الزميلة مني كريم(f)

كان نفسي أنا في أب من بتوع البيان الشيوعي دول بس مفيش نصيب

طيب بذمتك بودلير يعرف يكتب حتتين بالسمنة البلدي زي اللي أنا كاتبهم دول:what:

بودلير الأفيون بوظ دماغه وكان الله يرحمه بيهرتل في أخر أيامه لغاية لما المزة اللي معاه جابت أجله إنما نيوترال لسه بخيره :9:

إعلام الريالة ـ السينما والتلفزيون وأشياء أخري

طول عمري بحب السيما علي رأي الفيلم وكان جنبنا سينما إسمها مودرن كنت بدخلها كتير لمشاهدة الأفلام وفي نفس الوقت علشان أشرب سجاير في الضلمة من غير ماحد يشوفني بس الحقيقة كنت دايما مدرك للفرق بين ماأراه علي الشاشة والواقع وكنت فاكر إن الأخرين كذلك ولم أكن أعرف مدي تأثير الأفلام علي الناس حتي مررت بتجربة أثبتت لي بما لا يدع مجالا للشك عكس ذلك

كان في سينما درجة تالتة في أول شبرا إسمها دوللي وكنت في إعدادي ومعدي جنبها وكان من ضمن البروجرام فيلم للمعتوه بروس لي ولسوء حظي كانت الحفلة خلصت والناس خارجة ولقيتلك واحد إبن مره شرموطة عنده حوالي عشرين سنة خارج من جوه وعمال يعمل حركات كاراتيه ويزعق وإبن العرص لقاني عيل صغير راح طاير في الهوا وضاربني برجله في صدري وطبعا أنا وقعت علي الأرض ورحت باصصله لقيت الحيوان بيستعد وعايز يكمل الفيلم معايا وطبعا نظرا لتفاوت القوة بيني وبينه لميت الدور ورحت ماشي وأنا بسب الدين لبروس لي والبهايم اللي بيتفرجوا عليه وتأكدت بنفسي من تأثير الهباب ده علي الناس

الحقيقة من ضمن الأشياء التي غسلت دماغ الشعب المصري هي الأفلام وكان دايما في تيمه في الأفلام المصرية تتكرر بشكل دائم وهي تمجيد الفقر حيث تجد الرجل الغني دائما شرير وأناني ومجرم ولا أخلاقي ولاهم له في الحياة سوي التفريق بين الحبيبين و كان سراج منير وزكي رستم بيسترزقوا من الموضوع ده كما أن الرجل الفقير دائما أخلاقي وطيب ومضحي والعيبه متطلعش من بقه وطبعا حسين رياض وعبد الوارت عسر -علي فكرة عبد الوارث عسر خريج التوفيقية زيي بس أنا كنت سابقه بدفعتين - كانوا عايشين من ورا الموضوع ده وكأنهم بقولوا للناس إن الفقر شئ كويس وبلاش جشع وعين فارغة

لو إستعرضنا بعض الأفلام المهمة في تاريخ السينما المصرية سنجد هذا الموضوع وكأمثلة سأتكلم عن بداية ونهاية - القاهرة 30 ـ رد قلبي ـ الأيدي الناعمة ـ الأرض -

في بداية ونهاية يتحول طموح حسنين إلي شر علي يد عم نجيب وتابعه صلاح أبو سيف وينتهي الفيلم بمشهد مأساوي بإنتحار عمر الشريف بعد القبض علي أخته في بيت للدعارة وطلبه منها أن تنتحر رغم أن مافعلته كان بسبب طموحه

في القاهرة 30 طموح محجوب عبد الدايم يجعل منه معرصا علي مراته لصالح الباشا الغني الشرير وينتهي الفيلم بالفقير الثوري النظيف وهو يجري في شوارع القاهرة يوزع منشورات بينما تطارده طلقات البوليس

في الأيدي الناعمة نجد البرنس المتعجرف الذي ضاعت ثروته وتزوجت بنته من ميكانيكي يرفض مساعدة البروليتاريا له ولكن البروليتاريا الرحيمة تلقنه درسا في الأدب والأخلاق لغاية لما أتعدل وبقت ريحته وحشة زيهم

في رد قلبي ـ بصراحة مش عارف أقول إيه ولا إيه فالفيلم عبارة عن بروباجاندا من النوع المقرف لعبد الناصر وكل من هو غني في الفيلم فهو شرير طبعا ماعدا إنجي وذلك لأنها كانت علي علاقة بعلي إبن الريس عبد الواحد فتم تعميدها في نهر الفقر وخلاصها من أدران الغني

في فيلم الأرض - تجد الباشا لاهم له إلا سرقة أرض الفلاحين لعمل طريق يوصل الي سرايته ويتصدي له محمد أبو سويلم هو والذين معه أشداء علي الأغنياء رحماء بينهم

هذا طبعا بالإضافة إلي الأفلام الكوميدية التي تصور البطل وهو يدعك المصباح السحري أو خاتم سليمان فيظهر له الجني ويطلب منه أن يكون غني وعندما يحدث ذلك تتحول حياته إلي جحيم بسبب المال

الحقيقة كنت طول عمري ببص للأفلام القديمة علي إنها كلها أفلام كوميدية ومكنتش حاطط في بالي ولكن في منتصف الثمانينات ظهرت مجموعة من راسبي الثانوية العامة ولم يكن أمامهم خيار سوي الإلتحاق بمعهد السينما أو معهد القطن ففضلوا الأول والبعده أفتكروا نفسهم مثقفين ومبدعين وكان علي رأس تلك الشلة عاطف الطيب ومحمد خان وخيري بشارة ومعظمهم عبارة عن يساريين فشلة وبما أنهم مبدعين فقد أتخذت عملية تمجيد الفقر عندهم أفاق جدبدة بالإضافة طبعا إلي الوفاء لتراث الرعيل الأول من الفقريين

عم عاطف الطيب راجل طيب وبيحب الفقر والفقرا وأفلامه كان أهمها سواق الأتوبيس - كتيبة الإعدام ـ الهروب ـ ليلة ساخنة وبعد كده ربنا أفتكره بس الحقيقة فيلم سواق الأتوبيس عمل ضجة أول مانزل وعم عاطف بقي حديث المثقفين الفقريين

عم عاطف في هذه الأفلام عنده تيمه ثابتة بيلعب عليها وهي شخصية البطل الذي كان مجندا في حرب 73 ويعود من الجبهة ليجد البلد بيعت لنجوم الإنفتاح

في فيلم سواق الأتوبيس يبدأ الفيلم بنشال يقفز من شباك الأتوبيس بينما عم نور الشريف السواق ينظر إليه بلا مبالاة وينتهي الفيلم كما بدأ مع تغيير طفيف وهو إن عم نور عاد له الوعي ونزل يجري ورا النشال في الشارع وضربه علقة موت وهو يصرخ قائلا ياولاد الكلب علي أنغام موسيقي نشيد وطني في الخلفية وبين تلك الحادثين تدور أحداث الفيلم وهو عبارة عن سواق أتوبيس كان مجندافي حرب73 يواجه مشكلة أن ورشة النجارة بتاعة أبوه ستباع في المزاد بسبب ضرائب متراكمة ويحاول أن يلجأ إلي أزواج إخوته البنات الإنفتاحيين الجدد فيرفضوا مساعدته ولكن يقف بجانبه زملاءه في الكفاح المسلح ومنهم واحد مسيحي لزوم الوحدة الوطنية وعند نجاحه في الحصول علي المبلغ المطلوب يتوفي الأب ويستيقظ وعي عم نور وتوته توته خلصت الحدوته حلوة ولا ملتوتة

كثير من النقاد وعلي رأسهم الأقرع طارق الشناوي بتاع روز اليوسف قالوا إن الحدوتة حلوة وطبعا بعد إستخدام كلام كبير زي الحبكة الدرامية والبناء الدرامي والبطل الإغريقي والذروة وبناء الشخوص والإسقاط السياسي والواقعية الجديدة ومصر الجديدة والمهندسين

طبعا هتقولوا طيب وأنت زعلان ليه يانيوترال:what:

هقولكم أنا زعلان ليه:cool:
فيلم سواق الأتوبيس في حقيقته هو نفس الأفلام القديمة وتمجيدها للفقر بس بنكهة مختلفة شوية ولكن تظل الروح الفقرية كما هي فعم نور شخص فاشل مراته حبت تساعده وراحت تتعلملها كلمتين إنجليزي علشان تلاقي شغلانة كويسة وتقدر تساعده وترفع مستوي معيشتهم وطبعا لإن الإنجليزي لغة الإنفتاحيين والإمبريالية العالمية وعم نور راجل فقري وميحبش الحال المايل راح ضربها ومطلقها وطبعا عالم بالتفكير ده لازم يكونوا بهابم ومبيفهموش في البزنس ووضع طبيعي إنهم يخسروا الورشة وطبعا لأن جواز إخواته عالم صاحية ومفتحة وفاهمة بزنس يعني إيه رفضوا مساعدة هذا الفاشل وعرضوا عليه حلول أخري ولكن لأنه غبي رفض وطبعا كالعادة تم تصويرهم بالصورة النمطية للإنفتاحيين الجدد التي تخصص فيها وحيد سيف وراح عم نور ملموم علي شوية صيع زيه علشان يساعدوه

طيب هاقولكم حاجة تانية
إدي فكرة الفيلم ده لمخرج أمريكي وشوفوا هيعملها إزاي:?:

مع المخرج الأمريكي هتلاقي عم نور بيشجع مراته إنها تتعلم إنجليزي بل ويذهب هو الأخر معها لتعلم الإنجليزية وهيروح يعمل deal مع بزنس مان ناجح علشان ينقذ الورشة والتاكسي بتاعه شوية وهيبقي ميكروباس رمسيس العاشر وشوية يبقي أسطول نقل ولما حد من صحابه الفقريين يتصل بيه يقول لمراته قوليلهم مش موجود ولا مات يعني خلاصة الموضوع إنه كشخص متفائل ومؤمن بقدرة الإنسان علي تغيير ظروفه نظرته ستكون مختلفة تماما عن نظرة عم عاطف مدمن الفشل والهزيمة وطبعا هو حر لكن المشكلة في غسيل الدماغ للبهايم اللي بتشوف البلاوي دي ومتصورين إن عم عاطف مبدع وطليعي


في فيلم كتيبة الإعدام نجد شخصية مجند سابق في حرب 73 يتهم بإختلاس مرتبات الجيش أثناء حصار السويس وقتل عدد من زملاءه ويدخل السجن ويخرج ليجد الكل متنكر ليه ويحاول إثبات براءته ويجد أن بنت سيد الغريب الذي أتهم بقتله تحاول قتله أخذا بثأر أبيها مع التركيز علي صورة لسيد الغريب وهو يصافح عبد الناصر وينتهي الفيلم بحفلة إعدام جماعي لرجل أعمال ناجح ونكتشف أنه الفاعل الرئيسى لكل الجرائم ويتم ذلك علي خلفية موسيقية لأغنية وطنية ياحلوة يابلدنا يانيل سلسبيل

في فيلم الهروب نجد أحمد زكي مجند سابق في حرب 73 يدخل السجن بسبب تلفيق تهمة له بواسطة رجل أعمال ناجح ويخرج ليقتله في الفراش بجانب زوجته ويتحول بالتدريج إلي serial killerوكأن عم عاطف إبن القحبة حالف يمين طلاق إنه يموت رجل أعمال في كل فيلم له

يستكمل فيما بعد

عاطف الطيب ابن قحبة!! ولازم يقتل رجل أعمال في كل فيلم له؟؟ ده اللي فهمته من فيلم الهروب؟؟ :?:

فيلم سواق الأتوبيس هو تكرار كلاسيكي للأفلام المصرية القديمة؟؟! وليلة ساخنة والهروب مش عارفة مالهم!!


آه.. نسيت تتمسخر شوي على فيلم البرئ والحب فوق هضبة الهرم وناجي العلي بالمرة.. شفتهم؟؟

أفلام عبيطه أوي!! أنصحك ماتشوفهاش!! مايستاهلوش وقتك الثمين.. خليك مع فيلم يوم الإستقلال وستارجيت والأفلام الحلوة دي!!

أما الراجل الأهبل ده, فبيتكلم عن حاجات تافهة كدا ودمها تقيل.. معلش.. اصله -عاطف الطيب-راجل غاوي نكد.. هو مات بدري من قليل!!
ماهو من كتر النكد اللي نكده عالناس بغباوته وبأفكاره الرجعية يا "متقدم*" انت!!

أما فيلم "الأيدي الناعمة" و"رد كلبي" هم من أهم الأفلام المصرية!!


واااااااااااااو... واعي انت وفاهم اللي كل الناقدين والمثقفين (الهبل) مافهموهوش.. قادر على قراءة الأفلام بنظرة نقدية نافذة للعمك..




لن أقضي يومي في التعليق على التفاهات التي تفوهت بها في حق مخرج من أجمل مخرجي مصر وأصدقهم ومن رواد مدرسة الواقعية الجديدة التي بالطبع لا ولن تفهم عن علاقتها بالتطورات المجتمعية في مصر منذ بداية السبعينات وعن النقلة النوعية التي أحدثتها هذه الأفلام في السينما المصرية شيئاً.. فأنت بتحليلك "العميك" لأعماله الفنية أثبت عملياً أنك تستحق لقب ناقد سينمائي برتبة "جاهل" مع سبق الإصرار والترصد!!



أكمل موضوعك نيوترال.. أخرج لنا كل مافي جعبتك من غضب وكفر بكل الأشياء..
أستعجب حقاً, كيف تستطيع الحياة بعيون لا ترى سوى القبح..








*طبعاً ماينفعش أقول تقدمي عشان دي شتيمة اليومين دول :what:

الزميلة العزيزة روزا(f)

أنا بقول رأي شخصي لي في هؤلاء الناس وهكذا أراهم
وهل يجب علي أن أري القبح وأقول عنه إنه شئ جميل:?:
للأسف نعم رد قلبي والأيدي الناعمة من أهم الأفلام المصرية القديمة
هو كان فيه إيه زمان غير أنور وجدي وإسماعيل ياسين وعبطه

أنا ذكرت لماذا أنا ضدهم ولماذا هم مجرد إمتداد للرعيل الأول من الفقريين

عندك فيلم سواق الأتوبيس
تم تحويل طموح ميرفت أمين إلي تمرد شرير وطبعا سبع البرمبة رزعها بالقلم وطلقها و أنتي ليس لك إعتراض علي هذا:what:

كل غني هو شرير ولا إنساني وكل فقير هو بطل وأخلاقي
التيمه دي مش هتلقيها في مجرد فيلم ولا إتنين دي في كل حتة
بصي لمسلسلات التلفزيون وكيف يقدموا شخصية رجل الأعمال

بصي لمسلسل زي ليالي الحلمية بتاع عم أسامة بهايم

زينهم السماحي بلطجي جاهل يصبح بطل شعبي
ممدوح عبد العليم - يساري حالم يفوق بعد هزيمة67 ويتحول إلي رجل أعمال ولازم يبقي فاسد
شريف منير ـ فاشل يصبح موظفا بدرجة وكيل نيابة وطبعا هو كان صديق ممدوح عبد العليم ولكن الحمد لله ربنا ستر ومبقاش رجل أعمال زيه
يحيي الفخراني وباقي شلة رجال الأعمال - مجموعة من الإنتهازيين والمرتزقة مورهمش حاجة غير النسوان

المعلم بسه وتابعه النص - حثالة يعملوا بجمع السبارس يصبحوا رجال أعمال في عهد السادات


طيب ياروزا سأسألك سؤال أخر

شفتي فين فيلم أو تمثيلية تعاملت مع شخصية رجل الأعمال أو الشخص الغني بموضوعية ومش هقولك بإيجابية
عمرك شفتي فيلم عن طلعت حرب
هل تعلمي أن مؤسسات كجامعة القاهرة أنشأها أغنياء تبرعا

رأيي في السينما المصرية أنها جزء من منظومة التخلف التي نحياها رغم أنها من المفترض أن تأخذ دور طليعي في المجتمع

عندك فيلم الحب فوق هضبة الهرم
نفس الفشل
شخص خريج جامعة بقي موظف ملهوش لزمة وهايج جنسيا وطبعا تم إظهار السباك نجاح الموجي بصورة الهمجي المتخلف اللي البلية لعبت معاه في حين تم تصوير أحمد زكي بالضحية

السباك فعلا يستحق أن يكون معه فلوس لأنه يقوم بعمل مفيد ولم يسرق أحدا والمجتمع يحتاجه
الموظف لا يستحق حتي الهواء الذي يتنفسه ومع ذلك دائم الشكوي من ظلم المجتمع له وكأن من المفروض أن يعمل السباك طول اليوم ثم يعطي ماحصل عليه من فلوس للموظف المطحون ليستمتع بها

أفلامي المصرية المفضلة
الموميا ـ شادي عبد السلام
مواطن ومخبر وحرامي - داوود عبد السيد

وبس


هتقولولي فين أفلام يوسف شاهين
أقولك راح اللي راح معدش فاضل كتير
كنت وأنا مراهق وعايز أعمل نفسي مثقف بتفرج عليه لكن الواحد كبر وعقل وعرف إن عم يوسف راخر فاتورة ونصاب

وبعدين لعلمك أنا قاعد في أمريكا بقالي كذا سنة عمري مادخلت سينما هناك ولا عمري شفت باتمان ولا ملك الخواتم ولا معظم الأفلام الأمريكية

اقتباس:أستعجب حقاً, كيف تستطيع الحياة بعيون لا ترى سوى القبح..

غيرصحيح
هو أنا ياأمشي مع الموجة وأقعد أقول طليعي وواقعية جديدة وواقعية مستعملة يابلاش
وبعدين يكفيني جمال إسمك لأراه لغاية لما أنزل مصر وأقابلك لأري الجمال الحقيقي
طبعا هتردي بغلاسة وتقولي مش عايزة أشوف وشك ـ------ ماشي ياعسل


براحتك(f)

مساء الخير عليكم ...
في الحقيقة انا عجبنى جدا موضوع الاخ نيوترال لكنى لاحظت ان الموضوع في الكثير من عبق التاريخ ، يعنى لطفي الخولى تاريخ قديم اوى ، و مقر حزب التجمع الحمد لله ادهن من كام شهر:D

---
لذلك و كنوع من المواكبة الحديثة اسمحوا لى انا احاول اكمال مسيرة العم (( طبيعى )) في محاولة بسيطة منى لسرد تجربتى الخاصة التى تمتد من عام 2001 و حتى الان مع المثقفين المصريين

----------
.. كقروى ساذج بهرته اضواء المدينة قدمت للقاهرة في اول سنوات الجامعية بعد سنوات من البهدلة و المشورة في بلاد اللة .. بصراحة كنت مشبع بما يكفي من الكتب و الروايات و المجلات و الافلام اللى بوظت مخ الواحد ..
المهم طبعا كنت عايش في شقة لوحدى حيث الاهل بعيد عن القاهرة و في اول اسبوع للمدينة اعددت العدة و قررت انا اكون مثقفا رسميا.
طيب..
تعمل ايه ياواد يا نوجه ؟؟
تعمل ايه يا واد يا نوجة ؟؟
طبعا تنزل وسط البلد ، ما هو مش معقولة هاخد الجنسية من مصر الجديدة مثلا ، المهم طبعا الواحد مكنش عارف اى حاجة في البلد و ماشى تايه لكن بعون (( ستروس - دى حدوتة طويلة اوى هحكى لكم عليها بعدين )) و صلت لوسط البلد و لقيت مقهى ريش
المهم ، دخلت مقهى ريش و قعدت ابص حولي المهم لقيت صور لاسماعيل ياسين و توفيق الدقن و عبد المنعم ابراهيم جنب صور لنجيب سرور و امل دنقل .. طبعا العبد لله مش مترجم اى حاجة .. لانى حسب الثقافه اللى اعرفها مفيش علاقة بين اسماعيل ياسين و نجيب سرور .
المهم يا اخوى
قعدت ادور حولى يمين و شمال على اى مثقف من اللى قرأت عنهم ابص .. الاقي كل اللى حولى سياح و ناس شعرهم اصفر و ازرق .. قلت جاهز ياد يانوجة غلط في العنوان (( بس ازاى و فيه زجاجات خمرة فاضيه اهى و ناس بتشرب بيرة و شوية كتب عند الراجل اللى قاعد على الكاشير ))
... و بعدين مر الوقت و الواحد مش لاقي حد من المثقفين و الواحد قاعد لوحده و مش لاقي حد يقعد معاه ، و كانت لسه بقي جاى من بره و ابيض و نظيف كدا ..
المهم لقيت واحد طخين شوية و ابيض الشعر و لابس بنطلون بنى بحملات و ماشى زى ما يكون عنده التصاق في الفخذين و جه قعد جنبي بعد ما رمى السلام .. لقيته بيقول لى حضرتك :
- مستنى حد ؟؟
قلت له :
-لا .. انا بس جاى اقعد شوية اصل المكان عاجبنى
لقيت فشخ بقه في فرحة حقيقة و قال لى :
انا *** صاحب المكان دا
المهم قعد يجر كلام معايا ، و يحكى لى ازاى ان شهدى نجيب سرور جه هنا و ضحك عليه و ان شهدى خد منها (( الكسميات - كان بينطق الكلمة دى كأنة بيرجع )) اللى كان مسجلها على شريط كاسيت و انه يحرام مش لاقي الكسميات ..
المهم انا قلت : خلاص
تبقي باضت لك في القفص ياد يا نوجة
و لقيت واحد مثقف ، المهم قلت له ان التسجيلات موجودة على النت و انى ممكن اجيبه له
لقيت فشخ بقه .. و مد ايده حطها على ايدى بدون داعى خالص و قال لى :
- اكون ممنون لك جدا و لو جبتها هديك بورتريه نجيب سرور هدية
انا طبعا استكنيست اوى و قلت خالص ياد بقيت مثقف كبير ماشاء الله .. بكر تكتب مقالات في الجرايد و اسمك ينور زى اللمض النيون و هو مشوار المليون يبدأ بكسميات
قلت له :
-حلاص دى سهلة اوى انا هجيب لحضرتك الكسميات على CD بكرة هنا بالليل ..
هنا مسك ايدى بطريقة خليت الفار يلعب في عبي
و قال لى :
- طيب مادمت فاضى كدا ما تعدى على في البيت احسن

طبعا لانى قضيت فترة طويلة اوى في دول الخليج ففهمت على طول الكابتن ، نظرا لان الواحد كان عايش في مستنقع من اشباهة .. المهم طبعاقلت له انا لازم امشى دلوقت و بكرة هجيب لك الاسطوانة
و طبعا هووووب بح ..

بعد كدا بصراحة اخدت انطباع وحش اوى عن وسط البلد .. و قلت لنفسي اكيد التحولات الرأسمالية في منتصف السبعينات بوظت الرفاق على الاخر .. الواحد احسن يتلم شوية و يعيش حياة طبيعية خصوصا انى في احدى الجامعات الخاصة حيث تزدهر و تنمو الحياة الطبيعية بمعدلات مرتفعة

تشاء الاقدر بعض كدا انى اتعرف على واحد من الشباب خريجى فنون جميلة .. طبعا انا ماصدقت لقيت الواد و لزقت له زى البنطلون الاستريتش ..المهم في يوم نزلت انا و صاحبي دا و رحنا و سط البلد علشان زى ما قال لى يومها نقابل مجموعة من المثقفين و الفنانين اصحابة
طيب هنقابلهم فين ياعم
في قهوة (( افتر ايت ))

قريبا الجزء الثانى

أنت من زباين الأفتر إيت

هلوا ياحبايب:lol:

بعد ماتخلص خش بقي علي الأوديون


(f)

اقتباس:  neutral   كتب/كتبت  
أنت من زباين الأفتر إيت

هلوا ياحبايب:lol:

بعد ماتخلص خش بقي علي الأوديون


(f)

يامساء دوري الطاولة و"الإستميشن" :lol:

المهم إني شفت الموضوع وقرأته بالكامل وموت علي روحي من الضحك بعد قراءة مقتطفات الشعر مابعد الحداثي به.

شكرا ياماجن علي إحضار هذا الموضوع من القبر.

Array
المهم إني شفت الموضوع وقرأته بالكامل وموت علي روحي من الضحك بعد قراءة مقتطفات الشعر مابعد الحداثي به.

شكرا ياماجن علي إحضار هذا الموضوع من القبر.
[/quote]
نتتلمذ على يديك يا صاح
الا قل لي مش جاي مصر على عيد الاضحى او راس السنة؟ :duh: