الصبر يا جماعة
__________
ربنا يدينا ويديك يا مورجان طولت العمر
وتقبّل التحية :redrose:

Arrayعمرنا في مصر ما كنا بدو مع كل احترامي لهم
طول عمرنا فلاحين بنزرع الارض
و بنايين بنينا سدود و مقايس علي النيل من قديم الزمن و اهرامات و معابد من فجر التاريخ [/quote]

مرحباً بك عزيزي مورجن. (f)

كوننا كمصريين نزرع ونحصد لا يعفينا من إرثنا البدوي كمصريين. البدوية المقصودة هنا هي أعرابيتنا والنابعة من تكويننا السامي/ الرعوي/ البطريركي والذي أوضحته أعلاه في عقلية "كبير العيلة" و"شيخ البلد" إلخ.

والعرب في حضارة العرب الجنوبيين كانوا عرباً أقحاحاً ولكنهم صنعوا حضارة يشهد لها القاصي والداني وتجدها مذكورة في الأبحاث السامية لأفخم المستشرقين ويكفي أن تقول عبارة South Arabian Civilization في أي محفل أكاديمي في جامعة هارفارد مثلا.

Arrayعندما نتكلم عن تاريخنا فهذه الحقيقة لم نؤلفها
عندما نتكلم عن دور مهم في المنطقة فهذا واقع لم نختاره اصلا[/quote]

الوضوح يفيدنا أحياناً عزيزي مورجن: هناك "تاريخ أجدادنا" وهناك "تاريخنا نحن" أنا وأنت؛ وهذا يقتضي عدم التغني بأمجاد الفراعنة وما عملوه ونحن لسنا لدينا شيء لنتعالى به على أشقائنا العرب بالمرة. تم توزيع الثروات في الإمارات بشكل جميل والنفوس راضية والإماراتي يقول إنه إماراتي ورأسه مرفوعة ولكن نحن في مصر بقايا بشر وحطام آمال ومستقبل وهم.

Arrayو لا يفوق عشق المصريين للدين سوي عشقهم للتحايل عليه[/quote]

المصري يتحايل على الدين؟! كان زمان والله يرحم أيام أخناتون و"فجر الضمير".

المصري حالياً هو أحد عبيد المؤسسة الدينية ويفكر بعقلية "العبيد الدينيين". جرب بس أن تحدث بنت محجبة من مصر وقارن بينها وبين بنت محجبة فلسطينية أو سورية ولاحظ الفرق الشاسع! فرق السما من الأرض.

المصري حالياً يستخدم الدين كـ كرباج ليجلد أخاه الإنسان وبالدين، وبالذوق والأدب غصبن عن اللي خلفوه وكله بالدين! عن أي تحايل تتحدث؟ ليتهم تحايلوا على الإله كما فعل العبرانيون أشقاء العرب وعندها لهان الخطب وخفت المصيبة وما نحن فيه كمصريين من بلوى.

Arrayفي مصر يمكنك ان تعيش بكامل الحرية لا تقرب مسجد او تصلي فرضا لا احد يراقبك او يخبط علي بيتك ليه مبتصليش بل و في اماكن معينة و في قلب القاهرة يمكنك ان تفطر علنا و جهرا في نهار رمضان[/quote]

كامل الحرية؟

لعلمك، حالة التدين الجماعية السائدة في مصر والتي تتجلى في تفشي الحجاب وتحبيذ النقاب هي فوضى هستيرية جماعية يحدثك عنها علماء الأنثروبولجيا بشكل ترى أنك فعلا تتعاطى مع شعب في معظمه يفكر بعقلية القطيع. واحد يقول باء وخمسائة واحد وراه راح يقولوا باااااااااااااااااء! وحدوه! مدد يا أم العواجز!

Arrayفي النهاية براحة علي مصر حبة و بلاش مواقف حصلت ليك تخليك تشيل منها كده
في الاخر بلدنا و ملناش غيرها[/quote]

هناك شيء إسمه "نقد ذاتي" وباعتباري مصري أنقد ذاتي وموطني وأتمنى له أن يكون في سباق الأمم تماماً كما كانت مصر في الثلاثينات والأربعينات قبل أن تتحول إلى مزبلة سباخ.

تحياتي لك.

Array
كان بودي أن أوافقك عزيزي بيوتيفل مايند
[/quote]

راجع نفسك .. لسه الفرصة قدامك :D

Array
لكن تجربتي الشخصية تقول بخلاف ذلك؛ نحن بدو أيضاً مع فارق أننا نلبس القميص والبنطلون [/quote]

صدقني حتى لبس القميص و البنطلون عامل فارق ليس صغيرا ..
الناس في العالم كله تقبلت الأزياء الغربية و لم يعد هناك فارق.
حتى في الهند و في أفريقيا و الصين, في السنين الأخيرة تراجعت الأزياء المحلية لصالح الزي الغربي تراجعا كبيرا.

الزي الغربي أشيك و عملي أكتر و متنوع من مجرد جلابية بيضا رايحين جايين بيها دونا عن العالم كله و كأنها تعبير عن حضارة ما أو ثقافة تدعيها دول الخليج.

Array
لكن في كل شيء نفكر بعقلية "كبير العيلة" و"اللي مالوش كبير يشتري له كبير" و"شرف البنت في البتاع إياه" إلخ. هذه ملامح لمجتمع رعوي بدوي مع مرتبة الشرف حتى لو سوسو لبست بنطلون محزق على مؤخرتها. كيف أنسى يا عزيزي هجوم الناس على بيتي بشكل بربري لا تشاهده سوى في الأفلام القديمة أبيض وأسود؟!
[/quote]

و هو أنا إتكلمت ولا قلت حاجة ..
ما انا عارف البلد و عارف عقلية الناس ..
التعصب و البداوة ماليين البلد و الناس بتشوفها نخوة و مرجلة.

لكن الوضع بيتحسن و أنا حاسس إن الناس بدأت تتغير.
في الكام سنة اللي فاتت أنا شايف مظاهر إنفلات من الأوضاع المتخلفة.
المصريين وصلوا لذروة التخلف و بدأنا في الصعود لأعلى.
راقب مثلا صناعة السنيما و كيف وصلت لذروة الإنحدار ثم بدأت في الصعود ..
شوف إزاي وصلت مصر لركود سياسي و إقتصادي عفن ثم بدأ الحراك يعود من إستفتاءات لإنتخابات.
حتى إعلان برنامج الإخوان المسلمين أجده خطوة غير مسبوقة و لها توابع حميدة جدا.
شكل إحتفال المصريين بأعيادهم و ثورة الأقباط عن حق و غير حق و علو صوت البهائيين.

أنا مبسوط لان الوضع بيتحسن ..
يعني ممكن بعد خمسين سنة من دلوقتي مصر تبقى دولة كويسة و المجتمع يبقى أحسن.

Array
ولكن هذا هو المجتمع وكفانا تعاظماً على أبناء الخليج فكل ما عملناه أننا تركنا الناقة لهم واستبدلناها بالسيارة اللي بزمبلك ولكن لا تزال الناقة جاثمة على أفئدتنا ونحن بدو حتى النخاع.
[/quote]

أولا أنا لم أتعاظم .. بعد
كنت أصبر عليا شوية :D
بلاش و النبي توعظني يا إبراهيم, لأني مش بستعيب حاجة.
أي سلوك هشوفه كويس هاعمله حتى لو مكتوب عليه عيب.

و عموما مصر عمرها ما كانت سعودية و لا عمرها هاتكون.
أنا مش هاقولك مصر أم الدنيا و بقية الكلام الفارغ و الموشح إياه.
بس مصر متتساواش بكيان زي السعودية و مش هاقول دولة ..
مصر عرفت شكل الدولة المركزية من فجر التاريخ مش لغاية دلوقتي دولة مالهاش دستور.
دي السعودية بالذات دولة فريدة من نوعها .. إنت بتساوي ايه بإيه ؟
يعني في التعصب ممكن يكون المصريين متعصبين بزيادة عن أي دولة خليجية لكن السعودية لأ.
و لو مصر فيها نص دستوري بيقول إن القرآن هو المصدر الرئيسي للتشريع فالسعودية مالهاش أصلا .
كفاية إن مصر فيها أقلية قبطية معترف بيها رسميا و إن جمال مبارك بيحضر قداسات العيد
مش السعودية اللي حتى الشيعة مش عارفين ياخدوا مع الحكومة لا حق و لا باطل.

أنا مش عايز أحكي أصلا عن كل عظماء مصر في الفكر و الأدب .. علماء و فنانين و مثقفين
رجال إقتصاد و سياسة أشراف و نفخر بهم .. كفاية اللي تماثيلهم في وسط البلد.
هي السعودية عندها تماثيل في ميادينها و لو عملت تماثيل هيعملوها لمين.

ده أنا أقسم لك إنه لولا الإسلام و النفط ماكنش الواحد سمع عن الكيان ده أصلا ..
و يمكن لولا موارد السياحة إلي الكعبة و النفط ماكنش الناس لقيت تاكل و لا كان فيه حد عايش في الحتة ديه أصلا.
يعني كان الناس اللي فيها هجت من زمان قوي و المكان أصبح مجرد صحراء قاحلة.

يعني الواحد يسمع عن دولة زي الإمارات سمع خير ..
نمو إقتصادي و تجاري و تنظيم مهرجانات سنيمائية و تسوق ..
الكويت : دار المعرفة و برلمان يسمح حديثا بإنتخاب النساء.
كل دولة صغيرة في الخليج لديها حسنة أو حسنات أو تقدم في مجال أو مجالات إلا الزغلول الكبير رائد التخلف و الرجعية : ماما السعودية.

انا حتى مش بساوي بين السعودية و بقية دول الخليج لأن السعودية كيان ليس له مثيل في العالم ..
إنت غير النفط و الكعبة بتسمع ايه عن السعودية ؟ البورصة مثلا ؟
طبعا السعودية فيها ناس أفاضل و مثقفين و راقيين كتير .. بس أقلية برضه.

و بعدين الحال مش بيتحسن بالعكس .. ده كل يوم بنسمع حاجة جديدة غريبة تنفرد بها السعودية دونا عن بقية الأماكن في العالم.
و تقولي بلاش معرفش ايه ؟

يعني إنت عايز تزايد عليا و خلاص ؟
هتعمل حبوب و متواضع و بتاع الناس كلها على حسابي ؟
لا معلش ... مش ذنبي إن السعودية دولة متخلفة و رجعية.
ديه مش حاجة تلومني عليها.

(f)

Array مصر عرفت شكل الدولة المركزية من فجر التاريخ مش لغاية دلوقتي دولة مالهاش دستور.[/quote]

هاتقول لي دستور؟ عملت إيه بالدستور؟ وشكله إيه الدستور ده؟ دستور علماني؟ مصر آخر من تتكلم عن مصطلحات مثل الدستور والديموقراطية.. كل هذه واجهات شكلية للاستعراض.. ذكرتني بواحد صاحبنا، وهو أنا، كلما قرأت في القاموس كلمة affectionate لم أجد لها ترجمة دقيقة ولم أستوعبها وكل ما فهمته أنها تعني "ودود" إلى أن سافرت وعشت في أميركا وعبطتني أكتر من بنت وساعة العبط قالت لي إنها affectionate وفي الحالة دي فقط ولأول مرة في حياتي أستوعب مصطلح انكليزي بسيط فشلت القواميس في إيصاله لي إلى أن رأيته أمامي يترجم بشكل عملي.

نحن نحتاج لمن يرينا فعالية الدستور وفعالية الديموقراطية بشكل فعلي... بلد تصادر فيها الكتب هي آخر من تتكلم عن الدستور والديموقراطية...

عايز تضحك؟ فيه كتب محرمة في مصر وتم شحنها لي كـ هدايا من السعودية من أصدقاء عرفتهم من نادي الفكر! من قلب مملكة الظلام اللي بتتمسخروا عليها.

Array
الزميل ابراهيم,
براحة شوية
مين قال ان البدو لسه بيركبوا الناقة انت مش عارف ان الهامر وصلت هناك و سيبك من البناطيل المحذقة علي الؤخرة لانك تقدر تشوف البدو مش في لندن او باريس لا بل في فنادق القاهرة او بلاجات الاسكندرية و سوف تجدهم من غير هذه البناطيل من الاساس
ثانيا من قال اننا نتكبر علي احد, الاحترام للجميع و لكنه قدرنا
عمرنا في مصر ما كنا بدو مع كل احترامي لهم
طول عمرنا فلاحين بنزرع الارض
و بنايين بنينا سدود و مقايس علي النيل من قديم الزمن و اهرامات و معابد من فجر التاريخ
و صنايعية طوروا مراكب بتجري في النيل و ادوات للزراعة و البناء و عربات حربية
و المصري الحالي مكنش بدوي و مش هيبقي
عندما اقول انا طويل ليس معناه اني اعاير القصيرين بل اذكر حقيقة
مش مشكلة مصر ان هناك من لا يريدها ان تفتخر بما تتمتلكه فعلا, مصر لا تحتاج ان تدعي اي شئ
عندما نتكلم عن تاريخنا فهذه الحقيقة لم نؤلفها
عندما نتكلم عن دور مهم في المنطقة فهذا واقع لم نختاره اصلا
نحن لم نسرق الاهرام او الكرنك لنضعهم في ارض مصر... لا اجدادنا بنوهم و من لا يعجبة يخبط دماغة لحد ما يكسرها في احجارهم
عندما نقول ان مصر لن تكون مثل السعودية ليس تكبرا فحتي لو اردنا لن نكون مثلهم
السعودية حاليا اغني و اكثر استقرارا و حالها افضل بكثير من عقود خلت
اما مصر فقد تراجعت كثيرا
لكن مصر هتفضل مصر
مش شعارات.......لا مينفعش نبقي حاجة تانية
عندنا بالهبل عيوب و متناقضات
بلد العجايب و مكملة علي حالة ده كام الف سنة
بقدر طغيان السلطة علي المصريين بقدر ما برعوا في التحايل و الالتفاف حولها
و الاجمل ان السلطة نفسها عارفة و بطنش طلاما في الاخر باقية و محدش بيشيلها
و الدين سلطة
و لا يفوق عشق المصريين للدين سوي عشقهم للتحايل عليه
عندما تتكلم عن الذين حاصروا منزلك حاول ان تتخيل هل سوف يحتاجون ان يحاصروه اصلا في السعودية
فكر شوية و جاوب
في مصر متطرفين و متشديين .. وسطيين و معتدلين .....متنورين و علمانيين.....و ملحدين ملهمش دين
الكل عايش ربما مش صافيين لبعض بس برده ماشية متعرفش اذاي
خلي بالك احنا بنتكلم في مصر المتراجعة الي صوت التشدد فيها عالي
مصر بتمر بدورات حبة فوق و حبة تحت
بس اي تحت مش هيخلينا نقطع ايد الناس و نرميهم بالطوب في الشوارع و مهما طالب المتخلفين

في مصر يمكنك ان تعيش بكامل الحرية لا تقرب مسجد او تصلي فرضا لا احد يراقبك او يخبط علي بيتك ليه مبتصليش بل و في اماكن معينة و في قلب القاهرة يمكنك ان تفطر علنا و جهرا في نهار رمضان
البهائي راح المحكمة لحد ما سابوا خانة الديانة فاضية
و المسيحي الي ارتد عن الاسلام راح المحكمة لحد ما رجعوه لدينة الاصلي و برضه هتفضل في مطالبات لحد ما هيشيلوا الجملة المتخلفة ديه
الصبر يا جماعة
ربنا الي يقدر يخلق بكن فيكون احتاج 6 ايام علشان يخلق الكون
فما بالكم بمصر الي يومها بسنة مما تعدون
و القوانين و الحريات عندنا مش هتظبط بين يوم و ليلة و من غير ما يحارب ناس و يقاوموا علشان تتحسن

في مصر لا تمنع اي نظرية من التدريس بحجة معارضتها للدين, ربما ينتقضها من يدرسها للطلبة و لكنها لا تمنع

في مصر تقدر تمشي ايديك في ايد الموزة بتاعتك و تقعدوا في مكان عام و ممكن تاخد منها فرنش كمان في كتير من الاماكن ديه
في السعودية من كام يوم الهيئة ماسكة اتنين في خلوة غير شرعية "بيشربوا كافيه تقريبا" في كوفي شوب
لو في مصر الكلام ده كان زمان 90 في المية من الشباب في السجن

و الله حتي رجال الدين,
في السعودية الليبرالين يحاولون فقط اعطاء النساء حق القيادة
بينما يجادل الاسلاميين في مصر في حق المرأة في منصب الوزير و القاضي و الرئيس (حاشي لله ان تمتد له عين رجل او امرأة) و بالمناسبة الاراء متفاوتة و منقسمة و لكن الدستور و القانون لا يمنع بل و بالفعل هناك وزيرة و قاضية
في الوقت الذي يظهر فيه امير سعودي علي قناة الجزيرة "اعتقد الامير طلال" بيطالب بس بتغير لون ثياب السيدات اي لون غير الاسود و لم يرفض النقاب
يخرج اساتذة في الازهر يقولون اصلا ان النقاب عادة و ليس عبادة و ليس له علاقة بالدين
في السعودية الحديث عن المواطنة نقلة نوعية
بينما في برنامج الاخوان المسلمين "رجعيين مصر" بيقروها حتي لو شوهوا معناها

السعودية تسير للامام و مصلحة الجميع ان تتطور لان هذا سوف يسهل علينا كثيرا ان نتخلص من التيارات المتزمتة لدينا لكن الحديث عن مصر تتحول إلي جمهورية ظلام هو امر بعيد
في النهاية براحة علي مصر حبة و بلاش مواقف حصلت ليك تخليك تشيل منها كده
في الاخر بلدنا و ملناش غيرها
اطيب تحياتي
[/quote]



:thumbup:

يسلم فمك يا مورجن :redrose:

Array
هاتقول لي دستور؟ عملت إيه بالدستور؟ وشكله إيه الدستور ده؟ دستور علماني؟ مصر آخر من تتكلم عن مصطلحات مثل الدستور والديموقراطية.. كل هذه واجهات شكلية للاستعراض.. ذكرتني بواحد صاحبنا، وهو أنا، كلما قرأت في القاموس كلمة affectionate لم أجد لها ترجمة دقيقة ولم أستوعبها وكل ما فهمته أنها تعني "ودود" إلى أن سافرت وعشت في أميركا وعبطتني أكتر من بنت وساعة العبط قالت لي إنها affectionate وفي الحالة دي فقط ولأول مرة في حياتي أستوعب مصطلح انكليزي بسيط فشلت القواميس في إيصاله لي إلى أن رأيته أمامي يترجم بشكل عملي.

نحن نحتاج لمن يرينا فعالية الدستور وفعالية الديموقراطية بشكل فعلي... بلد تصادر فيها الكتب هي آخر من تتكلم عن الدستور والديموقراطية...

عايز تضحك؟ فيه كتب محرمة في مصر وتم شحنها لي كـ هدايا من السعودية من أصدقاء عرفتهم من نادي الفكر! من قلب مملكة الظلام اللي بتتمسخروا عليها.
[/quote]

لا معلش ..

إنت داخل غلط بقضية خسرانة و بتجادل بأسلوب عقيم.

أنا مش هاقولك تاريخ مصر مع الديموقراطية من أيام عرابي و جمال الدين الأفغاني و قاسم أمين ..
عندنا برلمان من أيام الإنجليز و ديه دولة مالهاش دستور.

و إنت جاي بتقول هجايس و عملت ايه بالدستور و شكله ايه الدستور و البنت الأمريكانية اللي ظبطت معاها.

و إنت فاكر إن لو السعودية عملت دستور دلوقتي هيبقى زي دستور 23 مثلا ..
دي السعودية ديه لسه بدري عليها قوي عقبال ماتبقى دولة متخلفة.

ديه كيان بلا هوية ..
العلم و كانه علم الإسلام مش علم دولة ..
و الإسم كأنها عزبة مؤسسها, يعني لو البلد ديه كان ليها إسم كان المفروض يبقى "المملكة العربية" أو "الجمهورية العربية" ..
لأنهم العرب بينما نحن المصريين ..
مش السعودية و كأن الملك سعود هوه اللي أنجب الشعب كله.

قال كتب محرمة في مصر قال ..
ياعمي إنت هتهجس ؟
إنت عايز تقنعني إن في السعودية حرية أكتر من مصر ؟
مابلاش كلام عبيط أمال ..
إتكلم كويس يا إبراهيم عشان أسمع لك.
محسسني إنك سعودي و بتتكلم كلام عاطفي من باب الواجب.

لأنك مادام مش سعودي يبقى كلامك بلا معنى ..
مجرد إدعاء و تهجيس لانك اول واحد عارف إن كلامك هجس و كلام فارغ.

إنت بتعاند ليه ؟
لن تثبت أي حاجة بالإنتصار لقضية خسرانة.
إعقل كده و إستهدى بإلهك.

في كتابك المقدس بيقول : مبارك شعبي مصر
قاللكش السعودية .. قاللكش أمريكا :D
قاللك مصر .. يبقى تلم الدور بقا.

Array
مرحباً بك عزيزي مورجن. (f)
[/quote]
مرحبا بك عزيزي ابراهيم
(f)

واضح انك شايل و معبي

Array

كوننا كمصريين نزرع ونحصد لا يعفينا من إرثنا البدوي كمصريين. البدوية المقصودة هنا هي أعرابيتنا والنابعة من تكويننا السامي/ الرعوي/ البطريركي والذي أوضحته أعلاه في عقلية "كبير العيلة" و"شيخ البلد" إلخ.
والعرب في حضارة العرب الجنوبيين كانوا عرباً أقحاحاً ولكنهم صنعوا حضارة يشهد لها القاصي والداني وتجدها مذكورة في الأبحاث السامية لأفخم المستشرقين ويكفي أن تقول عبارة South Arabian Civilization في أي محفل أكاديمي في جامعة هارفارد مثلا.

[/quote]
لن ادخل معك في جدال حول الاصول حتي لا يتشعب النقاش, دعني افترض الصحة فيما تقول لنري إلي اين سوف ننتهي و اسمح لي ان اسألك,
هل مصر التي انتقلت مبكرا من المرحلة البدوية الرعوية لمرحلة الدولة المركزية المنظمة التي هذبت هذه البدوية و اسست حضارة لا يختلف احد علي ريادتها و مدنيتها لديها الان من ملامح البدوية اكثر من دولا حديثة التكوين لم تعرف مفهوم الدولة و الوطن إلا من عدة عقود؟؟


Array

الوضوح يفيدنا أحياناً عزيزي مورجن: هناك "تاريخ أجدادنا" وهناك "تاريخنا نحن" أنا وأنت؛ وهذا يقتضي عدم التغني بأمجاد الفراعنة وما عملوه ونحن لسنا لدينا شيء لنتعالى به على أشقائنا العرب بالمرة. تم توزيع الثروات في الإمارات بشكل جميل والنفوس راضية والإماراتي يقول إنه إماراتي ورأسه مرفوعة ولكن نحن في مصر بقايا بشر وحطام آمال ومستقبل وهم.

تحياتي لك.
[/quote]

الزميل انا لا نتعالي و قد ذكرت هذا في كلامي الاول و للجميع الاحترام
لكن عندما يكون لدي تاريخ اجدادي بهذه العظمة فلي حق التباهي به, اذهب إلي اي دولة سوف تجدها تنقب في كل شبر عن شئ تقول به ان لديها حضارة ضاربة في جذور التاريخ تفخر بها فلماذا تطالبنا نحن "و خاصة اننا نملك فعلا ما نفتخر به" الا نفعل ذلك.
و ماذا عن تاريخنا الحالي, في بقية مداخلتك ذكرت مصر الرائدة العشرينات و الثلاثينات و ماذا عن مصر بؤرة الاحداث في الخمسينات و الستينات و السبعينات
ماذا عن اول جامعة المنطقة و اول مؤسسة ابحاث و اول بنية اعلام, ماذا عن نفوذ ثقافي حتي مع تراجعة كثيرا لا يزال حاضرا
من افكار الأحياء الديني للنقد الديني للعلمانية و حرية التفكير سوف تجدنا دائما في بورة الاحداث, لسنا متفردين فالشام حاضر بقوة لكن بحكم حجم مصر و ثقل مصر فنحن البؤرة شئنا ام ابينا و مرة اخري دورنا في المنطقة ليس اختياري او تطوعي و كثيرا ما اتمني ان نتزحزح قليلا لكي "نشم نفسنا شوية"
اما اذا كنت تريد ان تقول تاريخ جيلنا اقصد في الثلاثين عاما الاخيرة فاسمح لي طلبك عجيب جدا
هل تطلب من الامريكان و الانجليز و الفرنسيين الا يمجدوا انتصارهم في الحرب العالمية الثانية لانه ليس من صنع الجيل الحالي

اما الامارات فدعني استفهم مرة اخري
هل تتحدث عن توزيع الثروة, هل انت جاد, الحديث عن توزيع ثروة في الخليج هو موضوع من الاساس مضحك, حالة الرغد و الرفاهية لا تعني علي الاطلاق ان هناك توزيعا عادلا للثروة فكمية الثروات البترولية مهولة و ما يذهب للمواطنين لا يقارن بما يذهب لجيوب الحكام
لكن هل تعلم عدد سكان الامارات و كم منهم امارتيين فعلا
و الاهم هل تخلص الامارتيين من العقلية البدوية التي تسيطر علي المصريين من وجهة نظرك, هل بمجرد ما تحسنت الحالة الاقتصادية في 30 سنة الاخيرة تخلصوا من بدويتهم, ارجو ان تسأل بعض الزملاء ممن يعيشون في الامارات لان ما اعرفه ان هناك حركة احياء وهابي في مساجد الامارات و لولا وجود نظام سياسي و اعداد كبيرة "اغلبية السكان" من الاجانب فلن تري صورة هذا المجتمع الحضاري المفتوح الذي تتميز به دبي خاصة "يمكنك ان تسأل عن الشارقة و الولايات الاخري".
يمكن ان تسأل الزملاء هل من الممكن ان يغير اي امارتي دينه او ان يبني المسيحين الموجودين بها كنائس ربما يفيدونا

اما ان تقول اننا في مصر بقايا بشر فواضح انك شايل بجد و حق حقيق, سهل عليك ان توزع المديح علي الجميع و تحتفظ بالاهانة لبلدك
بقايا البشر في مصر لسه معتزين بيها و مع كل مشاكلهم برده مش بيفرطوا في كرامة وطنهم
ذي اي بلد بيجي عليها نوبات سبات و بيتحد عليها حكام نايمين و تيارات متخلفة علشان تنحدر بس بعد كل نزول فيه طلوع و حبة حبة شمس المستقبل هتبان بس مش عايزين يأسين يحبطوا من امالنا


Array

المصري يتحايل على الدين؟! كان زمان والله يرحم أيام أخناتون و"فجر الضمير".

المصري حالياً هو أحد عبيد المؤسسة الدينية ويفكر بعقلية "العبيد الدينيين". جرب بس أن تحدث بنت محجبة من مصر وقارن بينها وبين بنت محجبة فلسطينية أو سورية ولاحظ الفرق الشاسع! فرق السما من الأرض.

المصري حالياً يستخدم الدين كـ كرباج ليجلد أخاه الإنسان وبالدين، وبالذوق والأدب غصبن عن اللي خلفوه وكله بالدين! عن أي تحايل تتحدث؟ ليتهم تحايلوا على الإله كما فعل العبرانيون أشقاء العرب وعندها لهان الخطب وخفت المصيبة وما نحن فيه كمصريين من بلوى.
كامل الحرية؟

لعلمك، حالة التدين الجماعية السائدة في مصر والتي تتجلى في تفشي الحجاب وتحبيذ النقاب هي فوضى هستيرية جماعية يحدثك عنها علماء الأنثروبولجيا بشكل ترى أنك فعلا تتعاطى مع شعب في معظمه يفكر بعقلية القطيع. واحد يقول باء وخمسائة واحد وراه راح يقولوا باااااااااااااااااء! وحدوه! مدد يا أم العواجز!

تحياتي لك.

[/quote]

ايام اخناتون انت لسه فاكر, لا التحايل علي الدين فن بيجري في دمنا,
عبيد المؤسسة الدينية كتير منهم شايفيين ان الشيوخ شيوخ فتة
مع كل الدروشة بس الاغلبية بتاخد الفتاوي لما تبقي علي مازجها
قعدت اتناقش مع واحد طلع عيني متشدد و حالة صعبة في مواضيع فوايد البنوك و بعد ما غلبني قال انا برضه حاطط فلوسي في البنوك العادية و كتير هتلاقي حاجات ذي ديه, هبفضل يقول حرام و مش ينفع و دي كلها ذنوب بس كل سنة و انت طيب
مصر فيها 80 مليون مفتي مش عايز اقول ليك ان المسحيين بيفتوا كمان
تسمع عن رمضان
عايزك تخرج بعد التراويح و تشوف مصر في شهر الصيام
حتي الشاب الي طالع من صلاة التراويح رايح علي القهوة او الكافيه كل حسب امكانياته و البعض علي الخيم الرمضانية و الفنادق
انزل شوف الكافيهات عمرانة و الشيش داير ما يدور
عايزك تقعد تشوف الشباب بيتناقش في ايه
في دروشة اه بس الدروشة ادب ذيها ذي الصياعة بالضبط
امال بنشتكي من التشدد ليه, علشان في متشددين فعلا صوتهم بيعلي علي قصة او كتاب او احداث معينة و العالم المدروشة بتاخدهم الجلالة و حبة منظرة و يعيش في درو
يطنطوا في الجامعة و يجي يقرا قرآن مثلا قبل ما الدكتور يدخل و يديك درس ديني و لما تقول يعم خف عن دماغنا احنا مش في جامع تلاقي الي يقول ليك و ايه المشكلة لما يدينا درس ديني و يعمل فينا ثواب و نفس الي بيتكلم حاطط سماعة الموبيل و مشغل الfm
تيجي تناقش نظرية التطور يقولك انت مسلم اذاي و كلام عن الاعجاز العلمي الي مش يعرف عنه غير من النقاشات و الله ما قراه حتي
ده غير كام بق عن عمر خالد علي خالد الجندي و محمد حسان
يعني البلد فيها كده و فيها كده
المشكلة ان العاديين بيسيبوا التانين يركبوهم طلاما الموضوع كلام لكن في الاخر برده بيعمله الي هما عايزينه و طبعا المتشددين عايزين يبانوا جامدين و مسيطرين و يكتموا امثالنا بس إن غدا لناظره قريب

اما الكلام مع بنت محجبة في مصر, فيا خبر ابيض,
انا لو كتبت ليك كلامي مع المحجبات هحتاج موضوع من مية صفحة
اغلبية البنات محجبات و برضه لازم نتكلم معاهم هنعمل ايه
ايه مش عجبك في بنات مصر المحجبات
بص اتكلم معاهم في اي حاجة غير الدين و الموضوع هيمشي
يعني من الافلام و الاغاني لحد الاورجازم
كونك وقعت فكام شيخة ديه مش مشكلتي
انزل في الميرلاند و لا حديقة الازهر و شوف كام بنت لبسة خمار في حضن ولاد
هتقول لي التفتح العقلي هقولك فتح عقك معايا
في التفتح العقلي ديه طبقة معينة و مش اقصد طبقة اقتصادية اقصد نسبة من البنات و الموضوع ملهوش علاقة لا بحجاب و لا مايوه

Array

هناك شيء إسمه "نقد ذاتي" وباعتباري مصري أنقد ذاتي وموطني وأتمنى له أن يكون في سباق الأمم تماماً كما كانت مصر في الثلاثينات والأربعينات قبل أن تتحول إلى مزبلة سباخ.

[/quote]

النقد الذاتي واجب علينا من غير ما نسئ لبلدنا
اتكلم بس من غير مزبلة و سباخ و بقايا بشر
في مشاكل محدش بينكر لكن المهم اسلوب العرض
الي بتعملة هي عملية جلد ذاتي و انتقام مش نقد ابدا
و برده مش رديت عليا
تفتكر في السعودية و خلينا نزيد الامارات كانوا هيحتاجوا لمحاصرة بيتك؟؟؟؟

اطيب تحياتي

Array
الصبر يا جماعة
__________
ربنا يدينا ويديك يا مورجان طولت العمر
وتقبّل التحية :redrose:
[/quote]

يسمع من بقك ربنا و نلم حولنا اولادنا و احفادنا و نقول ليهم ان زمان كان فيه خانة في البطاقة اسمها خانة الديانة
و نحكي علي الحالة الوحشة الي احنا فيها و هما ما يبقوش مصدقين
قول يا رب
:97:

Array
:thumbup:

يسلم فمك يا مورجن :redrose:
[/quote]

بعض مما عندكم
:redrose:

هناك عدة تيمات سائدة عند إبراهيم من ضمنهم تصوير مصر علي إنها بؤرة ومركز التخلف مع فعل العكس مع دول كمملكة الظلام! مع تحبيش الخلطة بكام حكاية شخصية.
بصراحة, لايسعني أن أقول سوي إن اللي ميشوفش من الغربال يبقي أعمي وأعتقد أن منبع هذا الشعور أسباب إقتصادية بحتة لاعلاقة لها بمايجري علي أرض الواقع.