(09-29-2012, 07:35 PM)Reef Diab كتب:  نوارنا الغالي : رح اكتبها باللغة المحكية
شيلنا من شي اسمو جيش حر ... لابدنا جيش وطني أفكح ولامعارضة عرجاء ولا حكواتية للعلاك المصدي .. ولا أبواق نظام ولانعامات رقص ودلع .... خلينا نشوف مشاكل هلبلد أحسن.
عنا 2.5 مليون بيت للمعارض والمؤيد ... انمسحو مسح ... لكككك والله قصة ماصارت بالتاريخ لسا
عنا ناس مامعها حق رغيف وبصلة
عنا امهات شهداء ماعم تنام
عنا لاجئات عم يتحرشوا الكلاب فيهن
عنا شي بدو ماننام ليل نهار ونحنا بالورشات
آآآآآآآآآآآآآآآآآآآآآآآآخ شو عنا يا نوار آآآآآآخ
تحياتي للجميع

طيب شو طالع بالأيد و شوفينا نعمل ؟؟؟ هات لشوف .

بعدين بدي اسألك لو ضرب سوريا زلزال بقوة 7 درجات على مقياس ريختر شو كنا عملنا ... و لا افرض لو صارت حرب مع اسرائيل و جارلنا ما جرى للضاحية و الجنوب اللبناني كمان شو كنا متعمل .

كنا حنلطم مثلاً .

هي ضربية الحرية و الكرامة و مافي شي بيجي ببلاش .

إذا عندك حل يحققلنا مطالبنا بالعيش كبني آدميين بس لا تبخل علينا فيه.

مع الأسف انت و جعفر ماعندكم غير التنظير و هلئ اتنقلنا لمرحل اللطم و البكاء و العويل و الرثاء .... عطونا شي حل . شي واقعي لأنو اللطم و النحيب ما بجيب نتيجة .

الواقع مبكي فعلاً و ببصم على كلامكم فيه ... بس شو الحل أو شو فينا نعمل .؟

الأخ العزيز نوار الربيع : حديث عاقل من أخ محترم وعاقل
أن سوريا لكل السوريين.. لبدء حوار بين الجميع .... فلتكن هدفنا في حوارنا....
صراحتك وصدقك يدفعني للقول : لاتسقط نظاماً وتأتي بمثله .... عار عليك إذا فعلت عظيم.
انا لا أفهم تحت أى مسمى يحدث هذا التكسير والدمار داخل البيت السوري؟، ولا أعرف تحت أى مسمى يكمن هؤلاء الذين يرتكبون هذا الفعل بنشوة وانبساط ؟، هل هؤلاء أفراد من الشعب السورى الذى يحمل على كتفيه تاريح حضارة طويل ؟، لايهمنى تحت أى طائفه ينتمون ( سنى او علوى أو درزى أو مسيحى ) وتابع للحر أو غير الحر، ان من يقوم بالفعل هو أولا وأخيرا مواطن سورى وهذه ممتلكات مواطن سورى لاعلاقة لها من بعيد أو قريب بما يحدث غير أنها دليل على أن القلوب عند فئة تحمل ضغينة لفئة أخرى وترغب بالحاق كل الخسائر بها كنوع من التشفى بشكل شخصى..
اقسم بالله ان العدو الاسرائيلى مافعل ذلك بممتلكات مواطن خلال الحرب ولا حتى الامريكان..
هذا ليس مانشيت ... هذا واقع للأسف ... أفصله لكم بما يلي :
- عندما كان الحل السياسي ممكناً تجاهلت كل دول العالم ذلك ... وكذلك حصل بالحسم العسكري، بقيت الدماء تراق ..
الحديث طويل ومرير ياأخى وكل مانتمناه عودة سوريا للسوريين... ولتكن يد السوري بيد أخيه ..هداك الله للم الشعث سبيلا.
لي عودة ..
ومحبتى

هل السلام من جنيف 2؟