ردود أفعال بعض الأعضاء هنا ذكرتني بقصة للإعلامي زاهي وهبة مع الفائزة ببرنامج سوبر ستار ،،، الأردنية / ديانا كرزون

بداية أنا لست من هواة قراءة المجلات التي على شاكلة سيدتي وروتانا ... الخ ، ولست معجبا بصوت ديانا كرزون ، لكني وبالصدفة وعندما كنت جلسا في احدى عيادات طبيب الاسنان حيث الملل القاتل ، تناولت وقرأت في إحدى هذه المجلات النسائية و وقع عيني على مقال للإعلامي المعروف زاهي وهبة ، كان فيه غاضبا اشد الغضب من ديانا كرزون والسبب هو أن هذه الاخيرة في احد مقابلاتها الصحفية وعندما سألوها عن رأيها ببيروت أسبغت عليها وعلى اهلها كل صفات الثناء والمديح والتملق لكن في النهاية ختمت كلامها بأن بيروت زحمة شوية وهذه الخطيئة لم تغفرها لها كل كلامها السابق عن بيروت والبيروتيين ، وجعلت زاهي وهبي مثل بعض الزملاء هنا يخرج عن صوابه ويهاجم ديانا كرزون وصوتها ويتهمها أنها اساءت ادب الضيافة وان بيروت احسن مدينة في العالم واللي بيجيب سيرتها بالعاطل راح نمسح فيه الارض و ويلك يا اللي تعادينا يا ويلك ويل.

الشام والقاهرة وعمان وبيروت مدن زبالة زبالة الزبالة ايضا ، وكلها عايزة هدم واعادة بناء من جديد لأنها مدن بؤس وعشوائية بناء وتدكس عمراني وسكاني قبيح وغياب اي مساحات فارغة وحدائق للاطفال والعائلات واختناقات مرورية وانعدام تخطيط وضجيج سيارات والسواقة فيها عملية صراع متوحش Dogs-Fighting بين السواقين ، واللي مش عاجبه وعايز يتعنطز ويدفن راسه بالرمل وبفكر انو الناس عايزة تعايروا من منطلق الانتصار للذات فهو حر ،،، لكن نصيحتي له ان كان ميسورا ان يسافر إلى مدن اوروبا الشرقية ويتجول فيها ليتأكد هل نحن نعيش في خم جاج او عشة فراخ ، أو في مدن حديثة

فرج حسن - جريدة الأهرام - مصر

Alahram newspaper - Egypt

ح تتزبط ، بس بنحبها :109:

مع بعض التحفظ على كلام ثندر (وتخصيصا) في كلامه عن مصر أؤيده .


مصر الآن
أقول لها
يا طاردة أبنائك الكبار
وقاتلة الصغار
ومُطْعمة النصابين
ومرقية الجبناء
وملاذ للوصوليين
الكل ينهش على قدر أسنانه وساعده فيك
ألا فلتقم قيامتك
وتنقضي من حولك
وتخلقي من جديد
بسواعد نقية طاهرة خالية من كل غرض إلا حبك
كعبة أنت لكنهم كفار ومنافقون
لماذا تمنحيهم الحياة
لماذا تُبكي الضعفاء بساحتك
قاهرة قادرة وأم حنون

أحب مصر وأبغض 99 و9 من عشره من أهلها كبغضي لنفسي

هنا القاهرة
http://elaghani.com/AliEl7aggar/hona-elqahera.mp3



هنا القاهرة الساحرة الآسِرة الهادرة الساهرة الساترة السافرة

هنا القاهرة الزاهرة العاطرة الشاعرة النيّرة الخيّرة الطاهرة

هنا القاهرة الساخرة القادرة الصابرة المنذرة الثائرة الظافرة


صدى الهمس في الزحمة و الشوشرة

أسى الوحدة في اللمة و النتورة

هنا الحب و الكدب و المنظرة

نشا الغش في الوش و الإفترا

هنا القرش و الرش و القش و السمسرة

هنا الحب و الحق و الرحمة و المغفرة


و انا ف قلب دوامتك الدايرة بينا

بصرّخ بحبّك يا أجمل مدينة

يا ضحكة حزينة .. يا طايشة و رزينة

بحبّك و اعفّر جبيني في ترابك

و اعيش في رحابِك و أقف جنب بابك

جنايني أروي بالدم وردة شبابك

يا زينة جنينة حياتنا اللعينة

بحبّك يا بنت اللذين

بحبّك

بحبّك

بحبّك

بحبّك

من وحي إحدى الجميلات

الاغنية جميلة جداً يا عامر،لاقيتها فين دى؟
:thumbup:
بالمناسبة حد يعرف سبب تسميتها ب"القاهرة"؟
<_<

Array الاغنية جميلة جداً يا عامر،لاقيتها فين دي؟ [/quote]
وحده بنت حلال لقيتني مدايق ومخنوق كالعاده
قامت بعتلي الأغنيه ديه
عجبتني
فقلت ندور عليها ونسمعها للناس يمكن تعجبهم
نهارك سعيد يا ليلى(f)

Array


هنا القاهرة الساحرة الآسِرة الهادرة الساهرة الساترة السافرة

هنا القاهرة الزاهرة العاطرة الشاعرة النيّرة الخيّرة الطاهرة

هنا القاهرة الساخرة القادرة الصابرة المنذرة الثائرة الظافرة
[/quote]


انا بقه ياعم عامر كنت كاتب قصيده اسمها برضو هنا القاهره , ولكنها تختلف فى المعنى تماما عن هذا المطروح..

اكتبلك منها شطرين ..........

----------

هنا القاهره .. هنا القاهره

هنا البلد اللى حكمه هيبقى بالتوريث

هنا النفاق .. هنا الرياء.. هنا التدليس

هنا اللى مش ممكن تلاقى اى فاشل عنده دم او حسيس

هنا القاهره .. هنا القاهره

هنا الشعب اللى مربوط فى الساقيه زى الطور

ومش طالب من الدنيا غير انه يعيش مستور

لا عايز يبقى عز ولا ساويرس ولا غبور

هنا القاهره .. هنا القاهره.

---------------

انشالله تكون عجبتك.

Array
أحب مصر وأبغض 99 و9 من عشره من أهلها كبغضي لنفسي
[/quote]

إذا كانت مصر = المصريين و هو ما أعتقده ..
فكلامك يعني أنك تحب مصر كمكان جامد و خالي من الحياة ..

لكن أنا كنت عاوز أقول حاجة ..
الفكرة إن إحنا إتعلمنا نحب مصر علشان هي أفضل و أجمل بلد في العالم ..
لما كبرنا و قدرنا نفهم و نميز إن مصر لا هي أجمل و لا أفضل بلد في العالم
إعتقدنا إن حب مصر : المكان و الزمان و الناس هو عبث.

أنا كفرت بالحب كله في وقت من الأوقات و كفرت بالوطنية و بمصر ..
لكن دلوقتي قدرت أوصل لفكر أحسن ..
حين احب فتاة أراها جميلة و رائعة فليس هذا لانها أجمل أو أفضل فتاة في العالم.
الحب مشاعر شخصية غير موضوعية بلا معنى و لا تحتاج لأسباب.

أنا لا أحب ابي لأنه أغنى من بيل جيتس أو أوسم من براد بيت أو أذكى من أينشتين.
كما إنني لا أحب نفسي أنا و ذاتي أنا لانني الأغنى أو الأوسم أو الأذكى ..

التقييم يجب أن يكون موضوعيا لكن المشاعر يجب أن تكون لاموضوعية و بلا معنى .. تلك هي طبيعتها.
إنها الخبرة الشخصية و التجارب الحياتية ..
أمي كانت تحيا بجواري و في داخلي و في شخصيتي زمانا كبيرا ..
بجمالها و قبحها و ذكاءها و غباءها و فرحها و حزنها ..
ربما تكون ليست جميلة كملكات الجمال أو نجمات السنيما ..
لكن مشاعري ناحيتها و مشاعرها ناحيتي لها قيمة و لها ثمن.
ربما تكون جوليا روبرتس أخف دما و لكنها لا تعرفني مثل أمي و لا تحبني مثل أمي ..

بل إن الأم تيريزا ربما تكون أطيب و أحن و لكنني لم أختبرها و لم أعش معها عمري و لا أجد لي ذكريات الطفولة معها.

ما أريد قوله إن حب الناس و حب المكان و حب الوطن لا يقيم موضوعيا ..
نحن لا نحب الجمال لذاته بل نحب الجمال لنا ..
و لا نحب الطيبة و الحنية لذاتها بل نحبها من أجل أنفسنا ..

يعني إذا كان المصريين يعانون من الفقر و الجهل و المرض في مجموعهم ..
فنحن قد نجد مصري قد نجح في التخلص من إثنين او ثلاثة من اهذة اللعنات.

ثم إن الحب يضع نظارة وردية فعلا على العيون ..
موقف واحد جميل من إنسان واحد لا تعرفه قد يجعل المرء يتفاءل خيرا ..
يعني مثلا : مصري عاطل عن العمل و يبحث عن شغلانة كويسة لغاية ما حفي.
لازم تلاقيه يسب و يلعن دين ام البلد الوسخة اللي بتعلم ولادها و ترميهم ..
لكن فجأة هيلاقي شغل و ممكن يكون شغل كويس و مربح و مهم ..
كل الكلام ده هيختفي و ممكن يبص للشباب اللي زيه و يضحك ..

الحكاية بس إن إحنا نبعد عن الأسباب الخيالية و الأوهام الخرافية عشان هيا اللي جايبانا لورا ..
مصر مش أم الدنيا و مصر مش أجمل بلد في العالم و مش بلد متقدمة و مش بلد غنية.
لأننا كأفراد لسنا أسياد العالم و علماؤه و لا أقوى بشر و لا أغنى و أجمل ناس.
لكننا نحب فيها حضورنا فيها و مشيتنا على أرضها و ذكرياتنا اللي عشناها هنا ..
نحب فيها أنفسنا و نكره فيها أنفسنا.
يعني أنا مش شايفها أحسن بلد و لا المصريين احسن ناس ..
لكن ما علاقة هذا بالحب و الكراهية ؟
ما علاقة هذا بالتفاؤل و التشاؤم ؟
ما علاقة هذا بالحزن و السعادة ؟
إحنا اللي بإيدينا نقدر نسعد أنفسنا و اللي حوالينا و ولادنا من بعدنا ..
و إحنا اللي بإيدينا نقدر نتعس أنفسنا و اللي حوالينا و ولادنا من بعدنا.
لو مصر هيا المكان يبقى إحنا نقدر نزرع غيطان و جناين و نبني المدن و نلون على الحيطان و ننصب التماثيل اللي بتمجد المصري الصمود المكافح.
و لو مصر هيا الناس يبقى لو كل واحد قدر يسعد نفسه و يساعدها بالإضافة لخمسة فقط حواليه بيحبهم هتبقى الدنيا أحسن.

مصر = نحن و نا و إحنا و كلنا
نحبها كلما شعرنا بالترابط و بإحترامنا للرابطة اللي بتربطنا كلنا مع بعض : المكان
و نكرهها كلما قرأنا في الصحف عما يحدث في أقسام البوليس أو عن حادثة فساد أو بطالة الشباب.
نكرهها لاننا نشعر أن لا أحد يحترم المكان الذي نحيا فيه و لا أحد يحب أخيه الذي يعيش معه في المكان ..
نكرهها لان الكل كافر بمصر و كافر بالمكان و كافر بالحب و كافر بالتعاطف و كافر بالمارد النائم في قلب و نفس كل مصري و مصرية.

صحيح مصر بلد نامي و نظامها ديكتاتوري و ثقافتها بدائية و إقتصادها ضعيف و نص ولادها جهلة مش متعلمين و النص التاني مشكوك فيهم.
لكن بكره تبقى أحسن ..
و بكره كل واحد فينا يبقى أحسن ..
و بكره العيشة تبقى أحسن ..

بكره هيحلوا أزمة العيش و الإقتصاد المصري هيتعاظم و كل الناس هتلاقي شغل ..
بكره مصر هتبقى ديموقراطية و كل المصريين هيبقوا أحرار و فخورين ..
بكره مصر تتقدم و ولادها كلهم يبقوا متعلمين تعليم عالي و دخلهم يزيد ..
بكره الشوارع تنضف و الزبالة تختفي و العماير تعلى و الجناين تكتر و الهوا ينضف و المية تبقى مسكرة.

In Egypt We Trust : كل ود :wr:

لكننا نحب فيها حضورنا فيها و مشيتنا على أرضها و ذكرياتنا اللي عشناها هنا ..
نحب فيها أنفسنا و نكره فيها أنفسنا.

:thumbup: