العزيز بيوتيفيل ميند(f)
فعلا أنا أعتبر نفسي عربي وده ليه سبب منطقي وهو أني أتكلم العربية بس أنا ليس لي أي مشكلة مع هذا الإنتماء وبعتز بيه
بالنسبة لموضوع الدين فأنا ملحد ولا أفضل دين علي أخر وبداخلي قناعة أن الدين شر محض وكل ماأحاول ألطف من كلامي بالنسبة للدين وأعتبر أن كل دين له جانب مضئ وجانب مظلم علشان المركب تمشي ومندبحش في بعض الكلام برضه ميعجبش الذين أمنوا زي ماحصل مع الزميل ميراج فأندم علي تقديم هذا التنازل وترجع ريما -اللي هو أنا ـ لعادتها القديمة في التلطيش في الفريقين
أنت رابط في دماغك بين العربية كلغة وبين الإسلام وده اللي عاملك مشكلة معاها بس أحب أفكرك إن كثيرين من القوميين العرب ينتموا لأصول مسيحية كقسطنطين زريق وميشيل عفلق -طبعا عارف ردك إن دول كلاب بعثيين وكل الموال ده بس فعلا الناس دي ليس لها ذنب في إن مجموعة مجرمين كحافظ الأسد وصدام حسين فعلوا مافعلوه بإسمهم -
عزيزي بيوتيفل ميند
أنت كتير جدا بتكرر حكاية بدو ورعاع وحفاة والكلام ده كله وهقولك حاجة بسيطة جدا تعرف بيها غلطتك
جرب روح قول هذا الكلام في هذا المنتدي
http://www.iidb.org/vbb/index.php?
وهو منتدي معظم من فيه ملحدين من أصول مسيحية وأمريكان وطبعا غني عن الشرح شعور الأمريكان ناحية العرب بعد أحداث سبتمبر بس أراهنك إن كلامك سيحذف من هناك وستمنع من المنتدي لأن مفيش مكان محترم يسمح لأحد بإهانة جماعة من الناس بهذا الشكل
أنا علي سبيل المثال لاأحب التعامل مع السود في أمريكا ولا أسكن في أحياءهم بس الفرق بيني وبين شخص أمريكي عنصري إني متفهم الدافع وراء تصرفات السود والظلم والإضطهاد الذي تعرضوا له و عندما أتحدث عنهم أتحدث بإحترام في حين أن الشخص العنصري ينظر لهم علي أنهم في مرتبة أقل منه إنسانيا
طبعا هاتقولي ماأنت يانيوترال ملك البذاءة وطولة اللسان أقولك أنا بشتم شخصيات عامة وليس شعوب ونادرا ماتعديت علي عضو بالسب المباشر وعلشان كده عرفت أسلك ومخدش إنذارات غير تحذيرات ودية من إبن العرب:D
أنا إعتراضي الأساسي كان علي موضوع اللغة وقد ذكرت لك ساطع الحصري في تعريفه للأمة كدليل علي كلامي ولكنك لم ترد علي هذه النقطة
هقولك موضوع طريف بالنسبة للغة توضح قد إيه أهمية اللغة الأم وتداخلها مع مشاعرنا وإنفعالتنا
أنا في أمريكا لما حد يشتمني بالإنجليزي - والحقيقة ده بيحصل كتير;) لأني بسوق داخل مانهاتن والسواقة هناك زي مصر تماما ـ ولا كأن اللي قدامي قال حاجة بالرغم من إني فاهم تماما معني الشتيمة ولكن بحس إنهم شوية عيال فرافير من بتوع مامي وبابي وهما عمالين يشتموا بالهبل بتاعهم زي fuck you son of a bitch وساعات بقعد أضحك ولما أجي أرد عليهم بشتمهم بالعربي وده ليه فايدتين
أولا لما بشتم بالعربي بحس إني فشيت غلي فعلا غير لما أجي أشتم بالإنجليزي وثانيا لأن اللي قدامي مبيبقاش فاهم أنا بقول إيه فالمشكلة مبتكبرش وكل واحد بيروح لحاله
اللغة مش بنطلون هنغيره ونجيب واحد بداله وبعدين وجود لغة رسمية زي حالة مصر ليس إلا إقرار بأمر واقع فأنا مسمعتش حد بيتكلم أي لغة في الشارع غير عربي ووجود لغة رسمية لايمنع من تعلم اللغات الأخري وبعدين ياعزيزي العالم كله بيتجمع ويتكتل وأنت عايزنا نتفكك أكتر ماإحنا مفككين
أنا قومي عربي بس مش علي طريقة صدام ولا الأسد ولا حتي عبد الناصر وبعدين لو تركت المشاعر جانبا وبصيت للموضوع من زاوية المصلحة فكل دولة عربية لوحدها بما فيهم مصر عبارة عن كيان ضعيف غير مكتفي بذاته ويسهل إبتلاعه ولكن وحدتهم ممكن أن تجعل منهم قوة عظمي ومش هقولك خطر أمريكا ولا الكلام ده إحنا جنبنا وحش صاعد إسمه الهند عمالتهم مغرقة دول الخليج بشكل يخل بالتركيبة السكانية ومسلحين نوويا و الكثير منهم مهووس دينيا وكاره للعرب ولو أتيحت لهم الفرصة سيبتلعونا فيجب علينا إننا نبص لقدام
حالة الضعف التي يعاني منها العرب الأن لها أسباب كثيرة والرابط الوحيد الذي يجمعنا كلنا الأن هو رابط اللغة وتمزيقه يعني النهاية لنا جميعا
لا أجد تعارض علي وجه الإطلاق بين العلمانية وبين إستخدام العربية كلغة
المشكلة مش في اللغة في حد ذاتها ولكن في ضيق أفق مستخدميها لقلة الوعي وتدهور مستوي التعليم
علي العموم إختلاف الرأي لايفسد للود قضية
تحياتي القلبية(f)
بحث
قائمة الأعضاء
التقويم
وثائق المساعدة
