لسانه متبرىء منه
عند الإمتحان يكرم المرء أو يهان
الحظ يخلى الأعمى ساعاتى
الربعية تعلم أمها الرعية !!

- اللى يأكل على ضرسه ينفع نفسه
- شراية العبد ولا ربايته
- حب لأخيك ما تحب لنفسك
- من عاشر القوم 40 يوم يا فر منهم يا بقى منهم
- المركب بريسين تغرق
- اللى معاه أمه ماتحملش همه
- من همه إتجوز قد أمه
- الحجر الداير لابد عن لطه
- المستخبية تكسر المحرات
- يصلحوا رحاية ويخربوا ساقية
- إمشى ومد .. قال : ده شىء يهد
- مايقع إلا الشاطر
- البطن قلابة ( أى إختلاف الإخوة )
- حلو اللسان قليل الإحسان
- لاأحبه ولاأقدر على بعده
- القطط بسبع أرواح
- القط يحب خناقه
- قطهم جمل
- الميه ماتطلعش فى العالى

عن الأستاذة بسنت المذيعة

الأستاذة بسنت جايبة أغانى
فيها الحب وفيها من يعانى
وفيها موسيقى بلابل وطيور
تسبب الفرح والسرور
والإنسجام والطهور
الموسيقى شاعرية جميلة
والأجواء مرتاحة هنية
والكلام غاية فى العذوبية
وإتعلموا ياناس الإنسانية

-----------------------

كتبت مجموعة أمثال وأرسلتهم لكن الرسالة ضاعت ، ثم أعدت الكتابة وضاعوا مرة أخرى ، وحتى قطعت الورقة المكتوبة .. فجانى إحباط

- العروسة للعريس والجرى للمتاعيس
- الرجل تدب مطرح ما تحب
- أول مايشطح ينطح
- الإسم لطوبة والفعل لأمشير
- قد الزبلة ويقاوح التيار
- القفة اللى ليها ودنين يشيلوها إتنين
- سكتنا له دخل بحماره
- عينك الصافية ماخلت عافية
- يعمل إيه الحاسد فى الرازق ؟
- ربك رب قلوب
- ربنا عرفوه بالعقل
- عينه تفلق الحجر
- عينه تندب فيها رصاصة
- يعمل إيه كلام من رصاص فى جتة من نحاس ؟
- شرف البنت زى عود الكبريت مايولعش إلا مرة واحدة
- العين ماتعلاش على الحاجب
- كلام الليل مدهون بالزبدة يطلع عليه النهار يسيح
- البنى آدم تقيل
- أكل العيش مر
- قال إيه اللى جابك على المر ؟ قال : الأمر منه
- يركب الصعب من لا ذلول له
- إدينى عمر وإرمينى فى البحر
- العمر مش بعزقة

الإذاعة المفروض يسموها : ماراثون الإغانى " 4 ساعات إغانى متواصلة !!؟؟
لو الناس إهتموا بالتراتيل أو بالصلاة بنفس الطريقة الأرض هتبقى جنة

----------------------------


- اللى فى الطاجن تطلعه المغرفة
- كل إناء ينضح بما فيه
- الشاطرة تغزل برجل حمار
- بختك ياأبو بخيت
- جبتك ياعبد المعين تعينى لقيتك ياعبد المعين بتتعان
- من قال يارب غلب
- الراجل ومراته زى القبر ماحدش يعرف بينهم إيه
- نشفت البركة وبانت زقازيقها
- الغلابة ليها أحكام
- الأب يطفّش والأم تعشش
- قلبى على ولدى وقلب ولدى علىّ حجر
- قلبى على ولدى إنفطر وقلب ولدى علىّ حجر
- كتر الحزن يعلم البكا
- طول عمرك يارضا وإنتى كده
- رجله والقبر
- إذا قلت ماتخاف ، وإذا خفت ماتقول
- زى القطط تأكل وتنكر
- اللى معاه قرش يساوى قرش
- من حفر حفرة لأخيه وقع فيها
- اللى يبصلى بعين أبصله بإتنين
- يابركة دعاء الوالدين
- قاضى العيال شنق نفسه
- الفاضى يعمل قاضى
- ودن من طين ووودن من عجين
- اللى مايطاوعكش طاوعه