(09-23-2010, 09:11 AM)-ليلى- كتب:  رد صادم اتماكا
طيب عايزنا نهتف ضد مبارك نقول له ايه؟
لو سمحت امشى من فضلك انت و ابنك و رجال الاعمال المش كويسين اللى بيسرقوا البلد
لو مافيش عند حضرتك مانع يعنى؟

لا . نعمل تجمعات ونعطل السير وهو متعطل اصلا ونكسر فى عربيات الناس ونهدد الامن العام ونؤذى الشيوخ والاطفال عشان مظاهرة عبيطة لا هتقدم ولا هتأخر وشوية شباب زبالة موراهمش اشغال يكسروا الدنيا ويقفوا حالها !! انا مش قصدى على الغاية انا قصدى على الوسيلة او طريقة التظاهر . انا شفت المظاهرة وشرحتها زى ما شفتها فهناك انعدام وعى كبير جدا والشباب بيستهبلوا فى قلب القاهرة ومفيش اى جديد هل هذه هى الطريقة التى ستجعل حسنى مبارك يحرك ساكنا او يلتفت اليهم ؟؟ بلاش هل هذا ما تعلمناه من ديننا ؟؟؟ المفروض اننا دولة حضارية ضخمة وطريقة عرض وجهة نظرنا تكون افضل من كده ، الشباب كانوا بيطلعوا فوق عربيات الناس وبعضهم ماسك عصيان وبيتظهروا قدام مبنى الاذاعة والتليفزيون عشان هناك فيه كاميرا معلقة ثابتة بتصور الاحداث اليومية وبتصور الكورنيش والصور دى بتعرض كصورة حضارية لمصر ، مش عارف ليه احنا دايما عاملين زى ابو العريف اللى هدم البيت وكسر الزير ودبح الجاموسة ههههه .

اقتباس:اتماكاااا
انت عايش فين؟
اوروبا ايه اللى بتقارننا بيها فى المظارهات ؟
اطالبك بانك تعمل بحث صغير على مظاهرات فى اوروبا و إزاى بتتنظم و ايه بيتقال فيها و تشوف فرق المعامله من الامن و حريه التعبير للشعب
زائد طريقة الانتخابات و مدى "شفافيتها" و "نزاهاتها"

يعنى الحكومة هتخاف مثلا من الواد اللى شايل البنت وهتعمل انتخابات نزيهة خوفا ورعبا من ابن الناس الجامدين ؟؟؟
وبعدين اى شغب لازم يبقى رد فعله زى ما بتشوفى من رجال الامن حتى فى ارقى الدول لان التجمعات ديه بتحصل فيها بلاوى وسرقات إلخ إلخ . وكنت لسه شايف على البى بى سى تظاهرة كبيرة اعتقد فى تركيا وكان مصير المتظاهرين الركل فى النهاية .
وبعدين ايه علاقة ده بده ؟؟؟ هو انا لما انزل من بيتى واشيل واحدة بنت على كتفى ونقعد نصوت سوا ونرسم بتاعة فيها شتايم على حسنى مبارك او غيره هل ده سيغير شيئا ؟؟؟؟؟ او يعنى الشباب بتتظاهر كمسيرة منظمة او مثلا اعلانات رسومية تعبر عما فى داخلهم ولاتوجد اية اعمال شغب ومع ذلك الامن بيضربهم وبيكسر عظامهم ؟ ياليلى البلد فيها قلة وعى كبير جدا والغلط مش من طرف واحد ، لما مواطن ينزل من بيته يلاقى عربيته متكسره هيشتم فى حسنى مبارك ولا فى الشباب اللى بيمشوا على عربيات الناس بدل الارض وياريتها بفايدة كلها صرخات حادة وحماس بدون وعى وحب للظهور ..

اقتباس:لا . نعمل تجمعات ونعطل السير وهو متعطل اصلا ونكسر فى عربيات الناس ونهدد الامن العام ونؤذى الشيوخ والاطفال عشان مظاهرة عبيطة لا هتقدم ولا هتأخر وشوية شباب زبالة موراهمش اشغال يكسروا الدنيا ويقفوا حالها !! انا مش قصدى على الغاية انا قصدى على الوسيلة او طريقة التظاهر . انا شفت المظاهرة وشرحتها زى ما شفتها فهناك انعدام وعى كبير جدا والشباب بيستهبلوا فى قلب القاهرة ومفيش اى جديد هل هذه هى الطريقة التى ستجعل حسنى مبارك يحرك ساكنا او يلتفت اليهم ؟؟ بلاش هل هذا ما تعلمناه من ديننا ؟؟؟ المفروض اننا دولة حضارية ضخمة وطريقة عرض وجهة نظرنا تكون افضل من كده ، الشباب كانوا بيطلعوا فوق عربيات الناس وبعضهم ماسك عصيان وبيتظهروا قدام مبنى الاذاعة والتليفزيون عشان هناك فيه كاميرا معلقة ثابتة بتصور الاحداث اليومية وبتصور الكورنيش والصور دى بتعرض كصورة حضارية لمصر ، مش عارف ليه احنا دايما عاملين زى ابو العريف اللى هدم البيت وكسر الزير ودبح الجاموسة ههههه .

اتماكا المظاهرة ما كانتش عبيطه
و فى اعداد كتيره اتمنعت من المشاركة
و غير الاخوان اللى كالعادة تخلفوا عن المشاركة رغم انهم اتفقوا على حضورها
معاك حق فى ان مفيش تنظيم و مفيش ثقافة التظاهر بشكل حضارى
سيبك من مفروض اننا دولة حضارية ضخمة
كفايانا اوهام و تماحيك فى الماضى
مصر لا بقيت دوله حضارية ولا اى حاجه
المصرى تم مسخ شخصيته باسلوب ممنهج و مدروس من 28 سنة
و لازالت العمليه قائمة على قدم و ساق
و اعتقد آن الآوان ان الحكومة دى تغور فى داهية
حكومة ما تعرفش غير التزوير و النهب و السرقة و الفساد و المحسوبية
متوقع يبقا الرد عليها إزاى؟
و الهتافات ما ينفعش تكون مختلفه
بالعكس دى فى الصميم
و حسنى مبارك مش هيتشال غير بالقوة
مش هيجى بالطبطبة و المعارضة
اللى اصلا لا هى معارضة ولا بتاع
كلها مصالح

اقتباس:يعنى الحكومة هتخاف مثلا من الواد اللى شايل البنت وهتعمل انتخابات نزيهة خوفا ورعبا من ابن الناس الجامدين ؟؟؟
وبعدين اى شغب لازم يبقى رد فعله زى ما بتشوفى من رجال الامن حتى فى ارقى الدول لان التجمعات ديه بتحصل فيها بلاوى وسرقات إلخ إلخ . وكنت لسه شايف على البى بى سى تظاهرة كبيرة اعتقد فى تركيا وكان مصير المتظاهرين الركل فى النهاية .
وبعدين ايه علاقة ده بده ؟؟؟ هو انا لما انزل من بيتى واشيل واحدة بنت على كتفى ونقعد نصوت سوا ونرسم بتاعة فيها شتايم على حسنى مبارك او غيره هل ده سيغير شيئا ؟؟؟؟؟ او يعنى الشباب بتتظاهر كمسيرة منظمة او مثلا اعلانات رسومية تعبر عما فى داخلهم ولاتوجد اية اعمال شغب ومع ذلك الامن بيضربهم وبيكسر عظامهم ؟ ياليلى البلد فيها قلة وعى كبير جدا والغلط مش من طرف واحد ، لما مواطن ينزل من بيته يلاقى عربيته متكسره هيشتم فى حسنى مبارك ولا فى الشباب اللى بيمشوا على عربيات الناس بدل الارض وياريتها بفايدة كلها صرخات حادة وحماس بدون وعى وحب للظهور ..

بنت ايه اللى بتتكلم عنها؟

اقتباس:اتماكا المظاهرة ما كانتش عبيطه
و فى اعداد كتيره اتمنعت من المشاركة
و غير الاخوان اللى كالعادة تخلفوا عن المشاركة رغم انهم اتفقوا على حضورها

والفايدة ؟؟ فيه مادة فى القانون بتقول من حق المواطن التظاهر والشغب بدون فائدة ؟؟
انا برضو شايف ان المسالة متعلقة بالوعى عامة ومادام مفيش وعى مش هيبقى فيه حاجة ، فاكرة مشروع توشكى اللى كنا كل يوم الصبح نسمع برنامج صباح الخير ياتوشكى وتفائلنا خير فى المجالات الزراعية والصناعية وفى الاخر اكتشفنا ان المنهج غلط وحتى هندسة المياه اللى هى اسهل حاجة معمولة غلط والمهندسيين مصريين والمشروع باظ ومبقناش نسمع لاتوشكى ولاتشكى ..

اقتباس:سيبك من مفروض اننا دولة حضارية ضخمة
كفايانا اوهام و تماحيك فى الماضى
مصر لا بقيت دوله حضارية ولا اى حاجه
المصرى تم مسخ شخصيته باسلوب ممنهج و مدروس من 28 سنة

دى نظرية قطقط بتاعت اولاد المدارس ههههه.
لا ما سبنيش مع احترامى احنا مش دولة زى جنوب افريقيا او ساحل العاج احنا دولة لها شأنها العام والخاص ولها مظهرها الحضارى القوى ولازم ابنائها يدركون ذلك وزى ما فى تعليم فى المدارس لازم يبقى فيه تعليم جماهيرى وزيادة للوعى افضل من ذلك . الناس موتورة جدا دينيا واخلاقيا واجتماعيا والسيكلوجيات ليست مرنة ومسايرة للعصر اصبحنا دولة غير مدركة لنفسها ومكانها الجغرافى ولايد ابنائها والناس اصبحت تعلق كل الشماعات اللى ربنا خلقها على الحكومة والدولة ووو وهذا اراه خاطئا , دولة زى الصين شغالة تقريبا بسواعد ابنائها ووعى الدولة وسياستها بيتحول فورا لوعى جماهيرى تطبقه الناس فى حياتها اليومية .

اقتباس:حكومة ما تعرفش غير التزوير و النهب و السرقة و الفساد و المحسوبية
متوقع يبقا الرد عليها إزاى؟
و الهتافات ما ينفعش تكون مختلفه
بالعكس دى فى الصميم
و حسنى مبارك مش هيتشال غير بالقوة
مش هيجى بالطبطبة و المعارضة
اللى اصلا لا هى معارضة ولا بتاع
كلها مصالح

سبحان الله وايه ذنب العسكرى اللى فى الشارع وايه ذنب المنشآت العامة انها تدمر بسبب شوية عيال ، والانتخابات على الابواب كما اننى لا اعتقد بان الحكومة القادمة او الرئيس القادم سيكون افضل حالا من مبارك ، بالعكس توقعاتى ان الناس ستتباكى على الايام التى كان موجود فيها مبارك كما يتباكون الان على ايام السادات .

اقتباس:بنت ايه اللى بتتكلم عنها؟

ههههه.
ده مجرد مثال وممكن تلاحظيه فى الصور التى وضعتيها وقصدت به ان المظاهرات كلها تحرشات وتجمعات وشغب وضرب وحرق .. ثم ماذا ؟ الله يرحم اخناتون .

استعنا على الشقا بالله
ربنا يستر

اقتباس:والفايدة ؟؟ فيه مادة فى القانون بتقول من حق المواطن التظاهر والشغب بدون فائدة ؟؟
انا برضو شايف ان المسالة متعلقة بالوعى عامة ومادام مفيش وعى مش هيبقى فيه حاجة ، فاكرة مشروع توشكى اللى كنا كل يوم الصبح نسمع برنامج صباح الخير ياتوشكى وتفائلنا خير فى المجالات الزراعية والصناعية وفى الاخر اكتشفنا ان المنهج غلط وحتى هندسة المياه اللى هى اسهل حاجة معمولة غلط والمهندسيين مصريين والمشروع باظ ومبقناش نسمع لاتوشكى ولاتشكى ..

حلوه حكايه مادة بتقول من حق المواطن التظاهر بدون فايدة
ههههههههههههههههههههههههههههههههههه
يعنى ايه؟
اولاً ايوه فى مادة بتقول ان لنا حق التظاهر
و دى اتقالت لى فى الوقفة التانية من ظابط بنفسه
قال لى خدوا تصريح و اعملوا مظاهره
بس ماقاليش حكايه انها لازم تبقا ناجحه دى
سؤال معلش
هو كل مظاهره بتتعمل فى العالم بتجيب نتيجه ؟
حرام عليك اتماكا بالزمة دا كلام؟
مشروع توشكى كان كله نصباية كبيرة و علشان كدا باظ بسبب الفساد اللى حصل فيه
اتفرج انهارده الساعه 11 على برنامج مانشيت على اون تى فى
هيستضيف الكاتبه سكينة فؤاد و هتتكلم عن مشروع القمح اللى قامت الحكومة المبجلة بالعمل على افساده
هتعرف غذا كان فى عقول شغاله فى مصر ولا لاء
و مين المسؤول عن خراب البلد
الحكومة بتاعتنا تخصصت فى شىء واحد
هو انها تحط المسؤول الغلط فى المكان الغلط علشان تخرب

اقتباس:دى نظرية قطقط بتاعت اولاد المدارس ههههه.
لا ما سبنيش مع احترامى احنا مش دولة زى جنوب افريقيا او ساحل العاج احنا دولة لها شأنها العام والخاص ولها مظهرها الحضارى القوى ولازم ابنائها يدركون ذلك وزى ما فى تعليم فى المدارس لازم يبقى فيه تعليم جماهيرى وزيادة للوعى افضل من ذلك . الناس موتورة جدا دينيا واخلاقيا واجتماعيا والسيكلوجيات ليست مرنة ومسايرة للعصر اصبحنا دولة غير مدركة لنفسها ومكانها الجغرافى ولايد ابنائها والناس اصبحت تعلق كل الشماعات اللى ربنا خلقها على الحكومة والدولة ووو وهذا اراه خاطئا , دولة زى الصين شغالة تقريبا بسواعد ابنائها ووعى الدولة وسياستها بيتحول فورا لوعى جماهيرى تطبقه الناس فى حياتها اليومية .

ايوه احنا بلد"كان" لها حضارتها بس مش هنفضل نقول مصر الحضارة و مصر البتنجان
دلوقتى لا عندنا حضارة ولا حتى بتنجان
دا احنا العن من كل الدول اللى قلت عليها
حتى الهند سبقتنا
احنا بلا ادنى تأثير دلوقتى دولياً غير مظهرياً
دول حوض النيل طلعت لنا لسانها و معتبرانا لا قيمه لنا و احنا حاطين مناخيرنا فى السما و عمالين نقول احنا مصر محدش يقدر يقرب منها
بلا خيبة
ما خلاص كل اللى عايز يعمل فينا مصيبه بيعملها و حكومتنا بس فالحه فى الشعارات الفارغة
و لما جات الطوبة فى المعطوبه و فاقوا ابتدوا يجروا ناعم مع دول حوض النيل
حكومة ما شاء الله ذكية و مدبرة و قوية
مين اللى عمل فينا كدا؟
الشعب ولا الحكومة؟
الناس مش لاقيه تاكل و تقول لها ماتتوتريش
صعب شوية
مين اللى نهب البلد و طلع فلوسها و هرب بيها بره
مين اللى مسؤول عن الفساد اللى بيحصل فى البلد
التزواج اللى حصل بين السلطة و المال ودانا فى داهية
فساد فى كل شىء
اكياس دم فاسده
قطرات محروقه
عبارات غرقانه
شباب بيهاجر بره علشان يلاقى لقمة العيش بيكون مصيره الغرق
ازمة مايه و كهرابا و غاز
حتى المتخلف اللى بيقول انه مسقف مش عارف يحافظ على المتاحف و يشوف شغله كويس
لما اعلى الهرم يكون فاسد كل اللى تحته هيبقا فاسد
و دا ما يعفيش الناس على فكره من المسؤولية
لكن الفساد جاى من فوق خاااااااالص
لو المسؤول بيحاسب و يتابع و يباشر عمله و عماله كويس محدش هيقدر يقول بم
لكن طول ما المسؤول همه الكرسى و همه جيبه يبقا دفيان يبقا طظ فى كل حاجه و الكل بايظ بايظ

اقتباس:سبحان الله وايه ذنب العسكرى اللى فى الشارع وايه ذنب المنشآت العامة انها تدمر بسبب شوية عيال ، والانتخابات على الابواب كما اننى لا اعتقد بان الحكومة القادمة او الرئيس القادم سيكون افضل حالا من مبارك ، بالعكس توقعاتى ان الناس ستتباكى على الايام التى كان موجود فيها مبارك كما يتباكون الان على ايام السادات .

ذنب العسكرى انه كان اداة للظالم فى ظلمه
التدمير دا شىء مرفوض لكن الحكومة نفسها بتستخدم سلاح البلطجه لما تحب
انزل اى مظاهره و شوف مين اللى بيضرب الناس
بلطجية مأجورين من الحكومة
تحب اجيب لك صور و فيديوهات؟
ولا شفتها قبل كدا؟
مين قال ان اللى جاى اوحش؟
لو اللى جاى هيجى بدون تغيير الدستور و بالطريقة القديمة و التزوير
طبعا هيبقا العن و انيل
لكن لو حصل انتخابات حقيقية فدا دليل ان بكره افضل و احسن
يغور بس مبارك فى داهية و لن نتباكى سيدى الكريم
و ياخد معاه كل الحاشية اللى عايزه الحرق
و مصر هتعمر اكيد
كلامك ان مفيش فايده فى بكره هو دا نتاج زرع مبارك فى نفوس الناس
اللى ماشافوش غيره فى حياتهم كلها
دا حتى شىء ممل هههههههههههههههه

اقتباس: ثم ماذا ؟ الله يرحم اخناتون .

ماله اخناتون؟

أحفاد أحمد عرابى الرائعون

http://www.shorouknews.com/Columns/colum...?id=300512

حلوة اللقطة.. شباب معظمهم فى العشرينات من العمر يخرجون بشكل متحضر للغاية متوجهين إلى قصر عابدين ورأس التين على طريقة جدهم أحمد عرابى رافعين شعار «لن نورث بعد اليوم». إذن هناك أمل فى مصر أخرى غير تلك المنكوبة بمن أفقروها وأصابوها بالعجز والهرم المبكر، المنهوبة من هؤلاء المغامرين المحترفين، المسلوبة بواسطة هؤلاء المدججين بالثروة، الذين تزوجوا من السلطة فانفتحت أمامهم ممالك النفوذ والسيطرة على البلاد والعباد.

غير صحيح إذن أن شبابنا منقطع الصلة بهموم بلده وقضاياه الحقيقية، وثبت أن نظريات العجائز المعلبة عن أن الأجيال الجديدة لا تشارك فى الهم العام هى نظريات هشة ومهترئة.

هؤلاء فتية وفتيات آمنوا ببلدهم وعرفوا تاريخه واستلهموا أنصع ما فيه ورفعوا أصواتهم بمطالبهم وأحلامهم.. مشهد خروج هؤلاء يدعو للفخر وليس إلى تجييش الآلاف المؤلفة من الهراوات والعصى المكهربة وصفوف البطش الأعمى.

ماذا كان سيحدث لو قابلت قوات الأمن التحضر بتحضر وتركت الوقفة السلمية تتم دونما اشتباكات واعتداءات واعتقالات واحتجازات للعشرات؟

ولأن الشىء بالشىء يذكر فإنك لابد ستقارن بين ما جرى فى عابدين إحياء لذكرى الزعيم أحمد عرابى، وبين ما وقع فى شارع البطل أحمد عبد العزيز بالمهندسين فى التوقيت ذاته تقريبا.. القصة كما رواها موقع «اليوم السابع» أن حشودا هائلة من شباب الألتراس الزمالكاوى والأهلاوى اشتبكوا فى أحد أكبر وأخطر شوارع القاهرة مستخدمين قنابل المولوتوف والأسلحة البيضاء فتكسرت واجهات وأحرقت سيارات نقل عام، بمنتهى الحرية وفى ظل مساحة شاسعة من التسهيلات الأمنية لكى يحظى المخربون بأوقات تخريب وترويع هادئة، إذ لم تهرع قوات الأمن إلى المكان ولم تتدخل تاركة المواطنين والسيارات العابرة عرضة للحرق والإصابة.

لن نضيف جديدا لو قلنا إن مظاهرة أو وقفة ينظمها خمسة أنفار تشم فيها الأجهزة رائحة سياسة خفيفة، هى كفيلة بتحريك المدرعات والمجنزرات والحشود الغفيرة من الأفراد المسلحين لحصارها وإخمادها وتلقين منظميها طريحة معتبرة من الضرب والإهانة.

وفى المقابل يمكن لأى مجموعة من البلطجية أن يهبطوا على أى حى، ويمارسوا الإرهاب والترويع على الجميع دون أن تقول لهم الشرطة «بم» وإن حضرت يكون ذلك متأخرا جدا.

ولا ريب أنك تسأل نفسك عن هذه الصرامة والشدة والغلظة الأمنية فى التعامل مع الشارع السياسى، بينما الشارع العادى يتحول شيئا فشيئا إلى غابة تحكمها وحوش البلطجة والنفوذ، ولكم فى معركة عزبة أبوقرن وموقعة كريازى النموذج والدليل.

لماذا الاستئساد على نشطاء محترمين متحضرين والاستنعام أمام قطعان الإجرام الجنائى وبلطجة وإرهاب هؤلاء المنتفخين بالثروة والنفوذ؟
يبقى فى مسيرة عابدين أنها تؤكد خصوبة مصر السياسية، ففى اللحظة التى تدخل فيها تلك التى تسمى أحزاب معارضة بيت الطاعة الحكومى وترضى بفتات المقاعد وبقايا المائدة، يدفع الشعب المصرى بمجموعات شبابية تشق الظلام وتعوضنا عن بلابل التمرد، التى قبلت أن تحبس فى أقفاص حزبية فاخرة.

لا شك ولا ريب أن من يدفع الناس هم غيلان أو منتفعون بدماء الناس،
هم متاجرون بقضايا الناس وهموم البسطاء،

كلمات حق يراد بها باطل،
ما الذي سيعود على العامل البسيط والطالب والمزارع والموظف والسواق من هذه الغوغاء ومعارضة الحاكم؟
هناك ممثلون للشعب في مجلس الشعب،
توجد صحف،
توجد معارضة،
توجد مؤسسات وقوانين ومثقفون،
يوجد هيئات وعلماء دين ومنابر،

ومن جهة جمال مبارك فما قال الأخ عمرو أديب:
معه لو رشح نفسه في دورة أخرى وليس في ظل حكم أبيه حتى لا يقال أنه ربح الانتخابات مستغلاً نفوذه وسلطته،

رأيي أن ما يقوم به الناس لا معنى له وإنما تهريج وفساد ما أنزل الله به من سلطان،
فمن حق أي كان أن يترشح،
" فعسى أن تكرهوا شيئاً ويجعل الله فيه خيراً كثيراً"

وإن كان في الأمور مخالفات أو مغالطات فاتركوا لأصحاب السلطة والقرار والعلماء كلمتهم، ولتتفرغوا لأكل العيش،
ودام الشعب المصري وقيادته في أمان وعافية ورخاء وبركة،

حكومة مصر المحروسة المنتخبة بكامل إرادة الشعب المصرى

للاسف الرابط اللى كنت حطاه مش بيشتغل
اكتبوا تزوير الانتخابات فى مصر على اليوتيوب و متعوا نظركم
و بعدين قولولى إزاى اجيب حقى من حكومة جايه بالتزوير

انجازات الحزب الوطنى الحاكم
http://www.facebook.com/video/video.php?...1886134895&ref=mf

حلقة مهمة

سكينة فؤاد ومؤامرة تدمير القمح المصرى فى مانشيت4/1

سكينة فؤاد ومؤامرة تدمير القمح المصرى فى مانشيت4/2

سكينة فؤاد ومؤامرة تدمير القمح المصرى فى مانشيت4/3

سكينة فؤاد ومؤامرة تدمير القمح المصرى فى مانشيت4/4